¹ He, twaalholhoshi kukutogola salaghe kahali? Tetudumu barua ya mapendekezo kaghu kana kuli hakaghu, sa baadhi ya vahe, he turadumu? ² Kune salaghe ni barua kanu ya mapendekezo, iregondwa he swaho kanu, ire-ilika na kusomwa ni vahe vakabuna. ³ Naho mra-aija ite kune ni barua kuli he Kristo, iguiwe ni nne. Yeegondiwe sihe wino mira he Swaho ya Kiumbi ara zoko. Teigondiwe ana he vibala vya masaheru, mira ana ya vibala vya swaho ya vahe. ⁴ Na yao ni-u ujasiri tulo nawo he Kiumbi kutahoiya Kristo. ⁵ Tetukudarisha salaghe he kudumu chochose sa kuli hakaghu. Mira iji, kukudarisha kanu kuli he Kiumbi. ⁶ Ni Kiumbi huye etubo-i tumuru kukwa vanyamalo va iaghano i-kua. Yayo i-aghano si la barua mira ni la Swaho. Kwaite barua iga-a, mira swaho igu uzime. ⁷ Iji nyamalo ya kigame yeekwaye ipeiwe he herufi ana he masaheru yeelitiye he namna ya unyakhare ite vahe va Israelo tevewesie we kwa we he vubasa vwa kwe Musa. yayo ni he mburi ya unyakhare wa vubasa ku-u, unyakhare huo weekwaye utalhaha. ⁸ He, nyamalo ya Swaho teikakwa na unyakharesha? ⁹ Kwaite huduma ya hukumu yeekwaye ni unyakhare, ni kagi kame sha huduma ya haki itahoisha he unyakhare! ¹⁰ Ni kweri ite, hucho chibo-iwe unyakhare wa bosi techilo unyakhare mhalihe heshima yayo, He mburi ya unyakhare utahoye . ¹¹ Kwaite sahucho cheekwaye chitaho cheekwaye na unyakhare, ni kiasi mina sha kutaho hucho echa kuzokoisha chinekwa na unyakhare! ¹² Kwaite tukudarisha kayo, tulo ujasiri sha. ¹³ Tetukwaye se Musa, ekeye utaji ana ya vubasa ku-u, nesa ite vahe va Israeli vasimuru kuwesia we he kwa we he mwisho wa unyakhare huo ukwaye ulaha. ¹⁴ mira mi-iliisho kini jeekwaye jilhatiiwe. hata mpaka mu-aze yao utaji huo huo bado ureshighala ana ya usomaji wa iaghano la azeto. Techighubulwe, kwaite ni he Kristo salaghe ineti-iwe uds. ¹⁵ Mira neri wwa-i, muaze wowose Musa ekunesomwa, kulangwa ku-u kuzoko ana ya swaho kini. ¹⁶ Mira mhe ekughiriti he Dilao, utaji utaka-awe. ¹⁷ Iji Dilao ni Swaho. Helo Swaho wa Dilao, helo uhuru. ¹⁸ Iji nne vakkhabuna, hawe na basa jisikeiwe ulangisho, kuaho unyakhare wa Dilao. Tunebadirishwa za he miahoikire huyo huyo wa unyakhare kuli shahada we ya unyakhare kuso hahali, sacho chikwaye kuli he Dilao, ehuye ni Swaho.