¹ Hena ikyo iwe mwanakwa uvikiwe nguju hena neema ike voshi ya Kristo Yesu. ² Na findo kufichue kwakwa kati ya mashaidi vengi uvanike vandu vaaminikie ambavo vairima ifundisha vengi. ³ Uye vwasi hamwi nainyi tha mthikari mcha wa Yesu Kristo. ⁴ Haghire mthikari wowoshe achithanganya vuthikari na ndima tingi kimetha amnulie mrwe wakwe. ⁵ Kangi mndu akashindana tha mghericha lee, achinikwawe ngarawe araivarie kanuni tivikiwe. ⁶ Kiashighwa ku mgherema aghire bidii ave wevoka inikwa mjigho wa fia fikoviwe. ⁷ Kiririkane ikyo niakirera, kwaku mfumwa akunika ielewa hena findo fyoshe. ⁸ Mkumbuke Yesu Kristo, wambare ya Daudi, alevukie hena wapfhie thawa na ujumbe lwa injili yakwa, ⁹ ambao kwa thababu yakwe nialithwa vwathi na hata ipfungwa minyororo tha mghehira fivichwa. Mira kirero kya Ruva kichipfhungwa minyororokyo. ¹⁰ Hena ikyo niarimilia mambo ghoshe fundu fwa vaya Ruva emivathaghua kimetha navo vapate ikia like hena Kristo Yesu, hamwi na utukufu lwa telele na telele. ¹¹ Kireroki nikyeaminika ku kole fupfhwia nawe, hathi pia fwaishi nawe, ¹² kole fukarimilia fwachetawala handu hamwi nawe pia, kole fukamlegha we, we nawe achefulegha ifwe. ¹³ Kole furave vaaminifu, we akyareghwa muaminifu kwakuu airimawe ikupinga weka. " ¹⁴ Uendelee ivakumbuta vandu mambogha. Uvakanye mothia ya Ruva valeke ibishana ihuthu firero, kwaku haghireho faida hena kindokyo. Ikyo kichivakonda vaya vakyaarania. ¹⁵ Uhire bidii ikurora ku kuirikiriwe kwa Ruva tha mghehira ndima araghire thababu yelaumiwa. Kitumie kirero kya keni nicha. ¹⁶ Uire mbarinyi ya majadiliano gha kiithanga ambagho ghachiongotha dhaidi na dhaidi hena ireka. ¹⁷ Majadiliano gho ghavo ghathambaa tha ing'ongo lirachinua. Hena ivo haghire Himenayo na Fileto. ¹⁸ Iva ni vandu varaghire keni. vakyaghamba ku ivuka ya vapfhwie tayari yemiira. Vakyaghaluta mwitikijo wa vandu vengi. ¹⁹ Hata kwio mthingi wa nguju wa Ruva umki uandikiwe ku mfumwa avaichi vaya nnge vakwe, na kila akyalilanga irina ya mfumwa na atane na fivichwa. ²⁰ Hena nyumba ya kithuri lee haghireho fyombo fya thahabu na shaba du. Haghire pia fya miri na fya ivumba fingi ni fyehirira findo fya shima na fingi ni fyehirira findo there fya shima. ²¹ Kole mndu akakuelesha weka ilekana na matumithi there gha shima ava kyombo kighire shima. Atengiwe maalum, akyamfaa mfumwa na aandaliriwe kwa kila ndima njicha. ²² Uiriche mihayo hayo ya vuthoro kana vupfhu uivarie fitarire, mwitikijo, lukundo, na mborere hamwi na vaya vakya mwilagha mfumwa kwa ngoo ielie. ²³ Mira mathwali gha vufire na vuputhi ughaleghe kwaku kuichi ku ghachiende mwandu. ²⁴ Mghehira ndima wa mfumwa achishigwa alwe na vandu we, badala yakwe achishighwa ave mhoo kwa vandu voshe airima icheja na irimilia. ²⁵ Ni lathima avaelimishe kwa vuhoo vyaya vakyakelana nawe. Ngetha Ruva airima avanike itubu kwa imanya keni. ²⁶ Kimetha vairime ipata imanya na iutola mdegho wa shetani baada ya ku vandetekwa niwe vundu vwa kikundire kyakwe.