¹ Mirakyo manyenyi ikihena mifiriyo ya mwisho haghiva kigheri likongomie. ² Bhundu bho bhandu bhabha bhaghe kufura matundu, bhe kuichwa, bhaghire mafuti, bhaghire ithelea, bharaichwa bhabhaghirie, bharaghire Ighamba haika, na bhakondekiye. ³ Bharaghire ifuraya kighirwa bharakiyashigha iikaa kwa mborere yoyoshe, bhaghe thumijira, bha mongo, bharakya irima ikuringilia, bhaghire ilwa bharafuri ficha. ⁴ Bhabha bhakela mma, bharaichwa, bhakufurie bhoka kangi bhafurie findo fya kaghu ikela imfura Rubha. ⁵ Kwa bwanga bhabhamibhonikanie ye lomba Rubha mirakyo bhailegha nguju yakwe. Ikaenyi kuwa nabhandu bho. ⁶ Kwa liya bhengi bhabho ni bhakyumi bhagheingia hena mbare ta bhandu naibhabhilia bhaka bhaetie. ⁷ Bhaka ibha bhachi jifundha mifiri yoshe, mira kyo too bhakairimebho ifikia kariyongo ya kweri. ⁸ Thafundu indeghebha yane na yambire bhaghe mkie kibhungi na Musa. Kwa njia ii bhalimu bha bha mongo bhachimka kiughongo na ukeni. Ni bhandu bhako ndiwe hena iririkana yabho, bharakyairikia ihuthiana miirikilie. ⁹ Mirakyo bhakaendelebho kuwa. Kwa lia bhufire bhwabho bwabhikwa thararenyi kwa bhandu bhoshe, tha fundu ughekei kwa bhandu bhaya. ¹⁰ Mirakyo iwekundeghabhuta iloshwa yakwa, mighendiye yakwa, makuthudi ghakwa, miirilie yakwa, irimilia yakwa, ifura yakwa, Iirikiya yakwa, ¹¹ iya bhwathi, ibhabhiwa na ghanjipatie kwiya Antiokia, Ikonio na Listra. Nighegharimilirie mabhwathi. Mrumi akanjikira hena fyoshe fyo. ¹² Bhoshe bhakyashigha iishi hena maisha ghembwara Rubha hena Kristo Yesu bhaya bhwathi. ¹³ Bhandu bhabhichwa na bhaghe lembea, bhakela ibha bhabhichwa ikela. Bhabhalemba bhengi. Bho bhoka bhareterwe. ¹⁴ Mirakyo iwe mkahena mburi kuloshiwe na miirikiliye kwa imkua. Kwa liya kuichi kuloshiwe kwai. ¹⁵ Kichi iku too nge bwanake bwapfo, kuleichi maandiko mecha, igha ghairima kuhekimisha bhundu bhwe kirwa kwa irira ya miirikilie hena Kristo Yesu. ¹⁶ Kila kirero kiifiliriwe ikiya ni Rubha yabha kwa ilosha lighire faida kwaichemba ikondeka, na kwa ilosha hena keni. ¹⁷ Iki niku mvu wa Rubha abhe thawathawa akibha anikiwe kila kindo kimacha ahire kila ndima njicha.