¹ Yesu paaboka moka mulihekalu,yumo ywa banafunzi bake nganaluya,"Mwalimu,linga maliwe aga gakushangaza na miyengo!" ² Ngammakiya,ubweni mayengo aga makolo? Ntopo hata liwe limo lyasalia kunani ya lyenge lyaatokya lii pae." ³ Ywembe paabile atama kunani ya kitombe sa mizeituni kinchogo ya lihekalu,Petro,Yakobo,Yohhana na Andrea ngabannaluya kwa siri, ⁴ "Tubakiye,makowe aga yalowa pangika lini?Nga dalili ya makowe aga ni namani?" ⁵ Yesu atumbwile kuamakiya,"Mube makini panga mundu yoyote kene awapotoshe. ⁶ Banambone baicha kwa lina lyango kababaya,'Nenga elo',na kuwapotosha banambone. ⁷ Ngamupekaniya vita na tetesi ya vita;makowe aga gabile lii budi bakya,lakini mwisho balo. ⁸ Taifa lyayumuka kinchogo lya lyenge,na ufalme kichogo ya ufalme.Patokya na malendemo pandu mbalimbali,na njala.Awoo nga mwanzo wa utungu. ⁹ Muwe ni minyo.Walowa kuwapeleka mumabaraza,na pingwa mumahekalu.Mwalowa yema nnonge ya atawala na afalume kwa ajili yango,kati ushuhuda kwabe. ¹⁰ Lakini injili lazima kwanza ihubirilwe kwa nnema wote. ¹¹ Pabakamwile na kwakabidhi,kana muyogope husu chelo chaukibaya.Mumuda wolo,mwalowa pewa namani cha baya;mubile lii mwenga mwamulongela,ila roho mpeletau. ¹² Nongo alowa nshitaki nongowe bulaga,tate na mwana wake.Bana bayema kinchogo ya tate babe na panga pawee. ¹³ Mwalowa chukiwa na kila mundu kwa kitumbu sa lina lyango.Lakini ywavumulia mpaka mwisho,mundu yoo alopolelwa. ¹⁴ Pabamugabweni lichukizo lya uharibifu lyayema palyo lyapalikwa lii yema(ywasoma atange),nga bababile nkati ya Yuda babutukiye mukitombe, ¹⁵ na ywembe ywabile kunani ya nyumba kana auluke pae ya nyumba,au tola chochote chakibile panja, ¹⁶ ywaabile mung'unda kana akelebukye kutola ngobo yake. ¹⁷ Ila ole wabe nnwawa bababile na ndumbo na banyonyesha mu masoba ago! ¹⁸ Mulobe panga kana itokee muda wa baridi. ¹⁹ Mana balowa pangika mateso makolo,ambayo yabile lii pangika,tangu Nnungu pauumbile ulimwengu,mpaka nambeambe,ntopo,wala apangika kae. ²⁰ Mpaka Bwana ywapongokya masoba,ntopo yen'ga walopolwa,ila kwa ajili ya bateule,wachawile,alowaponokya namba ga masoba. ²¹ Muda woo mana mundu ywywote ngaamakiya,Linga Kristo abile panoay Linga,abile palo!kana muobeli. ²² Panga Bakristo baulongo na manabii ba ulongo balowa pangika na panga ishara na maajabu,ili panga,balongele ubocho,yamkini ata bateule. ²³ Mube minyo!Niamakiye aga gote kabla ya muda. ²⁴ Lakini baada ya mateso ga masoba ago,liumu lyabekwa lubendo,mwei waboka bweya wake, ²⁵ Ndondwa yatomboka boka kunani,na nguvu yaibile kumaunde zalendema. ²⁶ Nga bamweni mwana wa Adamu aicha mumaunde kwa nguvu ngolo ya utukufu. ²⁷ Nga atikwatuma malaika bake na kuwakusanya pamope bateule bake boka pande kolo ncheche za lunia,boka mwisho wa lunia mpaka mwisho wa mbingu. ²⁸ Kwa nkongo wa ntini mwifunze.Kati litawi lyaweza pambika haraka manyei yake,nga muitange panga kiangazi kibii papipi, ²⁹ Nga nyo ibile,pamugabweni makowe aga gapangika,mutange panga abile papipi,na nnlango. ³⁰ Kweli,naabakiya,cheno kibeleki chapita lii kabla makowe aga pangika. ³¹ Mbingu na nnema vyapetya,lakini makowe gango gapeta lii. ³² Lakini usu lisoba lee au sa,ntopo ywatangite,ata malaika ba kumaunde,wala mwana,ila Tate. ³³ Mube minyo,Linga,kwa kitumbu mutangite lii muda gani gapangika.Mube aangalifu,muilinge na mulobe kwa sababu" ³⁴ Nga mana mundu ywayenda safari;anneka nyumba yake,na kunneka ntumwa wake panga ntawala wa nyumba,kila yumo na kazi yake.Na kumwamuru mlinzi tama minyo ³⁵ Kwa eyo mube minyo!Mana mutangite lii lisoba gani bwana wa nyumba akerebuke munyumba,yawezekana ni kitamwinyo,kilo ya manane,muda jogolo ngabeka,au kindae. ³⁶ Mana aichile gafla,kana akukuye ugonjike. ³⁷ Chelo chanikibaya kwako nabaya kwa kila mundu:Mukeshe"!