¹ Chikukwa wa kumbi amuka-a hawe ni Kristo,jidaeni mburi ja ana ho Kristo ezokho mharegha wa kuume wa kiumbi. ² Tatini he kuwesia mburija ana,si he kuwesia mburi ja ja idi. ³ Kwa ite adi bamuza na midire yenyu yaamatuwe hause na Kristo he kiumbi. ⁴ Madamo Kristo ekuraakhokana,eu midire yetu nilio na kuni mneraakhokana na u he ukulho. ⁵ Kwato jiga-eni mburi jiaha he ya idi sa ya zinaa,ukusa,tania ya vikusa na makusa khabuna,eyo miaresi ya viumbi. ⁶ Ni kwa mburi ya vigi ya malhalia a kiumbi elita ana he vaing'i veriakoiya. ⁷ Ni kwa mburi ya hawe na mweedalie kwa ka mwaredi hasi kini. ⁸ Mira iji-i ni lazima mjika-e mburi ya khabuna ite ,kusanuiwa,malhaha,kutoli kikusa,kuolhu na vi-ome vikusa eli he mi-o kaghu ⁹ Msitatiane kuni kwa kuni,kwa ite mwaaugu ulie kaghu wa azeto na mibo-ire ku-u. ¹⁰ Mwaa-oro ulie uti-ale ewo ubo-iwa uti-ale lieviugho kutiliana na hu emubo-ie. ¹¹ He viugho ya tehelo myunai hile myaludi,kutakhojwa elha na kusatakhojwa,esomie na esisomie ni mburi khabuna liele esimtumwa,mira ite Kristo ni mburi khabuna he vikhabuna. ¹² Sa velhoweni kiumbi ve-akhuye na vedumuwe,ku-oroni she ukulho,karibishana,kudimijeni,uhoju na kugumirija. ¹³ Dorianani kuni kwa kuni mkliwe na mbazi kira mlie na m-aro kai mlie elo mburi na na m-aro,amroie sacho kuimbi emuroie kuni . ¹⁴ He ya mburi jose,khwani na ludu,uisho echo chifuruja mlie, ¹⁵ Ukulho wa Kristo umuka eie hasi kaghu cheekliwaye to kwa mburi ya ukulho ya ite mweesewe he msa muwe.kwai na kutogola. ¹⁶ Na mburi ya dilao ikhusa za lienyu kwa ukumure,He viugho khabuna aijanyazi na kulha-ariana kuni kwa kuni kwa zaburi na kufwaru he swaho fwaruni kwa kutogola swaho jenyu he kuimba. ¹⁷ Mburi yeyose yo m-boi hekuyo hile hekuboi bo ini uyose he ilhe la dilao yesu mu-oni kutogola kiumbi aba he u. ¹⁸ Valage kudimijeni he va-agiru kaghu sacho chiagija he dilao. ¹⁹ Na kuni va-agiru vadumuni vlage kaghu msikhwa vakai he u. ²⁰ Kuni vaing'i vailikeni vemuakhog ye he mburi khabuna ake nicho chimlhamuiya kiumbi. ²¹ Kuni va-aba msiendereje vaingi kaghunesa vasirepuika swaho. ²² Vatumwa vaitikeni vadilao kaghu he msahe mburi khabuna si kwa unyamalo wa ma-ila sa valie v kulhamuija bi mira kwa swaho ya kweri m bughanuni kuimbi. ²³ Kira cho m-boi b0-ini kulihe swaho jenyu sa he dilao na si he vale. ²⁴ Muilie ite mneowa kitende na vikulho kulihe dilao.Ni Kristo dilao ye tumbo-ia. ²⁵ Kwa ite kira ebo-i esivikulho eneataria lunkumu kwa mibo-ire esimikulho yo ebo-ie na tehelo kupendelewa.