¹ Pauyomwike wakati wa Sabato,Mariamu Magdalena na Mariamu mao bake Yakobo,na Salome,bapemea manukanu ganoite,ili panga icha na kuupaka mauta yenga ya Yesu kwaajili ya ika. ² Kindai na mapema lisoba lya kwanza lya juma,ngabayenda mulikaburi muda liumu lyatichomoza. ³ Ngabalongela bene kwa bene,Nyai ywalimoywa liwe kwaajili itu ili panga tujingye mulikaburi?" ⁴ Pabalilolekeya,bamweni mundu aliboite liwe,lya libile kolo muno. ⁵ Bajingile mulikaburi na bamweni nnalome awala joho leupe,ngatama upande wa kummalyo,ngabashangaa. ⁶ Ngaamakiya,"Kene muyogope.Mumpala Yesu,wa Nazareti,ywasulubilwe.Ngayoka!Abile lii pano.Linga pandu pabile bam'bekite. ⁷ Muyende,ngaamakiye banafunzi bake na Petro panga atikuwayongoli Galilaya.Kolyo mwalowa mmonekeya,kati yaa amakiye." ⁸ Ngababokite na kubutukya boka mulikaburi;ngabalendema na batishangala.Babaya lii chochote kwa mundu yoyote kwa kitumbu batiyogopa muno. ⁹ (Uyangate:Nakala za samani yable lii na Marko 16:9-20) Kindai lisoba lya kwanza lya juma,baada ya yoka,ngamtokya kwanza Mariamu Magdalena,ywamoite mapepo saba moka kwake. ¹⁰ Atiboka na kuabakiya balo babile pamope nakwe,muda pababile batihuzunika na moka machozi. ¹¹ Bayowine panga abile nkoti na atibinekanika ywembe.lakini baaminya lii. ¹² Baada ya ago,kabonekana mu namna ya tofauti kwa bandu benge abele,,muda pababile batyanga moka nnema. ¹³ Ngabayenda na kuamakiya banafunzi benge bababile,lakini baaminiya lii. ¹⁴ Yesu baadae abonekine kwa balo komi na jimo babile batiegama mu meza,na ngaakemya kwa panga kuobelya lii kwabe na ugumu wa myoyo yabe,kwa kitumbu baaminiya lii balo bamweni baada ya yoka boka mu kiwo. ¹⁵ Ngaamakiya,"Muyende mu lunia yoti,na kuhubiri injili kwa iumbe yoti. ¹⁶ Yeyote ywaobeliya na kubatiza alowa lopolewa,na yolo ywa obelya lii alowa hukumilwa. ¹⁷ Maluwe luwe aga galowa ambatana na boti baobelya.Kwa lina lyango mwalowa moywa pepo.Wabaya kwa lugha ya mbeambe. ¹⁸ Bakamwa ng'ambo kwa maboko yabe,na hata mana banywei kilebe chochote cha waa chawazuru lii.Babekya maboko atamwe,bembe walowa pangika akoti. ¹⁹ Baada ya Bwana baya nabo,ngatollwa kunani kumaunde na atami luboko lwa kuume lwa Nnungu. ²⁰ Banafunzi ngaboka na hubiria kila mahali,muda Bwana aipanga kazi nabo na kulithibitisha likowe kwa maluweluwe na ishara zatikengamine nabo.