¹ Yayo ni kagi kakai ite nilita hakaghu. "Kira kulahana lazima libo-iwe na liyowe ni mashahidi vany kana vakai." ² Naafiritii kuyo he kavo vebo-iye makusa azeto na he vahali vakabuna too neekwaye are kagi kakanu, naho nitayo kahali: Nikunelita kahali, sikavagumirije. ³ Nimubaya kune yalo kwaite mudaa ushahidi ite Kristo eyo kutahoiya ani. Uye si dhaifu hakaghu, mira iji, uye ni elo nguvu za hakaghu. ⁴ Kwaite eesurumijwe he udhaifu, mira era zoko he nguvu ja Kiumbi. Kwaite nne naho ni dhaifu zq haku-u, mira turazoko na-uye he nguvu ja Kiumbi he swaho kaghu. ⁵ Kuwesieni salaghe muaho ite muata he mdarisho. kupimeni salaghe. Temzaile ite Yesu Kristo aeta za kaghu? Uye eata, kai sicho hangi temnawesiishwa. ⁶ Naho nilo ujasiri ite kune mneile ite nne tetulhiiwe. ⁷ Iji tuaresi Kiumbi ite msimuru kubo-i chochose kikusa. Siaresi ite nne tumuru kuahoikana twaataho he kugaliwe, mira iji niaresi ite mumuru kubo-i echo ekikulho, Hata kai tumuru kuahoikana twa-atahowe ni igalija. ⁸ Kwaite nne tetumuru kubo-i lolose kimzungure na ukweri, mira ni he mburi ya ukweri bi. ⁹ Kwaite tulhamuiwa too tukukwa vadhaoifu kune mkukwa na nguvu. Tuaresi naho ite mumuru kuboiwe vakamirifu. ¹⁰ Nijigonda mburi yajo too nikukwa uda na kune, nesa ite too nikukwa hawe na kune sishinda dumu kumuaija ukai kune. Sishinda dumu kutumia kisatu Dilao choenioye ani nimukwa naho sihe kumu-lhuku di. ¹¹ NAho iji, vabahu va kiagiru na vakilage, lhamuiwani! bo-ini nyamalo he mburi ya ukiritijo, m-butuwe swaho, tumuiyanani kune he kune, muzoko he m'polele. Ne Kiumbi wa udumuisho na m'polele enekwa hawe na kune. ¹² Holuiyanani kira muwe he ibusu inyakhare. ¹³ Vazadarisha vakabuna nivaholu. ¹⁴ Neema ya Dilao Yesu Kristo, udumuisho wa Kiumbi, naho ushirika wa Swaho Mnyakhare ukwa hawe na kune vakabuna.