¹ Chidumuwe nikukoiye, mira tehelo chinesusuwe ni kacho. Mira nineendelea he miheregha ya maghubulokuli he Dilao. ² Nirem-ile mhe muwe he Kristo huye miko ikado na mihai itahoye ehuye --- chikukwa he msa, kana gana ya msa, ani si-iliye, Kiumbi ereile --- enyakuliwe ana he mbingu ya kakai. ³ Naho nireile ite mhe yaye---chikukwa he msa, kana gana ya msa, ani si-iliye, kiumbi ereile-- ⁴ eedoriwe ana hadi paradisona kukoiya viome vinyakhare sha he mhe wowose kuviyo. ⁵ Mira he niaba gho salaghe sikakukombe. Mira bi he kulanga uzaifu gho. ⁶ Kai nikudumu kukukoiya, siseekwa kirundu, kwaite neseekwaye niyo ukweri. Mira ninero kukukoiya, nesa ite asezakwa wowose eneanifanyanyisha kutaho kayo kutaho chira-ahoikira za hagho kana kukoika kuli he ani. ⁷ Sikakukombe naho he mburi ya kayo maghubulo ya aina ja kimako. Kwato, sikahuwe ni kiwange, mlhae ukeiwe za ya msa gho, kiome cha shetani chinishambulia ani. nesa niseghiriti kukwa elo mahikuko. ⁸ Kagi kakai neemsembiye Dilao kulanga yalo, nesa uye kuuka-a kuli hagho. ⁹ Naho uye ekanibaya, "Neema gho itosha he mburi kechi, Kwato, neseedumuye sha kuhikukisha kulanga udhaifu gho, nesa ite umuruisho wakwe Kristo umuru kuzoko ana hagho. ¹⁰ Kwato ninetosheka he mburi yakwe Kristo, he udhaifu, he makutano, he vwasi, he manyamarisho, he mburi ya manughuriko. Kwaite too nikukwa dhaifu, naho nilo nguvu. ¹¹ Ani naakwa kirundu! kune mwenisusutije he yalo, kwaite kai neetogolwe ni kune. Kwaite seekwaye mgitutu sha he kavo vesewe vazasughawa vakulho, hata kai ani si kigi. ¹² Ishara ja kweri j a vazasughawa jeebo-ike hasihasi kaghu he ugumiriji, ishara ja vimako na mibo-ire migiru. ¹³ He namna mina mweekwaye na umuhimu wa di kutaho makanisa yeshighale, mirabi ite seekwaye bi mmaru hakaghu? Mnika-aiye he kuoni yalo. ¹⁴ Wesia! ani niata pere kulita hakaghu he kagi ka kakai. Sikazekwa mmaru hakaghu, kwaite sidumu kigi ekikaghu. Nimudumu kune. Kwaite va-inyi tevedumuwe kuke akiba kwa mburi ya vazazi. Mira iji, vazazi vedumuwe kuke akiba kwa mburi ya va-inyi. ¹⁵ Nilhamuishishwa kutumia naho kutumiwa he mburi ya swaho kaghu. Kai nimudumuisha, nidumuwe kudumuwe kagitutu? ¹⁶ Mira sacho chikwaye, simuyahiishishe mmaru kune. Mira he ite ani nireilisha. ani nihuye emudaraye kune he nikwaye huye emupatiye kwa kutawe. ¹⁷ He, needoriye he kukubo-iya faida he wowose neemsughaye hakaghu? ¹⁸ Neem-sembiye Tito kulita hakaghu, neemsughaye m-bahu mhali hawe na-u. He, Tito eevabo-iye faida kune? He, tetudahaye he kwalhi huyohuyo? He, tetudahaye he bame hujo hujo? ¹⁹ Mufanyanya he muda yao vakabuna tukwaye tukukaniya nne salaghe hakaghu? Mbele ja Kiumbi, na he kristo, twaakwa tukuyo kira kigi kwa mburi ya kumuimarisha kune. ²⁰ Kwaite nilo futo ite nikunelita nimuru nisimuaho kune sahucho nidumu. Nilo futo ite mumuru msiniaho ani sahucho mudumu. Niko futo ite hemuru kukwa na mayoijano, wizu, milipuko ya malhaha, midumuire ya ubinafsi, mambeza, vibwange, na aku. ²¹ Nilo futo ite nikunekirii kahali, Kiumbi gho emuru kuninenekerija mbele kaghu. Nilo futo ite nimuru kuhunishwa ni vakumure huvo vebo-iye makusa ata bosi, na huvo tevegaliye uchafuna, na uasherati na mburi ja kudumu vyo vevibo-i.