¹ Iji naba, he, Kiumbi evalhiye vahe ku-u? neri kagitutu. Kwaite ani naho ni Muisraeli, wa mbari yakwe Abrahamu, wa kabila lakwe Benyamini. ² Kiumbi tevalhiiye vahe ku-u, eva-iliye kulholhoshi azeto. He tem-iliye igondo libamo kumlanga Eliya, hucho emkengereje Kiumbi ana ya Israeli? ³ "Dilao, va-vaga-a valotezi kechi, navo vaapu miaresia kechi. Ani salaghu naashighala, navo vetadaa uzime gho. ⁴ Mira ilandulo la Kiumbi liyo kiahoni hake? "Naake he mburi gho vahe elfu saba huvo vesim-maya mamuro Baali." ⁵ Hatacho, wakati yao wa waijiji naho helo vereshighala kwa mburi ya misaghuirweya neema. ⁶ Mira chikukwa ni he neema, si kahali he miboire. kana sicho neema teikakwa wa neema. ⁷ Ni kiahoni iji? Mburi huyo ambayo Israeli eekwaye ekudaa, techiahoye, mira vesaghurwe vaachiaho, naho vahali vekabutuwe kuyahi. ⁸ Nire sahucho chigondiwe: "Kiumbi aava-o swaho isiko, ma-ila nesa va-aho, na malama nesa vasikoiye, mpaka wa-i yayo. ⁹ Ne Daudi eba, "Ro meza kini jikwa nyavu, mtegho, hodi ha kukukonta , na kukghiriti nkru kini. ¹⁰ Ro ma-ila kini yabutuwe kidughu nesa vasimuru kuaho. Uzevakodekija mizungure kini ma-aze kabuna. ¹¹ Iji naba,"He, vaakukonta na kulhu?" Isikwato neri. Mira iji, he kukwasiwe kini, wokovu waahe he mataifa, nesa vo salaghu vabutuwe wizu. ¹² Iji chikukwa kukwasiwe kini ni uzuri wa idi, naho kai hasara kini ni uzuri wa mataifa, nire kiasi minasha chinekwa kukamirika kini? ¹³ Naho waijiji niyo na kune vahe va Mataifa. Kwaite naakwa mtume he vahe va Mataifa mahali, nikukoiya na huduma gho. ¹⁴ Hangi ninemubutu wizu vekwaye va msa muwe na ani. Hangi tuneva-okoa vahali kini. ¹⁵ Ake chikukwa kulhi-iwe kini ni kudumuiyana kwa idi, kudoriiwa kini kunekwamo mira uzime kuli ha vegaye? ¹⁶ Kai matuunda ya azeto ni akiba, nicho chikwaye he idonge la unga. Kai ijindo ni akiba, matambi nayo erekwato. ¹⁷ Mira sa maghere he matambi yeteiwe, sa ari, itambi la meezala mizeituni, weelhaiwe hasi kini, naho sa ushirika hawe navo he majindo ya uzuri wa mizeituni, ¹⁸ usikutogole ana ya matambi. Mira kai ukutogola, si ari uyalha-ari majindo, mira majindo yekulha-ari ari. ¹⁹ Iji uneba, "Matambi yeeteiwe nesa nipate kulhawe he ²⁰ izina."Kacho ni kweri. Kwa mburi ya kusaadarisha kini vekatewe, mira ari wee-umaye kikulho kwamburi ya mdarisho kechi. Usikufanyanyire salaghu he hali ya anasha, mira uko bughu. ²¹ Kwaite chikukwa Kiumbi teyalhamaije matambi ya azeto, tekakukoiye mbazi ari. ²² Wesia, iji, mibo-ire mikulho nahu ukai wakwe Kiumbi. He bwa muwe, ukai weeliye ana ya Vayahudi huvo veelhuye. Mira he bwa mhali, ukulho wa Kiumbi ulita ana kechi, kai unezokoisha he ukulho ku-u. Kana sicho ari naho uneteishwa uda. ²³ Naho kahali, tevekaendelee he kusadarisha kini, venelhawe kahali. Ake Kiumbi elo umuruisho wa kulhaisha kahali. ²⁴ Kwaite chikukwa kune mweeteiwe gana he huvo ereva azeto mizeituni ya maeza, naho kimzungure cha uazeto mkalhawe wa he mizeituni ere mkulho, si kutahoisha yava Yahudi, erevo ni sa matambi ya azeto kumuru kulhawe kahali za he mzaituni kini salaghu? ²⁵ Kwaite vabahu sidumu musi-ile, kuwesiana na chimatuiwe ya, nesa ite msikwa na hekima he kufanyanya kaghu salaghu. Chimatuiwe yacho ni ite ukuji ulianye he Israeli, mpaka kukamirika he mataifa kunezalita. ²⁶ Kwato Israeli vakabuna veneokoka, sa chochogondiwe: "Kuli Sayuni enelita mkombo. eneuka-a ukusa kuli he yakobo. ²⁷ Naho yalo linekwa iaghano gho hawe navo, too nikuneyaka-a makusa kini. ²⁸ He bwa muwe kulanga injili, vesanuiwa he mburi kaghu. He bwa mhali kuwesiana na kusaghura kwa Kiumbi, vazadumuwe he mburi ya vakaka. ²⁹ Kwaite zawadi ni kusewa kwa Kiumbi tekubadirika. ³⁰ Kwaite bosi kune mweekwaye mwaamro Kiumbi, mira iji mwaadoriya mbazi kwamburi ya kuasi kini. ³¹ He kwalhi kayokayo, iji Vayahudi vaasi. Vizalijanya ku-u ni ite kuwesiana na mbazi jo mjaaliwe kune venemuru naho kudoriya mbazi. ³² Kwaite Kiumbi ava-oro vahe vakabuna he kuoni, nesa amuru kuvakoiya mbazi vakabuna. ³³ Kwahucho jikwaye ugiru uzuri na viugho na maarifa ya Kiumbi! Tejiwesiika! Ake ni iji ei-iliye fanyanyi yakwe Dilao? ³⁴ Kana ni ji ekwaye mshauri ku-u? ³⁵ Kana ni ji bosi em-oye kigi Kiumbi, nesa alhanuwe kahali?" ³⁶ Kwaite kuli haku-u, nahe kwalhi ku-u na haku-u, vigi vikabuna viata. Haku-u ukwa unyakhare azeto na azeto. Amina.