¹ Baada ya Yesy baya makowe aga,aboi na banafunzi bake yende libonde lya Kidroni,pabile bustani,ambako ywembe na banafunzi bake bajingii nkati yake. ² Nambeambe yolo Yuda,ywapala kunsaliti,niywembe atangite lieneo lee,mana Yesu abile kayenda lieneo lee mara kadhaa paabile na banafunzi bake. ³ Yuda,paalipatike likundi lya maachikari na maofisa boka kwa akulu ba makuhani,baisile na taa,tochi na silaha. ⁴ Nga ywembe Yesu,atangite kila kilebe chakipangike nnani yake,kaaboka nnongi yabe ngaanikya,"Nyai ywa mumpala?" ⁵ Ngabanyangwa,"Yesu Ywanazareth." Yesu ngaamakiya,"Nenga nga yee" Yuda yapala kunsaliti,abile ajemi pamope na balo maachikari. ⁶ Kwa nyoo paabakiye,"Nenga ngayee" batikerebuka kinchogo natomboka pae. ⁷ Nga kabanokiya kae,"Mumpala nyai? ngan'yangwa kae "Yesu ywanazareth." ⁸ Yesu ngayangwa,"Niabakiyage panga kuwa nenga nga yee;kwa nyo mana mwamunipala nenga,mualeke aga benge bayende." ⁹ Aga gabile nyo ili panga lelo likowe litimye,palo palongela"Katika balo baunipeyile,nimpoteza lii hata yumo." ¹⁰ Nga Simoni Petro,ywabile na upanga,atikuutola na kunkata likutu lya kumalyo mtumishi wa kuhani nkulu.Na lina lyake mtumishi yolo malko. ¹¹ Yesu ngamakya Petro kerebuya upanga wako mu ala yake.Kwa mwanja namani kana nikinyei lii kikombe chelo chanipeyile Tate?" ¹² Bai lelo likundi lya maaskari na majemedari,na atumishi ba Ayahudi,bammoywile na kuntaba. ¹³ Bembe kaban'yongoli kwanza mpaka kwa Anasi,ywabile mkwe wa Keyafa,ywabile nga kuhani nkulu kwa mwako woo. ¹⁴ Nambeambe Keyafa nga ywaagapeyile ushauri Ayahudi panga ifaika mundu yumo awe kwa ajili ya bandu. ¹⁵ Simoni Petro an'gengamite Yesu,nyonyonyo mwanafunzi ywenge.Na yolo mwanafunzi atangitwe kwa kuhani nkulu,ywembe ajingya pamope ni Yesu mulibehewa lya kuhani nkulu; ¹⁶ lakini Petro abile ajemi panja ya nnyango.Bai yolo mwanafunzi ywabile atangilwe kwa kuhani nkulu,atiboka panja kayenda kulongela na yolo nnwawa ntumishi ywabile atilinda nnyango na kumwingiza Petro munyumba. ¹⁷ Bai yolo kijakazi ywabile akilinda nnyango aamakyange Petro,"Je wenga lii yumo kati ya bafuasi ba yolo mundu?"Ywembe ngabaya,"Nenga lii." ¹⁸ Na balo atumishi na akulu babile bayemi mahali palo;bakokile mwoto kwamana,pabile na mbepo,nga nyoo babile batiyota mwoto ili kuapata lyoto.Na Petro abile nakwe,atiyota mwoto abile ajemi. ¹⁹ Kuhani nkulu ngaanokiya Yesu nnani ya banafunzi bake na mafundisho gake. ²⁰ Yesu ngayangwa,"Niubakiye ulimwengu waziwazi;nenga natifundisha mara kwa mara mulisinagoogi na lihekalu mahali ambapo Ayahudi bakwembine.Nenga nilongela lii lolote kwa siri. ²¹ Kwa namani munnokya nee?Muganokiyage balo baniyowine nani ya chelo chanikilongela.Bandu aba batangite makowe aga nigalongela. ²² Yesu paayomwile longela nyoo,yumo ywa akulu ywabile ayemi kankombwa Yesu kwa luboko lwake ngabaya,"Je!nga nyoo ipalikwa kun'yangwa kuhani nkulu?" ²³ Yesu ngayangwa,"Mana nilongela likowe lyolyote linoite lii bai ubile shahidi kwaajili ya ubou,na mana ngengime inoyite kwa namani kunkombwa? ²⁴ Nga Anasi kampeleka Yesu kwa Keyafa kuhani nkulu abile atabilwe. ²⁵ Nambeambe Simoni Petro abile ajemi atiipasha mwoto mwene.Alafu bandu balo ngabammakiya."Je wenga kae ni yumo lii mwa banafunzi bake?" Atikana ngabaya "Nenga lii." ²⁶ Yumo ywaatumishi ba kuhani nkulu abile nnuna wa yolo nalome ywabile Petro atikuntakulya likutu,ngabaya,"Wenga lii ywanikubweni niywembe kolo kubustani? ²⁷ Petro atikanikya kae,nga njogolo kabeka. ²⁸ Ngabantola Yesu boka kwa Kayafa mpaka Praitorio.Ibile kindai na mapema.Bembe bene bajingya lii mu yelo Praitorio ili kana bapangilwe najisi muda wolya pasaka. ²⁹ Kwa nyo Pilato ngaakengime kabaya,"Lishata gani lyalimuhusu mundu ayuu?" ³⁰ Nganyangwa kababaya,"Kati yolo mundu abile mpanga mabou,kana tunneta lii kwako. ³¹ Pilato ngaamakiya,"Muntole mwenga mwabene,mumuhukumu lingana na sheria yinu."Ayahudi ngabammakiya,"Sheria itukanikiya twenga kumulaga mundu yoyote." ³² Babayite ag ili likowe lya Yesu litimye,lyalibayite kunani ya aina ya kiwo chake. ³³ Bai Pilato kajingya muPraitorio kae ngankema Yesu;ngamakiya,"Je wenga nga mfalume wa Ayahudi?" ³⁴ Yesu ngayangwa,"Je kwa namani wenga unlokiye liswali lee kwa kitumbu upala yowa au kwa kitumbu benge bakutumite unlokiyage nenga?" ³⁵ Pilato ngan'yangwa."Nenga na N'yahudi lii,au lii?" Litaifa lyako na kuhani nkulu nga bakuletike kwango,wenga upangite namani? ³⁶ Yesu ngayangwa;"Ufalme wango ni waulimwengu lii,kati ya ufalme wangu ubile wa mahali muulimwengu woo atumwa bango bangenpigania panga nipeyilwe lii kwa Ayahudi.Kwa kweli ufakme wango uboka lii pano" Bai ³⁷ Pilato ngamakiya,"Je wenga bai wa mfalme?" Yesu ngayangwa,"wenga nga ubaya nenga na mfalme,kwa kitumbu nenga nibelekwile na kwa kitumbu chee nenga niichile muulimwengu ili nipangilwe shahidi wa yelo kweli.Yeyote ywabile ni yelo kweli ulipekaniya lilobe lyango. ³⁸ Pilato ngamakiya."Kweli nga namani?" Niywembe ngayomwile longela aga kwa Ayahudi na kuamakiya "Nibona lii lyolyote kwa mundu yolo. ³⁹ Mwanga mubile na utamaduni mwamuupangite nin'yongoli mfungwa yumo wakati wa Pasaka.Je mumpala nin'yongoli mfalme wa Ayahudi." ⁴⁰ Ngabapanga lilobe likolo ngababaya,ayoo lii,n'yongolii Baraba." Baraba ywabile mwii.