¹ Kindae na mapema akolo wa makuhani kabakwemana pamope na baandishi na baraza zima lya apindo. Boka po ngabataba Yesu nakumpeleka kwa Pilato.Pilato kannaluya,"wenga wa Mfalume wa Ayahudi?" ² Ngayangwa "Wenga ubaya nyo." ³ Akolo ba makuhani ngampeya mashitaka ganambone nnani ya Yesu. ⁴ Pilato ngannaluya kae,"Uyangwa chochote?Uibweni jinsi kabakukushitakya kwa makowe ganambone? ⁵ Lakini Yesu Unnaluya lii Pialato,na ngamshangaza. ⁶ Kwa kawaida muda wa sikukuu umfungulya mfungwa yumo,mfungwa ya mwombile. ⁷ Pabile baalifu muligereza,nkati ya baabulaga nkati ya babile na uasi ngabatukya makosa yabe.Abile mundu ywakemelwa Baraba. ⁸ Kipenga saichile kwa Pilato,na kunnoba apange kati yaipangilwe kinchogo. ⁹ Pilato ngayangwa na baya,"Mupala niafungulie Mfalume wa Ayahudi?" ¹⁰ Kwa kitumbu ayowine ni wivu akolo ba makuhani kabankamwa Yesu na kunneta kwake. ¹¹ Lakini akolo ba makuhani kabachochea kipenga kombwa ndoti kwa lilobe panga afunguliwe Baraba badala yake. ¹² Pilato ngayangwa na baya,"Nipange kele Mfalume wa Ayahudi? ¹³ Ngabakombwa ndoti,"Msulubishe!" ¹⁴ Pilato abaya,"Apangite likowe lya namani linoite lii? Lakini kabazidi kukombwa ndoti muno muno"Msulubishe." ¹⁵ Pilato apala kuwaridhisha umati,ngamfungulia Baraba.Kankombwa Yesu mijeredi boka po ngatoa asulubishwe. ¹⁶ Askari kabamyongoli hadi nkati ya ua(ubile nkati ya kambi) na ngabakusanyika pamope kikosi cha askari. ¹⁷ Ngabamvika Yesu nganju ya rangi ya zambarau,na kabasokota taji ya mimimwa ngamuwalika. ¹⁸ Batumbwile kumgeya na baya,"Salam,Mfalume wa Ayahudi!" ¹⁹ Ngabankombwa munntwe kwa mwanzi na kintemea mate.Kabakombwa magoti nnonge yake kwa kumheshimu. ²⁰ Ata kabayomwa kumgeya,kabamvua yelo nganju ya rangi ya zambarau na kumvika mavazi yake,na kabammoywa panja yenda sulubilwa. ²¹ Kabanlazimisha mpite ndela kunsaidia.Ywakemelwa Simoni Mkirene (tate bake Iskanda na Rufo);Kabamlazimisha potwa msalaba wa Yesu. ²² Askari ngampeleka Yesu pandu pakemea Goligota(Mmana yake nga,Fuvu lya nntwe) ²³ kabampeya wimbi ywasanganyilwe na manemane,ila anywea lii. ²⁴ Ngansulubisha na kabagawana ngobo yake,ngabaipangia kura amua ipande caakipatike kila askari. ²⁵ Piikite saa tatu kindae ngabansulubisha. ²⁶ Babekite nnani yake ubao wauandikilwe lishitaka,"Mfalume wa Uyahudi." ²⁷ Ngabansulubisha pamope na majambazi abele,yumo upande wa kumalyo na ywenge kushoto kwake. ²⁸ "Na maandiko ngabatimya gabaya,"Ubile lii munakala ya samani) ²⁹ Bembe babile bapeta ngabantukana,ngabatikisa mitwe yabe babaya."Kwee|!wenga ywaitekwana lihekalu na kulichenga kwa masoba gatatu, ³⁰ Uilopwe mwene na uuluke pae boka pansalaba!" ³¹ Mana yeyelo akolo ba makuhani kabamdhihaki ngabalongela,pamope na baandishi na baya,"Atikwalopwa benge,lakini awezi lii kuilopwa mwene. ³² Kristo Mpwalume wa Israeli,uuluke pae nambeambea boka munsalaba,ili tuwese kulola na obelya."Nga balo batisulubilwa ³³ Paiikite saa sita,libendo liisile nnani ya nnema woti mpaka saa tisa. ³⁴ Muda wa saa tisa Yesu ngaikombwa ndoti kwa lilobe likolo."Eloi,Eloi,lama sabaktani?" mana yake"Nnungu wango,Nnungu wango,kwa kele unilekite?" ³⁵ Baazi ya bembe bayemi ngabayowine babaya,"Linga,ankema Eliya." ³⁶ Mundu yumo ngamutuka,aitwelile siki mu sponji na kuibeka nnani ya nkongo,ngampeya ili anywe.Mundu yumo kabaya,"Tusubirye mana Eliya aicha kuuluka pae." ³⁷ Boka po Yesu alela kwa lilobe likolo nga awile." ³⁸ Lipazia lya lihekalu ngalipapwike ipande ibele boka kunani mpaka pae. ³⁹ Ofisa yumo ywayemi ngannola Yesu,paamweni awile kwa jinsi yee,kabaya,"Kweli ayee mundu abile ywa mwana wa Nnungu." ⁴⁰ Babile kae alwawa ngabannola kwa kutalu.Nkati yabe abile Mariamu Magdalena,Mariamu (mao bake Yakobo ywa nnongowe Yose,)na Salome. ⁴¹ Muda abile Galilaya ywaankengame na kuntumikya.Na alwawa benge kae babile nabo hadi Yerusalemu. ⁴² Yabile kitamwinyo,na kwa mana ibile nga lisoba lya maandalio,lisoba kabla ya Sabato. ⁴³ Yusufu ywa Arimathaya aichile palo.Abile mjumbe ywatarajia Ufalme wa Nnungu.Kwa kuikakamua kayenda kwa Pilato,na kunnoba yega ya Yesu. ⁴⁴ Pilato atishangala panga Yesu tayari awile;ngankema yolo afisa na kunnaluya panga Yesu awile. ⁴⁵ Paapatike uhakika kwa afisa panga awile,ngaaruusu Yusufu kuutola yega. ⁴⁶ Yusufu abile kapemya sanda.Ngamuuluya bpka munsalaba,antabile na sanda,na kumbeka mulikaburi lyaliandaliwe mu maliwe.Boka po ngalibilingisha liwe munnyango wa likaburi. ⁴⁷ Mariamu Magdalena na Mariamu mao bake Yose baabweni maahli pachikilwe Yesu.