¹ Tubamo iji? Tuendelee he makusa nesa neema iongejeke? ² Hai sicho. Nne tugaye he makusa, tumuru kimomo kahali kuzoko he kacho? ³ He tem-iliye ite huvo vebatijwe he Kristo vebatijwe he kigame ku-u? ⁴ Tweekwaye tujikiwe hawe na-uye kutahoiya ubatijo he kigame . Yacho cheebo-ike nesa ite sa hucho Kristo ereka-awe kuli he kigame kutahoiya unyakhare wa Aba, nesa ite na nne tumuru kudaha he usha wa mizokoire. ⁵ Kwaite chikukwa twakwarianywa hawe na uye he kutotishwawa kigame ku-u, naho tunekwarianywa he ufufuo ku-u. ⁶ Nne ture-ile to, uhe kanu wa azeto weesurumijwe hawe na uye, nesa ite msa wa makusa u-oniwe. Yacho cheelijanye nesa ite tusiendelee kukwa vazasughawa va makusa. ⁷ Uye eegaye aabo-iwe elo haki kuagha na makusa. ⁸ Mira kai twaaga hawe ne Kristo, tudarisha ite tunezoko hawe nauye naho. ⁹ Tureile ite Kristo aafufuliwa kuli ha vegaye, naho ite si egaye wa. Kigame techimtawala kahali. ¹⁰ Kwaite kwa mburi ya kigame cho egaye he makusa, egaye kagi kawe he mburi ya vakabuna. Hata cho, mizokoire yo ezoko, ezoko kwa mburi ya Kiumbi. ¹¹ He kwalhi kayo kayo, kune naho mudumuwe kukutaria kuwa vegaye he makusa, mira vazime he Kiumbi he Kristo Yesu. ¹² Kwa mburi kayo useedumu makusa yatawale msa kechi nesa kusudi umuru kujikoiya tamaa ku-u. ¹³ Usigu hodi ja msa kechi he makusa sa vikolhe visilo haki, mira kuguni salaghu he Kiumbi, sa verahema kuli he kigame. Naho mugu hodi ja misa kaghu sa vikolhe vya haki ya Kiumbi. ¹⁴ Musidumu makusa yatawale. Kwaite temuhata di he sheria, mira di he neema. ¹⁵ Ni ahoni iji? Tubo-i makusa kwaite tetuata di he sheria, mira di he neema? Hai neri. ¹⁶ Temu-iliye ite haku-u uye ehu mkugu salaghu sa vanyamalo ni-i erehu kune mtakwa vanyamalo ku-u, uye mudumuwe kumkoiya? Yacho ni kweri hata kai kune ni vazasughawa he makusa huyo chizati-ianya kigame, kana vazasughawa va kukoiya uzati-ianya haki. ¹⁷ Mira atogolwe Kiumbi! kwaite mweekwaye vazasughawa wa makusa, mira mwaakoiya kuli he swaho huyo namna ya ihinisho lo mu-oiwe. ¹⁸ Mwaa-bo-iwe huru kuli he makusa, naho mwaabo-iwe vazasughawa va haki. ¹⁹ Nirayo sa mhe kwa mburi ya madhaifu ya misa kaghu. Kwaite sahucho muguye viungo vya misa kaghu kukwa vazasughawa he uchafu na ukusa, he mburi kayo kayo, iji guni viungo vya misa kaghu kukwa vazasughawa va haki he unyakhare. ²⁰ Kwaite ata mweekwaye vazasughawa va makusa, mweekwaye huru uda na haki. ²¹ He wakati kao, mweelo na ituunda ihama he mburi hujo kwa waijiji muaho susune hekayo? Kwaite vizalijanya vya mburi kajo ni kigame. ²² Mira kwa ite iji mwaabo-iwe huru uda na makusa naho mwaabo-ika vazasughawa he Kiumbi, mlo itunda he mburi ya unyakhare. Lizelijanya ni uzime wa azeto. ²³ Kwaite kulhanuwe kwa makausa ni kigame, mira zawadi ya bule ya Kiumbi ni uzime wa azeto he Kristo Yesu Dilao kanu.