¹ Niyakuruma mburi ii ighire nguju mothia ta Rubha na Kristo Yesu ingewe amunyaria bhakei na bhapfwiye kwa ishukuliwa yakwe na bhumangi bwakwe: ² Birikira kirero. Ubhe tayari kwa igheri icha na thereicha. Bhabhie bhandu ireka yabho, Boluja katha nia kwa irimiliya yoshe na ilosha. ³ Kwa liya igheri yacha ingetho bhandu bharaondoleana na iloshwa keni badala yakwe bhakushighiya bhalosha bhe losha ianaha na fundu bha ndeshigha. Kwa njia i marwi ghabho ghabha ghandedogholothwa. ⁴ Bhaleka kiraniya iloshwa ya keni, na ighalukiya hadithi. ⁵ Mirakyo iwe bha mwaminifu hena mburi toshe, rimilia fikukelele, hira ndima ya uinjilist timitha huduma yapfo. ⁶ Kwa liya inyi tayari ni ndemi chembwa. Ikenda yebhuka kwakwa yembha tayari. ⁷ Nindekelana hena bhucha, libhara nindemaliya, miirikiliye ninde iriya. ⁸ Ngara yakeni bhiki we bhundu bhwakwa, ingeyo mrumi, mghe nyanyiriya kwa keni anjinika mfiri uya. Na thikwakwa duyo mira kwa bhoshe bhabhenye kwa kuluibhonekana yakwe. ⁹ Kudindishe icha kwakwa fiya. ¹⁰ Kwa liya Dema andenjira. Afurie ithanga yalubhaha na aghendiye Thesalonike, Kreseni abheghendie Galatia, na Tito abheghendiye Dalmatia. ¹¹ Luka du niweke hamwina inyi. Umuondue Marko uche nawe kweni we ni mru muhimu kwakwa hena huduma. ¹² Nimrumiye Tikiko Efeso. ¹³ Kandhu iya ngeyo nighelireghi Troa kwa Karpo, ukamcha iende, hamwi nafitabu fiya hasa fiya hasa fiya fya kitauga. ¹⁴ Alekizanda mghechemba minya alenjihiririe fiphichwa fingi mrumi amlihiianana na mihirire yakwe. ¹⁵ Naiwe kubhike hacha nawe kwani aleleghie mnu ilosha yeru. ¹⁶ Hena itetea yakwa yebhoka, haghireho mru wowoshe amkiye hamwi na inyi, kinyume kyakwe kila umwi akanjira. Rubha anabhatarira makotha. ¹⁷ Mirakyo Rubha aghemkiye hamwi hainyi, akanjibhikia ndhinya kimetha iku iiriya kwakwa kirero kirerwe kwaigholeka na bhaithanga. Hena munu wa thimba. ¹⁸ Rubha anjiitira kuwa na findo fibhichwa nainji funya kwa ajili ya bhufalme bhwakwe bwa kaghu. Thifa ibhe kwakwe telele na telele. Amen ¹⁹ Muirikire Priska, Akila na nyumba ya Onesiforo. ²⁰ Erasto alereghiwe ipfo Korintho, mirakyo Trifimo nilemre Mileto akibha akiyalwa. ²¹ Hira fiya uche kabla ya kigheri kya mbeho. Eubulo aakuirikira, na Pude, Lino, Claudia na bhana bhabho bhoshe. ²² Rubha aikae hamwina ngoo yapfwo, mbora ibhe naiwe.