¹ Kwato nika-amua kwa hodi hagho salaghe ite sese-lita kahali hakaghu he hali ya uchungu. ² Kai neemugeriye kune masurumiji, neeji esenilhauija ani, mira ni huiye ehu ehiriwe ni ani? ³ Neegondiye sacho neebo-iye nesa ite too nikunelita hakaghu nisimuru kuhiriwe ni huvo veseekwaye vanibo-i nilhamuiwe. Nirelo ujasiri kulanga kune vakabuna ite kulhamuiwa gho ni kulhamuiwa hukohuko mukwaye kune vakabuna. ⁴ Kwaite neemugondiye kune kuwesiana na manyamarisho magiru, na dhiki ya swaho, na he ma-ilima makumure. Sizedumu kumugeriya kune masurumijo. Mira iji, needumuye mu-ile udumuisho wa za nilo nawo he mburi kaghu. ⁵ Kai helo wowose esababishe masurumiji, eneyegera he ani bi bi. mira he kiwango kigitutu- neri kukweisha ukai sha- hakaghu kune vakabuna. ⁶ Yayo adhabu ya mhe kaye he vakumure itosha. ⁷ Kwato iji badala ya adhabu, mudumuwe ku-ka-aiya na kumfariji. Bo-ini to nesa asimuru kutahowe ni vuhuye vutahoye. ⁸ Kwato nimubutu swaho kuthibitisha udumuisho kaghu he vahe kwa ajili ku-u. ⁹ Yayo niyo mburi neegondiye, nesa ite nimuru kuvagali na ku-ile ite kai vazako he kira kigi. ¹⁰ Kai mkune mka-aiya wowose, naho na ani ninemka-aiya mhe kaye. Hucho nichika-aiye - kai naamka-aiya chochose - chinekwa chaaka-awe he faida kaghu he kuata hakwe Kristo. ¹¹ Yayo ni ite Shetaniaseeza tubo-iya mambeza. Kwaite nne si virundu he mipango ku-u. ¹² Luhige lweelhaiwe hagho ne Dilao nirealita he mwang'a wa Troa kubirikira injili yakwe Kristo too. ¹³ Hata cho, seelo na m'polele ya swaho, kwaite seemhelhaye m-bahu gho Tito too. Kwato nikavaro na kukirii Makedonia. ¹⁴ Mira atogolwe Kiumbi, huye he Kristo kagi kakabuna etukaeti nne he ushindi. Kutahoiya nne esambaza mihem'pe mikulho ja viugho ku-u hodi hakabuna. ¹⁵ Kwaite nne he Kiumbi, ni mihem'pe mikulho yakwe Kristo, vakabuna he huvo veokolewe na he hu veangamia. ¹⁶ He vahe veangamia, ni mihem'pe kuli kigame mpaka kigame. he huvo veokolewa, ni mihem'pe mikulho kuli uzime hadi uzime. niji eye vigi yavyo? ¹⁷ Kwaite nne sio sa vahe vakumure vedi kiome cha Kiumbi he faida. mira iji, he utanda wa fanyanyi, turayo he Kristo, sahuchoturasughawa kuli he Kiumbi, mbele ya Kiumbi.