¹ Vabahu, fanyanyi ja swaho gho na iaresi gho he Kiumbi ni kwa mburi kini, kwa mburi ya wokovu kini. ² Kwaite nimubayani ite velo juhudi he mburi ya Kiumbi, mira sihe mburi ya ku-ile. ³ Kwaite teveiliye haki ja Kiumbi, naho vedaa kukwa haki kini salaghu. Teveekwaye vekoiya va haki ya ya Kiumbi. ⁴ Kwaite Kiumbi ni-u mtimilifu wa sheria he mburi ja haki ya kira mhe edarishe. ⁵ Kwaite Musa egonda kulanga haki huyo ilita kuwesiana na sheria: "Mhe erehu ebo-i sheria enezoko he haki yayo." ⁶ Mira haki huyo igerawee ni mdarisho iyo to, "Usiyo he swaho kechi, 'Ni ji enepaa kuso mbinguni?' (Yakwo ni kumgera Kristo di). ⁷ Naho usiba, 'Niji enedimi he ishimo ?" (Yakwo ni kumgera Kristo ana kuli ha vegaye). ⁸ Mira iyo kiahoni? "Kiome chiata sina na ari, he m-o kechi nahe swaho kechi. "Kwaite kai he lugwalhu kechi na he swaho kechi." Kacho ni kiome cha mdarisho, hulwo tubirikira. ⁹ Kwaite kai he lugwalu kechi umlanga Yesu kukwa ni Dilao, na kudarisha he swaho kechi ite Kiumbi emfufue kuli ha vegaye, uneokoka. ¹⁰ Kwaite kwa swaho mhe edarisha na kuaho haki, naho he lugwalhu eyo na kuaho wokovu. ¹¹ Kwaite igondo liba, "Kira emdarisha tekabuu susune." ¹² Kwaite tehelo chisitoti hasi ya Myahudi ne Myumnani. Kwaite Dilao huye huye ni Dilao wa vakabuna, naho ni mzuri wa vakabuna vemsee. ¹³ Kwaite kira mhe huye elisee ilhe lakwe Dilao eneokoka.. ¹⁴ Ni he mburi mina vemuru kumse huye vesimdarishe? Naho ni mburi mina vemuru kudarisha he uye neri tevemkoye? Naho venekomo hesilo mzabirikira? ¹⁵ Naho ni mburi mina vemuru kubirikira, mira bi vakwa vaasughawa? Sahucho chigondiwe, "Mburi mina cho emakulho masame ya huvo vebirikira mburi ja kinyemi cha mburi kulho!" ¹⁶ Mira vakabuna tevesikije injili. Kwaite Isaya eyo, "Dilao, niji ekoye mburi kanu? " ¹⁷ Kwato mdarisho ulita kuwesiana na kuko, naho kuko he kiome chakwe Kristo. ¹⁸ Mira naba, "He tevekoiye?" Ee, kwa kweri sha. "Sauti kini yaafiriti kuli gana he idi ikabuna, na viome kini kuso mwisho wa idi. ¹⁹ Kutaho makabuna, niyo, "He Israeli teiliye? Bosi Musa erayo, "Ninevaendereja kuvabutu wizu he vahe ehuvo si taifa. He kwalhi ya taifa lisi-iliye, ninevakwetianya mpaka msanuiwe." ²⁰ Ne Isaya ni jasiri sha naho eyoo, "Neeahoikane ni huvo ve-esinidaaye. Nika-ahoikana he huvo tevenidumuye." ²¹ Mira he Israeli vebaa, "Ma-aze kabuna neekumuruye mheregha gho he vesikoiya nahe vahe vakuji.