¹ Yakobo mthoro wa Ruva na wa Bwana Yesu Kristo kwa mbare ikumi na ivititharikie, namuirikira. ² Torenyi ku ni kicha ikelesha vandu vakwa mukiira hena mavwathi igha na ghaya, ³ mukimanya ku igherwa kwa imani yenyu yamurika irimilia. ⁴ Lekenyi irimilia lehamilishe ndima yakwe, muirime idinda kikwelikweli bila ipungukiwa ni kyokyoshe. ⁵ Mira kole mndu hena imwe akyashigha hekima, ailombe ifuma hwa Ruva, ambaye achifunya kwa ukarimu na haraghire iboha kwa voshe vaghemlomba, na avaniha hekima. ⁶ Mira omba kwa miirikilie bila wathiwathi hwani mghevikia wathiwathi ni tha mawimbi hena eve, ichiondelewana mkuta na ikumbwa kunu kwiya. ⁷ Kikeni niku mndu iu asiririkane ku apokelewa iombi yahwe ifuma kwa mndumi Yesu; ⁸ mndu iu aghire maririkano avi, adindiewe hena njia thakwe thoshe. ⁹ Wenyu mkiva anapathwa ikukwera hena imka kwakwe kaghu. ¹⁰ Igheri iyo iyo wenyu mthuri hena ighara yakwe, kwani areka tha iova ya shambenyi hena shamba akyairia. ¹¹ Ruva likadokea na ndughuri ye ungura iumitha mimea, na maova iwa na vucha vyakwe ipfwa. Kwiyo kwiyovandu vathuri valala voshi kathi thavo. ¹² Abarikiriwe mndu uya akyarimilia majaribu, baada yekela jaribu iyo anikwa ngarayekia, ambayo ileahiriwe kwa vaya vamfurie Ruva. ¹³ Mndu wowoshe ashighwawe irera pakigherwa, "Igherwayo lichifuma kwa Ruva," kwa thababu Ruva achigherwawe na vuvichwa, na Ruva weka achimgherawe wowoshe. ¹⁴ Kilamndu achigherwa na mihayo hayo yakwe mivichwa inamlemba lemba na imghomoa kua. ¹⁵ Niho baada ya mihayohayo ya thambi itika ndenyi, thambi ikaghirwa, na baada ya thambi ikua kindo kicha yathilia heva kipfwa. ¹⁶ Vandu vakwa fufurene, mnalembwa. ¹⁷ Kila thawadi njicha, na kila thawadi itimirie ichifuma kaghu, ichighara thinyi ifuma kwa papa wa kianga. Too achilachikawe tha kinje kilachikavyo. ¹⁸ Ruva alethaghurie ifuniha ifwe ikiya kwa kirero kya kweri, hena ikyo fuirime iva sa vagheghira va kuvoka maghari gha fiumbe fyakwe. ¹⁹ Muichi iki vandu vakwa fufurene. Kila umwi akyashighwa ave mwepesi we ichwa, anava mwepesi werera wala we chukiwa. ²⁰ Kwa liya iding'a ya mndu likairimeyo ihira keni ya Ruva. ²¹ Hena vihenyi kuwa mjigho wa thambi na uvichwa woshe uke handu hohoshe na henaighara onduenyi kirero kiviewe voshi yenyu, ighire ngufu yekira ngoo thenyu. ²² Hemunyi kirero mnaarania du, mkikulemba nafsi thenyu mweka. ²³ Kwa iva sa wowoshe aliichwa neno bila ilihirira kathi nithawa na mndu akulambua kyamu kyakwe halisi hena kioo. ²⁴ Ikulambua kyamu kyakwe, na ighenda fyakwe na baada ya muda mwihi aivaa fundu afwenene. ²⁵ Mira mndu uya akyailambua kwa uvoshi sheria kamili, sheria ya uhuru, na iendelea iichwa, si kwa thababu ni thababu ni mgheirania achiivaa, mndu iu atabarikiwa akiihira. ²⁶ Mndu wowoshe akafikiria ku ni mndu dini, mira airimawe imkia ulimi lwakwe, akyamba ngoo yakwe nadini yakwe ni vwia. ²⁷ Dini njicha irakyandwa mothia ya Ruva na Papa ni yoi: ivatosha yatima na wajani hena mavwathi ghavo, na ikuria vovoka na iivia ithanga.