¹ Kwaite ni dumu muile chonilo na kasi kwa mburi yenyu hela ghabuna ve lhotuke laodoki naleva ghabuna vesiaghoye vubasa vyagu hemsa. ² Ni boi nyamalo ite swaho javo jiowe ikuluje naukumuhe wakweri pitinu jakuila siri ya kweri yakiumbi eu ni kiristo. ³ Za yuu vigi vikewe vigna buna pitina na vingo vimatuwe. ⁴ Viyoto ite muhe wowose asire muboiya pitimu kwakubiri kina kutati. ⁵ Naite siaha hawe na kuli hemsa mira niaha na kunihe swaho vilumuiwa ni kua aghocho muboi kiklho na u ya udumuisho wenyu za ya Kristo. ⁶ Sacho emdoriye Kristo ina dodani heu. ⁷ Msimikwe heku mkwame za yakwe nisi mikwe zayu udumuisho schabi mfundishwe nakuorowa za kudarisha kukumure. ⁸ Wegiani ite muhe wase asinudarishe kwa kaai kukusa na mburi isilokweri kuta kuagha na cho easiwe kudori ya kwa vahe kuaghati sacho hekewe mbari jakiidi siku aghabi ne Kristo. ⁹ Kwaite hasihasi kwe ye edarishe agha buha va kiumbi udiye hasi msa. ¹⁰ Na kuni mguuiswe za ya kwe unimua wa buri ghabuna jiaha ana. ¹¹ Za ya u mwenye mufiwiwe enzha kwa elha isiboiwa ni vai na vaidi.Heku kaiwa musa wagarema mira niza ya kufiwa elha zaya Kiristo. ¹² Twekewe hawa na u heubatiji na kwa mburi ya kudarisha za yakwe mwakaiwa hekigame kwa u ja kiumba evaguye he kigame kulihe vegaye. ¹³ Nacho mwegaye he kuoni kaghu na kusa taghojwa elha hemusa kaghu amuboi azime haise na u wa kutukaia makusa kanu. ¹⁴ Atukaia na tehulaye mawero igondiwe na utanda usiaha kikulho na nine akaa maghabuna na kua maiya ne msalaba . ¹⁵ Ekaiye unahuya ya ana eka vike ilheme ekaboi kugwa elha ya kulhotu kwa kwa ya msaraba ku-u. ¹⁶ Kwato mhe wowose asim-butu he ma-oghe kuni ,he ku-a hile he kuwaha hile mi-aze ya elha hile mlhile mku-ale lule iaze la sabato. ¹⁷ Ya ni kijui cha mburi jilitie,mira kininga ni Kristo. ¹⁸ Mhe wowose asire-alewa tuzo ku-u kwa kudumu kukudimiri na kwa ku-aresi malaika mlie etoe to ebuu he mburi jo eakhoye na kuheherejwe ni mitotire ku-u ya kimsa. ¹⁹ Vi tadaririsha ma ni kuli he ma ite msa mkhabuna kutakhoia khonyoko ku-u na mafwara kusahejwa na kukhwarijwe hodi lawe na vilheru kwa milherajijwe ili he kiumbi. ²⁰ Chikukhwa mgaye hawe ne Kristo he mburi jaya idi mbona mdi sa vanyamalo vya ya idi. ²¹ Msidare,neri msiho-o neri msidoe? ²² Ya vikhabuna visughawe kwa mburi ya vi-onika vilitie na mibo-re chili he miyore na ku-aijiwe ni vahe. ²³ Miko ya ilo uzugho vya dini jibo-iwe kwa kukudumu na kukudimini na kharo ja msa,mira tejilo kitende kutakho midumure ya msa.