¹ Tumudumu kune mu-ile, kaka ne dada, chitara neema ya Kiumbi hujo iguiwe he makanisa ya makedonia. ² Too he ighesho igiru la manyamarisho, ukumure wa kinyemi kini na isusuiko la uhuye kini wazasaa uzuri mgiru wa ukarimu. ³ Kwaite niyo ite veguye he hucho vemuruye, naho na kutaho cho vemuruye. ⁴ Naho kwa kudumu salaghe he kutusembereja kukumure, veetudumuye he kukwariana he huduma yayo he vazadarisha. ⁵ Yayo teilijanye sa hucho tweefanyanye. Mira iji, bosi vekuguye vo salaghe he Dilao. Naho vekakugu vo sallaghe hakanu he midumuisho ya Kiumbi. ⁶ Kwato tweemsembiye Tito, eekwaye pere alholhoshija nyamalo yayo, kugera he utimilifu chiboika yacho he ukarimu ana kaghu. ⁷ Mira kune mlo ukumure he kira kigi - he mdarisho, he kuyo,he viugho, he bidii, na he udumuisho, kaghu kwa mburi kanu. Kwacho hakikishani ite kune mlo ukumure naho he kubo-i yalo la ukarimu. ⁸ Niyo to si sa amri. mira iji, niyo yalo nesa kupima ukweri wa udumuisho kaghu he kuaghaghati na vidumuwe ni vahe vahali. ⁹ Kwaite mureile neema ya Dilao kanu Yesu Kristo. Hata kai eekwaye tajiri, he mburi kanu ekakwa mhuye. Nesa ite kutahoiya uhuye ku-u mumuru kukwa vazuri. ¹⁰ He mburi yayo ninemu-o ushauri huo unevalha-ari. Mko muwe utahoye , temweelholhoshe bi kubo-i mburi. Mira mweedumuye kubo-i. ¹¹ Iji lifiritini. Sahucho bi mweedumuye na swaho ya kulibo-i, naho, he, mweseemuru naho kuligera he kufiritiwe, he kadri ya chomunemuru. ¹² Kwaite mulo kise cha kubo-i mburi ya, ni mburi kulho naho lidumuikana. Chidumuwe liuma ana ya hucho elo nacho mhe, si ana ya hucho esilo nacho mhe. ¹³ Kwaite nyamalo yayo siyo he ite vahali vemuru kuaho nafuu na kune mumuru kuyahiiwa. Mira iji, hakwa na kuagha. ¹⁴ Ukumure kaghu wa waijiji unelha-ari he hucho vechidumu. Yacho nirecho naho nesa ite ukumure kini umuru kulha-ari vyovedaa hakaghu, naho ite hakwa na kuagha. ¹⁵ Yacho nisacho hegondiwe, "Uye elo na ukumure tezekwa na kigi chochose chizeshighala na uye eekwaye na kagitutu teekwaye na udumuisho wowose." ¹⁶ Mira atogolwe Kiumbi, ekeye za swaho yakwe Tito swaho huyohuyo ya bidii ya kuwesia vahali huyo nirelo nayo ani he mburi kaghu. ¹⁷ Kwaite sio bi eedoriye kuaresi kanu, mira naho eelo bidii kuwesiana na miaresi kayo. Eelitiye hakaghu kwa kudumu uye salaghe. ¹⁸ Twaamsugha hawe na m-bahu huye etogolwa he vahe va makanisa kwahe mburi ya nyamalo ku-u he kubirikira injili. ¹⁹ Si he ya bi, mira naho eesaghurwe ni makanisa kubari na nne he kuti-i hodi uda na uda mburi ya ya ukarimu. yayyo nuhe unyakhare wa Dialo salaghe nahe kise kanu cha kulha-ari. ²⁰ Tugugulu umuruikano ite wowose edumuwe kukararija kuwesiana na nne nahe nne kuwesiana na ukengerejo huo tuu-tiye. ²¹ Tudori uwesiisho kubo-i erehu cha heshima, si hebi mbele ja Dilao, mira mbele ja vahe. ²² Naho tumsugha m-bahu mhali hawe navo. Twaamuwesia kagi kakumure, naho twaamuaho ni elo kise kwa mburi ya nyamalo kumure. Hata waijiji elo bidiisha kwa mburi ya ujasiri mgiru elo nawo za kaghu. ²³ He mburi yakwe Tito, uye ni mshirika m-aro gho na mzabo-i nyamalo m-aro gho he mburi kaghu. Sa he vabahu kanu, vazasughawa va makanisa. Nirevaheshima he Kristo. ²⁴ Kwato, va-aijeni udumuisho kaghu, naho muva-aije he makanisa chigera kukukomba kaghu he mburi kaghu.