¹ Nifanyanya ite mweseegumirija na ani he baadhi ya ukirundu. Mira he Kweri mgumirijiana na ani. ² Kwaite ni mzalo wizo kulanga kune. Nilo wizu wa Kiumbi kwa mburi kaghu, tangu nirevakeiya kilagha kune he ndoa ya mwagiru muwe. Neekeye kilagha kumugera kune he Kristo sa bikira kulho. ³ Mira niko bughu ite he namna fulani, sacho bome imtaue Eva he mongo ku-u, fanyanyi kaghu jimuru kulahatianywa uda kuli he kuaresi ehecho na hatanda he Kristo. ⁴ Kwaite he mfano ite mhe fulani ekalita na kubirikira Yesu mhali tofauti na huye tum-birikira. Kana he mfano ite mkadoria swaho mhali tofauti na huye mumdorie. Kana he mfano ite mkadoria injili hali tofauti na huyo muidoriye. Mkagumirija mburi yajo kikulho chitosha.! ⁵ Kwaite nifanyanya ite ani sihe vo va veata duni he kavo vesewe vazasughawa- vakulho. ⁶ Mira hata kai ani sihinijwe he kugu hotuba, sikwaye to he viugho. He kira namna na nhe mburin kabuna twaalibo-i yalo ku-ilikana hakaghu. ⁷ He, neebo-iye makusa he kukunenekera salaghe nesa kune mumuru kuka-aiwa? Kwaite neebirikire he uhuru wa injili ya Kiumbi kaghu. ⁸ Neevalaye makanisa majhali he kudoria msaada kuli hakini nesa ite nesemuruye kumuhudumia kune. ⁹ Too neereata hawe na kune naho neekwaye he kudumu, seemyahiiye wowose. Kwaite vyo nidumuye gho veetoshelejwe ni vabahu veelitiye kuli Makedonia. He kira kigi nakukindija salaghe kusaakwa mmaru hakaghu, naho nineendelea kubo-i to. ¹⁰ Kai kweri yakwe Kristo ikwaye za hagho, yako kukutogola gho, tekukata-aijwe he hodi ja Akaya. ¹¹ Kwa ahoni? Kwaite sivadumu? Kiumbi ereile nivadumu. ¹² Mira hucho nichibo-i, ninechibo-i naho. Ninechibo--i nesa ite nimuru kulhiija ntafasi ya huvo vedumu ntafasi yakukwa sacho tukwaye he hucho vehikukiya. ¹³ Kwaite vahe huvo ni vazasughawa va mongo naho vazaboi nyamalo he vazakuta. Vekughiriti salaghe sa vazasughawa vakwe Kristo. ¹⁴ Naycho techimakija, kwaite hawe ne shetani ekughiriti salaghe sa malaika wa luatame. ¹⁵ Yacho techigera kumaka kugiru sa vanyamalo ku-u naho kukughiriti salaghe sa vanyamalo va haki. Hatima kini chinekwa sa mibo-ire kini yoyenezaye. ¹⁶ Niyo kahali: Iji haseezakwa na mhe wowose enefanyanya ani ni kirundu. Mira kai mkubo-i, nidorieni ani sa kirundu nesa nimuru kukutogola khagitutu. ¹⁷ Hucho nichiyokulanga kukudarisha he kukukoiya tekukahukumiwe ni Dilao, mira niyo sa kirundu. ¹⁸ He hucho vahe vakumure vekukoiya he namna ya msa, ninekuoiya naho. ¹⁹ Kwaite mweedoriane he kinyemi na virundu, kune salaghe mlo utanda! ²⁰ Kwaite muzadoriana na mhe kai ekukubutu he usughawa, sa kugera mkakaishano hasi kaghu, kai ekuvasughaya kune he faida ku-u, kai ekunekuke ana he sa-a, kana kai ekumuma he vubasa. ²¹ Ninezayo he susune kanu ite nne tweekwaye dahaifu sana kubo-i to. Naho hecheri kai wowose ekukukoiya - kuzayo sa kirundu -- ani naho nikukoiya. ²² He, vo ni Vayahudi? Na ani niret. He, vo ni Vaisreli? Naho na ani nireto. He vo nivakusawe ni Abrahamu? Naho na ani nireto. ²³ He, bo niva nyamalo va Kristo? {Niyo sa nitetorikwa ni akiri gho.} Ani nitaho. Neekwaye hata he nyamalo kuji sha, udashisha yakukwa hekuorowe, he kumawe kutahoi vimanyerwe he kukabili, hatari kumure ja kigato. ²⁴ Kuli he vayahudi nidoriye kagi kakoi "Mimaisho mirongo mihai kugu we." ²⁵ Kagi kakai neemaiwe kwa ndate. Kagi kawe neemaiwe masaheru. Kagi kakai netenusurika he meli. Ninyamarike na-ama na chakako he bahari ya ighubuke. ²⁶ Naakwa he ntambo ja kagi kwa kagi, he hatari ya miharaza, he hatari js vagwalo, he hatari kuli he vahe va mataifa, he hatari ja ma-i, he hatari ja jangwa, he hatari ja bahari, he hatari kuli he vabahu va mongo. ²⁷ Naakwa he nyamalo kuji na he mizokoire mikuji, he ki-ama kigiru wa kusaabodi, he kela na kasu, kagi kakumure he kulhati, he sa-a na kuzoko neri gomaye. ²⁸ Uda na kigi kihali,mhelo msukumo wa kira i-aze ana gho na futofuto ghohe mburi ya makanisa. ²⁹ Niji ni dhaifu, naho ani si dhaifu? Niji eroye mhali kulhu he makusa, na ani sihiri za? ³⁰ Kai chitadumuwe nikukoiye, ninekukoiya kulanga hucho chiaija udhaifu gho. ³¹ Kiumbi na Aba wa Dilao Yesu, uye ehuye etogolwa ma-aze kabuna, ereile ite ani sitata. ³² Twai Dameski, mgiru wa mkoa di ha dilao Areta eekwaye ekuwesia mwang'a wa Dameski nesa kunidara. ³³ Mira nikakewe he kiteju, kutahoiya he idirisha he lukando, naho nikanusurika kuli he miheregha ku-u.