¹ Naho ni faida mina elo nayo Myahudi? Naho faida ya elha ni kiahoni? ² Ni kikulhosha he kira kwalhi. Bosi ya vikabuna, Vayahudi veeoiwe ughubulo kuli he Kiumbi. ³ Mira, chinekwamo chikukwa vahali va Vayahudi teveekwaye na mdarisho? He, kusaadarisha kini kunebo-i udarisho wakwe Kiumbi kukwa teuye? ⁴ Mira hai. Mira iji, ro Kiumbi ahaoikane kukwa kweri, hata kai kira mhe ni mongo. Sacho cheekwaye chigondiwe, "Ya ite umuru kuahoikana kukwa mzalo haki he viome ke, naho umuru kutaho ukunebuu he umuhimu." ⁵ Mira chikukwa ukusa kanu uaija haki ya Kiumbi, tuyo kiahoni? Kiumbi sisi dhalimu hoegu malhaha ku-u, he ekwaye to? Niyo kuwesiana na mantiki ja kiuhe. ⁶ Mira hai! Ni mburi mina iji Kiumbi enehukumu idi. ⁷ Mira chikukwa Kweri ya Kiumbi kutahoiya mongo gho uzau sifa kumure kwa ajili ku-u, kwahoni nicheri sina hukumiwa sa elo makusa? ⁸ Ni kiahoni tuyo, sahucho tuyoiwe kisicho sa vahali cho vethibitishe ite twaayo, "Tuboi makusa, nesa makulho yalita"? hukumu ana kini nuya haki. ⁹ Ni kiahoni iji? Tukukania salaghu? Hai neri. Kwaite nne tayari twaavahukumu Vayahudi na Vayunani vakabuna hawe, naho ite veata di he makusa. ¹⁰ Yayo nisacho igondiwe: "Tehelo elo haki, neri muwe. ¹¹ Tehelo mhe neri eiliye. Tehelo mhe ehuye emdaa Kiumbi. ¹² Vakabuna vaghirii. Vo kwa hawe vaakwa tevelo maana. Tehelo ebo-i makulho, ee, neri muwe. ¹³ Wakha kini ni kaburi liata bule. Anda kini jaata. Sumu ya bome iata di he mi-o kini. ¹⁴ Gwalhu kini jihuye lupae na kunyera. ¹⁵ Masame kini ilo iguguluya kusu sako. ¹⁶ Kuonisha na manyamarisho yeata he kwalhi kini. ¹⁷ Vahe yavo teve-iliye kwalhi ya mdarisho. ¹⁸ Tehelo bughu ya Kiumbi mbele ja ma-ila kini. ¹⁹ Waijiji twaa-ile ite chochose sheria cho ineyo, iyo na huvo veata di ya sheria. Yayo ni nesa ite kira lugwalu luta-aijwe, naho cho ite idi ikabuna limuru kuwajibika he Kiumbi. ²⁰ Yayo ni kwaite tehelo msa unezatariwa haki he mibo-ire ya sheria mbele ja ma-ila ku-u. Kwaite kutahoiya Sheria helita muiliisho wa makusa. ²¹ Mira ijihesilo sheria, haki ya Kiumbi ya-ilikana. Yeeilikane. Ika-ahowe he sheria na valotezi, ²² kayo ni haki ya Kiumbi kutahoiya mdarisho he Yesu Kristo he huvakabuna vedarisha. Ake tehelo tofauti. ²³ Kwaite vakabuna vaabo-i makusa, naho vaapungukiwa ni unyakhare wakwe Kiumbi. ²⁴ Vaatariwa haki bule he neema ku-u he kwalhi ya ukombo uata he Yesu Kristo. ²⁵ Kwaite Kiumbi emguye Kristo Yesu akwa upatanisho he Kwalhi ya mdarisho he sako ku-u. Eemguye Kristo sa ushahidi wahe haki ku-u, he mburi ya kuvaka-aiya makusa yetahoye ²⁶ he ugumiriji ku-u. Yayo makabuna yeelijanye nesa kuaija haki ku-u wakati yao wa waijiji. Yayo yeekwaye nesa amuru kukua-ija salaghu kukwa haki, naho kuaija ite emtariya haki mhe wowose hemburi ya mdarisho heYesu. ²⁷ Kuataleiji kukutogola? Kwaakewe uda. He misingi mihama? Misingi ya mibo-ire? Hai, mkira he misingi ya mdarisho. ²⁸ Kwato tutafiriti ite mhe etariwa haki he mdarisho hesilo mibo-ire ya Sheria. ²⁹ Kana Kiumbi ni Kiumbi wa vayahudi bi? He uye si kiumbiwa vahe va mataifa naho. ³⁰ Chikukwa he Kweri ya Kiumbi ni muwe, enemutariya haki erevo va elha he mdarisho, nahu vesibutuiwe elha he kwalhi ya mdarisho. ³¹ He nne tuilhi sheria he mdarisho? Hai sicho! kimzungure cha kayo, nne tuiwesia sheria.