¹ Vandu veru, si voshevo vairima iva valoshi, fukimanya ku fwaghenilwa inyinyiriwa. ² Kwaku voshe fuchikothea hena marira mengi. Kole wowoshe arichishereta hena virero fyakwe itho ni mndu mcha, airima iringilia mwiri wake thoshe. ³ Kole nfwairima ithuia lijamu thaforasi hena myumu yavo vafuichwe, na fwairima ighalutha miri yavoyoshe. ⁴ Manya ku meli japo ni ndue na ishukumwa ni mkuta mmbichwa, thichitikwa kwa usukani mdu mnu ighenda hohoshe handu nahodha akyashigha. ⁵ Ulimi ni kindo kidu kya mwiri, mira kichikutumbisha findo firwe mnu. Lolea mthiru mrwe fundu wairimwa iashwa ni thethe njidu ya moro! ⁶ Ulimi nalo ni moro, ni ithanga lya uvichwa, uvikiwe handu hafiungo fya mwiri weru, uwakonda mwiri thoshe naivika kaghu ya moro, irira lya mighendie, natho uchiokewa moro wa kuzimu. ⁷ Na aina thoshetha vanyama va sakenyi ndeghe kichiafua na kinyongo kya eve kichifwungwa ni vandu. ⁸ Haghire mndu hata umvi achiirima iringilia ulimi, ni vuvichwa vurachichwa uichue thumu yeovosha. ⁹ Hena ulimi fwamuarania na imwiichwa mnduni na papa weru, na kwaitho fwara mumu, vandu evo vachembiwe kwa fwanyanyi ya Ruva. ¹⁰ Hena mumu ithoitho uchirera firero ficha na fivichwa. Vanduveru findofi nfyashighwa finava. ¹¹ Hii mfo umwi wairima ifunya mringa wanona na wavava? ¹² Vandu veru itii mri na mrinyi warima ighira ndunda ya mizeituni, kana mthabibu waghira ndunda tha mtini? mm hai handu hachichochoka mringa wa munyu ichifunya mringa uraghire munyu. ¹³ Ni itho kighari kyenyu aghire lwekurukia na imanya? Mndudho na arore nighendie micha hena ndima thakwe kwa idedema na lwekurukia. ¹⁴ Mira kole mughire funu mbichwa na ikufura mweka ngoonyi thenyu muna kubaha na irera mongo mukiulegha ukeni. ¹⁵ Si hekima iya igharie ifuma kaghu mira niiya ya kiithanga siya kimbeho yo ni ya kimbepo. ¹⁶ Handu haghire ilwana findo fivichwa. Mira haghire mbeho wa ¹⁷ Ruva afumie kaghu, ni njicha kangi ifura na uhoo, vumboa, na ngoo njicha iichue vandu vengi na keni. ¹⁸ Na ndunda njicha thichiviwaa hena uhoo kwa vaya vachihira findo vya vuhoo.