¹ Gabile masoba gabele kae baada ya sikukuu ya Pasaka na ya mikate yabekwa lii Chachu.Makuhani akolo na baandishi babile bapala namna ya kunkamwa Yesu kwa hila na kumulaga. ² Kwa mana babaya,"Ni muda lii woo wa sikukuu,bandu baise lii panga ghasia." ³ Muda Yesu abile Bethania munyumba klwa Simoni koma,na paabile ngayenda pameza,nnwawa yumo aichile kwake na chupa ya mauta ya nardo safi yaibile ya gharama ngolo muno,kaitekwana chupa na miminiya nnani ya ntwe wake. ⁴ Lakini pabile na baazi yabe batikasirika.Ngabakiana bembe kwa bene ngabaya,"Kele kitumbu sa upotevu uu? ⁵ Mauta aga gaweza pemwa kwa zaidi ya dinari mya tatu,na kwapeya akeba."Na bembe ngabankemya. ⁶ Lakini Yesu abaya,"Munleke kichake.Kwa namani mwansumbwa?Ywapanga likowe linoite kwango. ⁷ Masoba goti akeba mubile nabo,na muda wowoti mwatamaniya mwaweza panga mazuri kwabe,lakini mwabile lii na nenga wakati wote. ⁸ Apanga chelo chakitangite;aupakite yega wango mauta kwa ajili ya maiko. ⁹ Kweli naamakiya,kila mahali injili paihubiliwe mu nnema wote,chelo chakipangite nnwawa yolo chalowa zungumzwa kwa kombokyange. ¹⁰ Boka po Yuda Iskariote,yumo ywa balo komi na ibele,ngayenda kwa akolo ba makuhani ili panga apate kunkabidhi kwabe. ¹¹ Muda akolo ba Makuhani pabayowine nyo,bapuraika muno na ngabaaidi kumpeya mbanje.Ngatumbwa pala nafasi ya nkabidhia kwabe. ¹² Mu masoba ga kwanza ga nkate wa ubile lii na chachu,muda bamoite mwana ngondolo wa Pasaka,banafunzi bake ngammakiya,"Upala tuyende kwaako tukaandalie ili upate lya mlo wa Pasaka?" ¹³ Ngaatuma banafunzi abele na kuamakiya,"Muyende mjini,na nnalome ywabile ampotwike ntungi alowa kwembana na mwenga.Mun'yangate. ¹⁴ Nyumba yajingya,munkengame na mummakiye mwenye nyumba yoo,'Mwalimu abaya,"Kibile kwako chumba cha ageni pandu niisa kulya PASAKA NA BANAFUNZI BANGO?" ¹⁵ Ngaabonekeya chumba cha nnani kikolo chakibile cha samani chakibile tayari.Mupange maandalizi kwa ajili itu pale. ¹⁶ "Banafunzi babokite yenda mjini;bakutike kila kilebe kati yaabakiye,na ngaandaliya chakulya cha Pasaka. ¹⁷ Paiikite kitamwinyo,aichile na balo komi na ibele. ¹⁸ Na pababile bakaribia meza na lya,Yesu kabaya,"Kweli naamakiya,yumo nkati inu alya pamope na nenga alowa nsalitia." ¹⁹ Bote batisikitika,na yumo baada ya ywenge ngabammakiye,"Hakika nenga lii?" ²⁰ Yesu ngayangwa na kuabakiya,"Yumo wa komi na ibele nkati yinu,yumo ywabile nambeambe achovya litonge mulibakuli pamope ni nenga. ²¹ Kwa mana mwana wa Adamu ayenda kati ya maandiko gabaya nnani yake. Lakini ole wake mundu yolo ambaye pitya ywembe mwana wa Adamu alowa teselwa!Ingawa inoite muno kwake panga mundu yolo azaliwa lii." ²² Ngababile balya,Yesu atola nkate,kaubariki,kautekwana.Ngabapeya kabaya,"Muutole woo nga yega yango." ²³ Katola kikombe,kashukuru,na kaapeya,na bote ngabanywaa. ²⁴ Kaabakiya,"Ayee nga damu yango ya agano,damu yaimwagika kwa ajili ya banambone. ²⁵ Kweli naabakiya,nalowa nywaa lii kae mu lizao lee lya mzabibu mpaka lisoba lee paniinywea yayambe mu ufalume wa Nnungu." ²⁶ Pabayomwile kuimba wimbo,batiyenda panja pakitombe sa mizeituni. ²⁷ Yesu ngaamakiya,"Mwenga mwabti mwalowa kuitenga kutalu kwa kitumbu sango,kwa mana iandikilwe,'Nankombwa mchungaji na ngondolo walowa tawanyika.' ²⁸ Lkini baada ya yoka kwango,nalowa kwatangulia nnonge yinu Galilaya." ²⁹ Petro ngammakiya,"Ata mana bote balowa kukuneka,nenga nakuleka lii." ³⁰ Yesu ngammakiya,"Kweli nakumakiya,kilo cheno,kabla ya jogolo kubeka mara ibele,walowa kunikanikiya mara tatu." ³¹ Lakini Petro kabaya,"Ata yanilazimu kuwaa pamope ni wenga,nakukanikiya lii." Bote babekite ahadi yeyelo. ³² Baisile ulieneo lyalikemelwa Gethsemane,na Yesu ngammakiya banafunzi bake,"Mutame pano muda nasali." ³³ Atikuntola Petro,Yakobo, na Yohana pamope ni ywembe,atumbwile huzunika na taabika muno. ³⁴ Ngaabakiya,Nafsi yango ibile na huzuni muno,hata waa mubaki pano na mkeshe." ³⁵ Yesu atiyenda nnonge kutalu,atombwike pae,kaloba,mana yatiwezekana,panga saa yee ingemwepuka. ³⁶ Kabaya,"Tate,Tate,makowe gote kwako gawezekana.Niboke kikombe cheno.Ila kwa mapenzi gango lii,ila mapenzi gako. ³⁷ Atikerebuka na kuwakuta bagonjike,na ngaamakiya Petro,"Simoni,je ugonjike?Uweza lii kesha hata lisaa limo? ³⁸ Mukeshe na mulobe panga kana mujingye mu majaribu.Hakika roho ibile radhi,lakini yega ibile zaifu." ³⁹ Kayenda kae na loba,atumite makowe ga awali. ⁴⁰ Aisile kae abakutike bagonjike,kwa kitumbu minyo gabe gabile mazito na batangite lii chaamakiyange. ⁴¹ Aisile mara ya tatu na kuamakiya,"Balo mugonjike na pomolya? Yatosha!Saa iikite.Linga!Mwana wa Adamu alowa salitiwa mumaboko ga sambi. ⁴² Muamke,tuyende.Linga,linga yolo nsaliti abile papipi." ⁴³ Mara aichile balo alongela,Yuda,yumo ywa balo komi na ibele,aikite,na likundi likolo boka kwa akolo ba makuhani,baandishi na apindo bababile na mapanga na marungu. ⁴⁴ Muda wolo msaliti wake abile kawapeya ishara,kabaya,Yolo ywanimbusu,nga ywembe.Munkamwe na kumpeleka pae ya ulinzi. ⁴⁵ Muda Yuda aikite,moja kwa moja ayenda kwa Yesu nabaya,"Mwalimu!" ⁴⁶ Na atekumbusu. Boka po kabantia pae ya ulinzi na kunkamwa. ⁴⁷ Lakini yumo nkati yabe ywayemi papipi naywembe ngachomwa panga bake kampigya ntumishi wa kuhani nkolo na kunkata likutu. ⁴⁸ Yesu ngammakiya,"Muisile kunkamwa kwa mapanga na marungu kati nnyang'anyi? ⁴⁹ Mana kila lisoba nibile ni mwenga na kuafundisha mulihekalu,mwanikamwile lii.Ila lee lipangike ili maandiko gatimye. ⁵⁰ Na balo bote bababile na Yesu bannekite na kubutuka. ⁵¹ KIla yumo ywankengime,ywabile awala shuka lyalibile lyatikwafunika kumzunguka;kabankamwa ⁵² lakini ngaaponyoka na kuileka shuka palyo ngabutuka uchi. ⁵³ Ngaban'yongoli Yesu kwa kuhani nkolo.Palyo kabakengamana pamope niywembe makuhani akolo wote,apindo na baandishi. ⁵⁴ Petro na ywembe kankengama Yesu kwa kutalu,elekya mu ua wa kuhani nkolo.Atami pamope na alinzi,bababile papipi na mwoto bakilota ili kuipanga miili yabe ibe na joto. ⁵⁵ Muda woo makuani wote na libalaza lyote babile bapala ushahidi dhidi ya Yesu ili bapate kumulaga.Ila baupatilke lii. ⁵⁶ Kwa mana bandu banambone batikunneta ushuhuda wa ubocho nnani yake,ila hata ushahidi wabe ufanana lii. ⁵⁷ Baazi yabe bayemi na kunneta ushahidi wa ubocho dhidi yake;babaya, ⁵⁸ "Tunyowine abaya,'Nalowa kurihabiya lihekalu lee lyalichengitwe kwa maboko,na nkati ya masoba atatu nilichengite lyenge lyalichengwa lii kwa maboko." ⁵⁹ Ila hata ushahidi wabe ufanana lii. ⁶⁰ Kuhani nkolo ayema nkati yabe na kanaluya Yesu,"Je,ubile lii na jibu? Bandua aba bashuhudia kele nnani yako?" ⁶¹ Lakini atama liki na ayangwa lii chochote.Mara kuhani nkolo nganyangwa kae,"Je wenga wa Kristo,mwana wa Mbarikiwa?" ⁶² Yesu abaya,"Nenga elo.Na umweni mwana wa Adamu atamile luboko lwa kummalyo wa nguvu aicha na maunde ya mbingu." ⁶³ Kuhani nkolo ngaipapwa ngobo yake na baya,"Je,balo twapala mashahidi? ⁶⁴ Muipekaniye kufuru.Uamuzi wenu ni namani?" Bote ngabamuhukumu kati yumo ywastahili kiwo. ⁶⁵ Baazi yabe ngabatumbwa kuntemya mate na kunfunika minyo na kunombwa na kumakiya,"Tabiri!" Maafisa ngabantola na kunkombwa. ⁶⁶ Petro paabile bado abile pae uani,ntumishi yumo wa alwawa wa kuhani nkolo aichile kwake. ⁶⁷ Amweni Petro aisile ayemi alota mwoto,na ngamlolekeya kwa karibu.Kabaya,"Wenga kae abile na Mnazareti Yesu. ⁶⁸ Lakini ngaakanikiye,abaya,"Nitangite lii wala nielewile lii usu chelo cha mukibaya!" Boka po ngaboka kuyenda panja uani. "na jogolo kabeka." ⁶⁹ Lakini ntumishi nwawa palo,amweni na atumbwile kuamakiya kae balo ambao bababile bayemi palo,"Mundu yolo nga yumo wabe!" ⁷⁰ Lakini ankanikiya kae.Baadae kidogo balo bababile bammakiya Petro,"Hakika wenga ni yumo wa bembe,kwa mana wenga kae ni Mgalilaya." ⁷¹ Lakini atumbwile kuibeka mwene pae ya laana na kuapa,"Nintangite lii mundu yolo ywa mwammbaya." ⁷² Boka po jogolo ngabeka mara ya ibele.Boka po Petro akombokya makowe ambayo ammakiye:"Kabla jogolo bawika mara ya ibele,walowa kunikanikya mara tatu."Nga atombwike pae na lela.