¹ Kwa kwaya kuni e valage mdumuwa kukuguhe vaagiru vyenyu venye,nesa ite kaihelo vakiwe tevedarie mburi,kutakhoiya mizukhore ya valagevavo vemuru kukhurumuesilo mburi ya kiumbi. ² Kwa ite vo venye venekhwe vaakho cho mtuye hawe na ishima. ³ Ya iboike isirekhwa ite ni kwa gahana -kubo-i alhu na ku-oru vigi vya beigiru vya dhahabu hile gome ja misimo. ⁴ Mira ite m-boi kwa uliwaza wa swaho na kuhimba he ukulho wa kukudimija na kuturia kwa swaho ewo wa kitende he kiumbi. ⁵ Kwa ite valage velhowe veekuhambie salaghini kwato veelo mdarisho he kiumbi na veekuvakoiya vaagiru vavo venye. ⁶ Kwa kwa ya sara ekumkoiya Ibrahimu na kumse u agiru wakwe kuni waiji-i mu vaingi vakwe kai mwaboli makulho na kai tembughenu vikusa. ⁷ Kwa kwa kaa ka vaagiru mudumuwa kudi na valage kaghu mku-ila ite vo ni va-aro va kilage vanyonge mkuvaila vo sa varadaria va-aro maiho a uzime bo-ini to kalo miaresi kaghu isitilijwe. ⁸ Kwato kuni valhabuna mukhwa na totime velo mbazi ludumuisho sa vabakhu,vekudimija na veturie. ⁹ Msilhanu ukusa kwa ukusa hile violhu kwa violhu badiri yakwe himbani kubariki kwa ite nicho museiwe ite mrithi baraka. ¹⁰ U edumuye kudi na kuakho idi ikulho edumuwa eitije hu-anda lwakwe he makusa na mio ku-u isiyo lame. ¹¹ Akherii na kuro makusa na kubo-i makulho adae ukulho na kuudosa. ¹² Ma-ila a dilao emuakho mkulho na malamaku-u elakhothi mi-aresi ku-u mira vubasa viwa kuimbi te vuaha hawe na vakusa. ¹³ Miji eemuhiri kuni chikukhwa mwadumu kigi kikulho? ¹⁴ Mira mkuhiriwa kwa ukweri mlo kitende msibughenu hu vyo vo vebughenu msiklwa na futofuto. ¹⁵ Kwato mumke Kristo agiru he swaho jenyu sa elhojijwe kira madamo mukliwa kikulha kum-baiya kira mhe emulhasu kuni ni akhoni mlo ikuji he kiumbi bo-ini to kwa kuturia na ishirima. ¹⁶ Mukhwa na fwanyanyi kulho nesa ite vahe venu olhu midarine yenyu mikulho he kiumbi vabuu sisine kwa ite vaayo esicho he ite mweekubohi vikusa. ¹⁷ Ni kikulhosha chikulhwa kiumbi eakno ite kuni mu-a kharo kwa kubo-i vikulho mina si kwa vikusa. ¹⁸ Kristo eaye kharo kawe bi kwa ukusa wetu u elo ukulho eaye kharo kwa nine uswi twesilo ukulho nesa atugere nine he kiumbi Eegaye he msa mira eeboiwe uzime he swaho. ¹⁹ He swaho eesoye na mburi ya kiumbi swaho jo jiacha he kifungo. ²⁰ Tejee khwaye kulho ata uvumilivu wa kiumbi ukula-a miaze yakwe nuhu miaze ya kukisa-u safina wa kiumbi eevunie vahe vaghere kuli he ma-i ²¹ Ya ni alama ya ubatizo itukombo nine waiji-i si ite sa tulathi iruru kuli he msa mira u m-aresi wa kutoti he kiumbi kutakhoiya he agaye na kuka Yesu Kristo. ²² U eaha mharegha wa kuume wa kuimbi eesoye he kiumbi,Malaika,mamlaka na u vikhabuna vikudimiri lie u.