¹ Vandughu veru mnaiivaria miikalie ya mndumi Yesu Kristo, mndumi wa ngatho, kwa ivapendelea vandu ng'anya. ² Kole mndu ng'anya akaingia kwenyu hena mikutano aree pete ta dhahabu na thori njicha, halafu akainga mkiva aghire thori tichafukie, ³ na mkamrora imjali mnu uya aghire thori njicha na irera, "Lambua iwe ikaa iha handu hecha" mira mkamvia uya mkiva, "Iwe mka haya," kana "Ikaa thinyi ya marende ghakwa." ⁴ Niamuulitha, muakunyanyiria imwe mweka, na iva ku muvagheamua maririkano ghenyu mavichwa? ⁵ Iranienyi, vandungu veru waghefurwa, niamuulitha, Ruva aghevathaghurie we vakiva va ithanga iva vathuri hena miikalie na iorwa umangi alevavikirie vaya vamfurie? ⁶ Mira mwavalambua uvichwa vakiva! Niamuulitha, thivo vathuri vakyava tetha imwe, kangi thi ivo vo vakyamubulula hena chila? ⁷ Niamuulitha, thivo vathuri vakyalikonda irina liya icha ingeyo kwayo muailaghiwa? ⁸ Hata kuyo, kole mwaitimitha sheria iya ya kimangi thafundu iandikiwe hena maandiko, "Kwamfura arue haghuhi na iwe thafundu iwe kweka," ⁹ Mira kole mkivapendelea vandu ng'anya, muahira dhambi, muanyanyiriwa ni sheria iku ni vaghetenya sheria. ¹⁰ Hena ikyo wowoshe uya achiivaria sheria yoshe, na kangi akakutuna hena kando kamwi kadu du, andeva na ikotha yetenya sheria yoshe! ¹¹ Hena ikyo Ruva aghereri, "Kunashinda." Mira kuavwagha, kundemitenya sheria ya Ruva. ¹² Hena ikyo gayenyi na iivaria tha vaya mke haghwi hi na inyanyiriwa ni sheria ya uhuru. ¹³ Kwa ikyo inyanyiriwa lichi cha haraghire mbonea hena. Mbonea kaghu ya inyanyiriwa. ¹⁴ Haghire vucha vunga, vandughu vakwa, kole mndu akarera aghire miikalie, mira aghirewe mihiro? Niakuulitha, miikalie iyo yairima imkira? ¹⁵ Kole mndughu wa kyumikana wa kika ni mgheshigha hena thori kana kijo cha kila mfiri, ¹⁶ na umwi wenyu akaviwa, "ahendenyi heha mborere, mgheora moro na muye kindo kicha,'' ¹⁷ Mira muavanikavo fia ficha fyeshigha fya kimwiri, ikyo kyava kuya. ¹⁸ Hata kuyo mndu ng'anya airima ivera, "Kughire miikalie, na inyi nighire mihiro.'' njirora miikalie yaphwo haraghire mihiro, nainyi nakurora miikalie yakwa hena mihiro yakwa. ¹⁹ Miikalie yenyu ivone ku haghire Ruva umwi; kuke kindo kicha. Mira majeni nagho haghire miikalie kuyo na idedema. ²⁰ Niakuulitha, kuashigha imanya mndu aetie, kwa liya miikalie iyo haraghire mihiro tha fundu irachifaa? ²¹ Niakuulitha, thi papa weru Abrahamu aletaririwe kitea hena mihiro ekinamfunye mwana wakwe Isaka kaghu kitalonyi? ²² Muavona iku miikalie yake ilehirire ndima na mihiro yakwe, kangi hena mihiro yakwe, miikalie yake ilefikirie kiya kilambuliriwe. ²³ Maandiko ghalekamilishirwe gharerie iku, "Miikalie ya Abrahamu ileke kwa Ruva, nalakatarinwa iku aghire kitea." Kwa ikyo Abrahamu aleileghwe mmbwie wa Ruva. ²⁴ Mwavona kuya kwa mihiro kwa mihiro mndu achitaririwa kitea, na thi hena miikalie du. ²⁵ Hata kuyo, niamuulitha, thighe Rahabu uya mgheshinda alemie aghetaririwe kitea hena mihiro, akinavaghuhie vagherumwa na ivatika hena njia ingi? ²⁶ Kwa ikyo kole mwiri uraghire ngoo undepfwa, kwiyo kwiyo miikalie haraghire mihiro indepfwa.