¹ Bai Pilato ngantola Yesu na kunkombwa. ² Balo babile maasikari baipangile mimimwa na kuipanga taji.Baibekite pa n'twe wa Yesu ngabamwalikwa ngobo ya zambarau. ³ Ngabamwichiya na kumakiya,"wenga wa mfalme wa Ayahudi na kunkombwa kwa maboko gabe. ⁴ Pilato atiboka panja na kuwalokiya bandu,"Linga nianletiye ayo mundu kachinu ili mutange panga nenga nibweni ntopo likosa nkati yake. ⁵ Kwa nyo Yesu ngapita panja;aweti litaji lya mimimwa na ngobo ya zambarau.Nga Pilato ngaamakiya,"mulinge mundu yo pano! ⁶ Kwa nyo wakati kuhani nkulu na akulu pabamweni Yesu,ngabakombwa lilobe ngababaya,"msulubishe,msulubishe." Pilato ngaabakiya."Muntole mwabene mkasulubishe,kwa mana nenga niibweni lii hatia nkati yake." ⁷ Ayahudi ngaban'yangwa Pilato,"Twenga tubile na sharia,na kwa sheria yee impalika waa kwa kitumbu ywembe ywaipangite mwana wa Nnungu. ⁸ Pilato ngapayowine makowe aga atiyogopa muno, ⁹ Kajingya muli Praitorio ngabakya Yesu,"Wenga uboka kwako? Ata nyo Yesu ngayangwa lii. ¹⁰ Pilato ngamakiya,"Je wenga ulongela lii na nenga? Je wenga utangite lii panga nibile na mamlaka ga kukuyongolya na mamlaka gakukusulubisha?" ¹¹ Yesu ngayangwa, "Mana ubile lii na nguvu nkati yangu mana upeyilwe lii boka kunani,mundu ywaniboile kwako abile na zambi ngolo." ¹² Bokana na majibu aga Pilato apala kunneka uru,lakini Ayahudi bapanga lilobe ngababaya,"mana wapala kunneka uru wenga wa mbiga lii wa Kaisari:Kila ywapanga kuwa mfalme abaya nchogo ya kaisari." ¹³ Pilato paayowine makowe aga,kanneta Yesu panja ngatama pa kiti cha hukumu mahali pakemelwa kama sakafu,lakini kwa Kiebrania Gabatha. ¹⁴ Lisoba lya maandalizi ya pasaka paliikite muda wa sita.Pilato ngamakiya Ayahudi."Muilinge mfalme winu ayoo pano." ¹⁵ Kabakombwa lilobe,"Ummoywee,msulubishe,msulubishe!Pilato ngaabakiya,"je nimsulubishe mfalme winu? Ni ywembe nga kuhani nkulu ngayangwa,"Twenga tubile lii na mfalme ila Kaisari." ¹⁶ Nga Pilato ngapiya Yesu kwabe ili bansulubishe. ¹⁷ Bembe ngabantola Yesu,ywembe abokite apotwike nsalaba wake mpaka lieneo likemelwange fuvu lya ntwe,kwa kiebrania likemelwa Golgota. ¹⁸ Nga pansulubishe Yesu,pamope ni ywembe alalome abele,yumo upande woo ywenge upande wenge,Yesu katikati yabe. ¹⁹ Pilato aandikile alama na yabekilwe nnani ya nsalaba. Hapo paandikilwe,YESE YWA NAZARETHI,MFALME AYAHUDI. ²⁰ Baingi ba Ayahudi baisomile alama yee mahali palo kaasulubilwe Yesu pabile karibu na Mji.Alama yee iandikilwe kwa Kiebrania,kwa Kirumi na kwa Kiyunani. ²¹ Bakulu ba makuhani wa Ayahudi ngabammakiya Pilato,"Kana uandike,mfalme wa Ayahudi." ²² Pilato ngayangwa,"Yaaniandikile nganiandika nyonyo." ²³ Baada ya aska kunsulubisha Yesu,batolilea ngobo yake na bagana mu mafungu nchenche,kila askari yumo,nyonyonyo na nganzu,Nambeambe yelo nganju yabile lii ishonilwe ila yabile ifumilwe yote boka kunani. ²⁴ Ngabalongela wabene,"Kana tuipapwage,ila tuipangie kura ili kuona yabile ya nyai." Alee nga lipangilwe na lyandiko litimii,lelo lyabaya batibagana ngobo yango,na kuipangia kura." ²⁵ Askari bapangite makowe aga.Mao bake Yesu,na dada ba mao bake,Mariamu nyumbowe Kleopa na Mariamu magdalena-alwawa aba babile bajemi karibu na nsalaba wa Yesu. ²⁶ Yesu paamweni mao bake pamope na yolo mwanafunzi ywampendile bajemi karibu,ngaabakiya mao bake,"Nwawa,linga,nilole mwana wako ayoo pano!" ²⁷ Ngaamakiya yolo mwanafunzi,"linga,ayoo pano mao bako.Boka saa ino yolo mwanafunzi atikuntola na boka kachake. ²⁸ Baada ya lee,hali ya Yesu atangite gote panga gayomwike ili kutimiza gaandikilwe.ngabaya,"nibona ngota" ²⁹ Chombo cha kitwelilwe siki chabekilwe palo,kwa nyo ngababeka sifongo yaitwelile siki nnani ya fito wa hisopo,ngabamwekea munkanwa ³⁰ wake. Yesu papaite yoo,ngabaya,"Iyomwike." ngainamisha ntwe wake,ngampeya Tate roho yake. ³¹ Ubile muda wa maandalio,na kwa kitumbu cheno yega ifaika lii tama pa nsalaba wakati wa Sabato(mana sabato ibile siku muhimu muno)Ayahudi bannoba Pilato panga magolo gabe bababile batisulubilwa iteikulilwe,na panga yega yabe ikelebukye. ³² Nga askari baisile kuigatekwana magolo ga mundu ywa kwanza na ywana ibele ywabile atisulubilwa pamope ni Yesu. ³³ Paamuikite Yesu,bamweni tayari atiwaa,kwa nyoo bantekwa lii magolo gake. ³⁴ Ata nyo yumo wa maskari atikunchoma Yesu mulubau kwa nkuki,na mara gaboite mache na damu. Ywembe ywalibona lee atikulishuhudia,na ushuhuda wake nga kweli. ³⁵ Ywembe ywatangite panga chakipayaye ni cha kweli aye nga mwenga mwamuobelyaye. ³⁶ Makowe aga gapangilwe ili lelo likowe lyalilongela litimye,"Ntopo ata wake yumo walowatekwanilwa." ³⁷ Nga liandiko lenge lyabaya,"Banlinga ywembe ngabatinchoma." ³⁸ Baada ya makowe aga Yusufu wa Arimathaya,kwa yelo ywaabile mwanafunzi wa Yesu,lakini kwa siri kwa kuyogopa Ayahudi,annobite Pilato panga akautole yenga ya Yesu.Pilato kampeya ruhusa.Kwa nyo Yusufu aichile kuutola yenga ya Yesu. ³⁹ Na ywembe Nikodemo ywabile pano awali atikunkengama Yesu kilo ni ywembe aichile.Ywembe ywaletike nchanganyiko wa manemane na udi,wapata uzito wa ratili mia jimo. ⁴⁰ Kwa nyo ngabautola yega ya Yesu ngabautaba ngamba mu sanda ya kitani na pamope ni yalo mauta.kati ya ibile desturi ya ayahudi muda wa chika. ⁴¹ Mahali paachulubiwa Yesu babile na bustani,nkati ya yelo bustani pabile na likabuli lya ayambe ambalo ntopo mundu ywachikilwe nkati yake. ⁴² Bai kwa mana lyabile lichoba lya maandalio yabile karibu,bai pambekite nkati ya lelo likaburi.