¹ Vaaguru guni he vanyamalo mburi jakweri na jilo ishima.Mira milie mlo dilao ana hekiumbi. ² Susughuni kwa kudarisha he miaresire zokhoni maila heka kwa ntogolo. ³ Aresini hawe kwa mburi ya nne kalo kiumbi alha luhige kwa hu mburi ku-u kuyo maao ya kweri ya Kristo kwa mburi ya ya naosiwa minyoro. ⁴ Ni mulhau ite nimuru kulike lheme sacho unidumu kuyo. ⁵ So kwa viugho he valie viaha gahania ua mukombo madamo. ⁶ Mburi kaghu jikhwa na mbazi madamo ghabuna na mburi kaghu jikhwa jikolhie mnaro madamo nghabuna kalo muite mimngherititi kira muhe. ⁷ He mburi jinitara ani,Tikiko eneboi ailike he kuni. ⁸ Ni msugha he kuni kwa mburi yaya nesa muite mburi jitutara naho ite mmuru kutubutu swaho. ⁹ Ni msugha ne Onesimo mbaghu na mbaghu kanu mkweri na muwe kanu venemubaaya kira kigi chilijanye i-i. ¹⁰ Aristariko mza oruwa msaro kanu em-holu ne mark ingi wa abukini na barimaba huu mdaniye utanda kuli he-u nau ekulita mdanieni. ¹¹ Naho Yesu esewa yusto ya salaghini vefiwe elha ni vanya malo vaaro kaghu kwa mburi ya ugiru wa kiumbi vaakhwa ni ikuluje ko-i ¹² Epafra emuholu nau ni muaro kaghu na mnyamalo wakwe Kristo Yesu .Eboi nakawe heku m-aresi kwa mburi nesa mumuru kuuma kwa u na kuilishishwa hekumu khabuna kwa kiumbi. ¹³ Kwa ite nimubaiya ite eboishisha nyamalo kwa mburi kaghu kwa ka loudikia na kwa ka veaha kierapoli. ¹⁴ Luka hu mkura mbaghu na demovemuholu. ¹⁵ Valolu vabaghu ko-o veaha loudikiane nimta na ukanisa liahe anglia ku-u. ¹⁶ Karatasi ya ata ikunesoniwa hasi hasi kaghu isomwe wa he ikanisa la loudikia na kuni mseezi kuisoma kuli loudikia. ¹⁷ Kikulho arikipo usesia kalo nyamalo u udarie hedilao ite udumuwa uifiije. ¹⁸ Miholure ya mharigha ko-o salangho hulkani minyororo ukulho na u ngliwa na kuni.