¹ Kwa hu kigi Kristo eaye ngaro msa kuoroni silaha ja mitotire huhu u ayegharo he msa akayana na makusa. ² Muhe ya te dosirija kudi midumure ya msa.Mira edi kwa midumure ya kiumbi nemlazeku-u imerisie. ³ Kwa hukigi miaze itaghoje yafura kwa kuboi vigivya ya idi vedumu kuboi ukusa mtitire mikusa kuengeli kurakuara elhaja vesimilie kiumbi miara si ya viumbi vigaye na vighabuna vigera malhahi. ⁴ Vetoti ite ni kimako mkukulho kuboi vigi hawe na u kwato veyo muyo makusa. ⁵ Kwato venegu heka emuru kuamaiya kweri ya vetufu na vegaye. ⁶ Kwato mburi ya bioi kirwa mpyaka hevane vegaye hata kei vyaa humiwa kwa mburi ya misa kini sa vahe kalo vamuru kudina na kumbi kutakhoiya swaho. ⁷ Bontokero ya mburi ng'abuna ulitie kwato mukhwa va kuila kuaha kikulho mukhwa na uwe mkulho nemiaresi kaghu. ⁸ Msina heiya mburi ngabuna nghwani na luhufyo kwa kudumuyano he kira muwe kwa huugi kudumu tekudaa kughubula makusa avahali. ⁹ Ajani ukulho hekira miawe nei kunu ngunika. ¹⁰ Sacho kira muwe kaghu edariiye karama udarieni kwa kughaghiana sa vazaumaiya vakulho vya karama kumure jiguwe bule ni kiumbi. ¹¹ Kei muhe eneyo ayo sa kigi eajiwe ni kiumbi aghwa he u eowe ni kiumbi kalo kira kigi kiumbi atogolwe kutaghoya yesu Kristo .ugiru na ugira vilo na u azeto na azeto ¹² Vabaghu msitare kugali kuneleta kumugali sa kigi kigalho chee kughwa chilijanya kaghu . ¹³ Mira sakigi msaisha kughusa msa vywasi vywa Kristo,Ilhamuiwani kalo mlhamuiwe na kulha muishishwa ne kulhawa ne uguru ku-u. ¹⁴ Hekugwa mwa olhuwa kwa mburi ya ilhe la Kristo mwaaonge jijiwa kwa kigi swaho wa uguru wa kiumbi na swaho wa kiumbi ezengi na nine ¹⁵ Haighwa na ebutuwa he uywasi sa mzaa gaa mgwalo mzaboi makusa hile ewesia vigi vya vahali. ¹⁶ Mira kei muhe ebutu wa he vywasi kwa kumdumu yesu usiagho kwa kumdumu yesu usiagho sisine ari maresi kiumbi he ilhe ka-a. ¹⁷ Kwacho madamoahe kwa udate ya kiumbi kulho choshia he miuda ku-u na ka ikulhoshiwa nine ineghwa mo hehu veahe gahana. ¹⁸ Na kai mkweri eneu kwa kutaghoya vywasi ineghwa mo hemuhe esimkwueri na mkusa:? ¹⁹ Kwake vaghabunavebuu he vywasi kutaghoiya kudumu kwa kiumbi veotija misa kini hekiumbi mkweri nesa vekuboi makulho.