¹ Kwaka keni khakhera makusa khabuna na lame,unafiki wizuna viome vikusa. ² Sa vainyi wa gitutu mdumuishe maiba makulho akiwaho nesa mlheru za ya wokovu. ³ Saacho mugalie ete Dilao ni mkulho. ⁴ Litani na kwe eu isa lisigae lidi lolilhiwe ni vahe miraka lilojijwe ni kiumbi na nukulhosha na kiwe. ⁵ Nakuni msha sahuesigae ekwawa ana akhwa minda ya kisaa nesa kukhwa mnyamalo mkulho wa kiumbi ye egu i atu la kiswaho lidumuwa nikiumbi kutakho ya Yesu Kristo. ⁶ Landiko liba wosia naake sayuni isa hu la khakhera igiru lilojiwe na ikulosha kiraemdarishe tekako susune. ⁷ Kwato ishirima ni kaghu unywi mdari she isahu li lhi wena veza kwa laakhwa isahu la khakhera. ⁸ Naj sa hu la kuku dunda na ighambi la kuku dunda hevo vekudunda huve lhie mburiya kiumbi kwa hucho wa ve khwaiye vee lhoijijwe kwalo. ⁹ Mira kuni mumbari ilhojijwe va nyamalo vagiru va kiumbi idili ikucho vahe vahewa kiumbi nesa m yo mburi giruja kiumbi yeemsee kuli he kidughu kubuu mwanga wakwe mgiru. ¹⁰ Unyi bosi temwee vahe va kiumbi mira waijii muvahe va kiumbi unywi te mdorie mbazi mira waijii mwa doria mbazi. ¹¹ Vabahu nimseiye sa vagalho na vazataho kukui kuu he kudumu ku kuzaja ukusa jo jima ana akuna swalo jenyu. ¹² Mdumu wa kukwa misore mikulho neneacha gahana nesa ka veneba mwaa boi makusa vene wosia nyamalo kumlo na kuares kiumbi iaze la kulita kuu. ¹³ Dumuni kila ugiru wa vahe kwa mburi ya Dilao ikukhwa dilao sa mgiru. ¹⁴ Ikihwa ne umaiya vesughawe vevama vebo makusa na kuwa togola veboi makulho. ¹⁵ Kwaite ncho kiumbi edumuye ite kwa kuboi makusho mboi miyo ve mikusa ya va pumbavu kutaa. ¹⁶ Savahe ve gewe msiboi kugewa kwa kuhapari makusa mira khwani sa vanyamalo va kiumbi. ¹⁷ Vake ,yeni isai ma vahe khabune wadumuni vabakhu.Mbughenuni kiumbu mkeeni ishimadilao. ¹⁸ Va nyamalo waeeni shima va dilao kaghu kwa ishima khabuna,sika va kusho na ve tuhiiye mira hata vakusa. ¹⁹ Kwa cho ni kigi kikucho chocho madamo oea kharo hesilo kweri kwa mburi ya kutote kwa kwehe kiumbi. ²⁰ Tunepata kia khoni tu kuboi makusa na ho lukuza mawa mira kai twa boi makulho na hotubu hevyasi ya nikikulho ne kiumbi. ²¹ Kwaya mwaa sewa kwa cho Kristo naye aateswa kwa mburi kaghu amruia cha kuosia kumliaha. ²² Yete boie makusa na tea khoke kuta heni o wake. ²³ Ye area olhuwa te khawaije violo are avwasi tebutu hkuye mira ekugue salagau nakwe ama kwa kweri. ²⁴ Yemwenye e chiie makusa kanu emsa kuu he mhatuta nesa tu se kha na hodi wa hemakusa na ite kudi kwa kweri kwa kumawa kuu unywi mwaa u. ²⁵ Vose vo mwe kuso are na are sama alu ela khie,Mira wajii mwa khwaa he mzeemona ewosia swaho kini.