¹ Nijowa fya chakaka pa Kristo, nideta lepa, chengo kya pa mwoyo wangu kinilasile ulungamakiso pa Roho Mbalafu. ² Kukita niyii ni kuniongeneka kukulungu ni kuwina mwoyo wangu kiwinile. ³ Pakuya nihotola kuluwa kukita nenga namwene niyii wakupatulika ni Kristo pa mihalo ya walongo wangu, walongo wangu ndingo wa nyama. ⁴ Wala nawombe waisrael, kwa wala kukitika wana, nu kukwisika, na malagano, ni kupelewa torah ni kumhengela Mulungu, ni filago. ⁵ Kwa wala wayii wakadadi, ni kipitile pa wala Kristo kwa ndingo wa nyama nuyombe panani pa fyoha, Mulungu wakupelewa kihomo kwa miaka ni miaka. Amen ⁶ Koma nukuya ngati lilowe lya Mulungu liketiki lya wako. Pakuya nukuya woha wayii Israel wala kipitile pa Israel. ⁷ Haka woha wana, ndawa wayii mbeyu ya Ibrahim, koma pa Isaack Mbeyu yayiwalangike mahina kwako. ⁸ Kuku, Kujowa, mukuya wana wa nyama ndingo wa lukumbi ulu yanihiche, nu sura yaaye nu mwana. Ni nnukuyu iki kyakape. ⁹ Koma Rebekah kawili akayimiti luleme nu yumonga, yuyu dadi witu Isaack. ¹⁰ Ni nukuyu iki kyakape. Koma Rebekah kawili akayimiti luleme nu yumonga, yuyu dadi witu Isaack. ¹¹ Oakuya wana awa wakona nukuhogoleka, haka wakona nukukita kandu kanofu pangi kawifu nausi malango ga mulungu kwa ndingo wa kuhagala gahwele, nukuya kipitile pa makitiko, koma pa yula akemela. ¹² Kukajowiki kwa yombe, nkulungu gantamile nchoko mbanda. ¹³ Umu yilembekili, yakobo nikanganiti, koma Esau nikambipili." ¹⁴ Mumu yatijowe kiki? Kuyili kuwifu pa Mulungu? kisiya wiwi. ¹⁵ Pakuya anjowela Musa, yaninkitile lukolo uyu ninkitila lukolo, ni yanimpwelekele lipyana uyu nimpwelekele lipyana. ¹⁶ Mumu nukuya wa uyu wakulonda, haka wa yula wakukimbila, koma wa Mulungu wakukitika lukolo. ¹⁷ Pakuya lilembo linjowela Farao, kwa ndawa ya iki nikakuyimwisi, nausi nilase pa wenga makakala gangu, ni lihina lyangu liwandasike pa milima yoha. ¹⁸ Mumu ankitila lukolo uyu andonda, na uyu andonda anonopesa. ¹⁹ Mumu yamunijowela, apela wuli mhalo? Pakuya nani apindika kilonda kyake? ²⁰ Mundu wenga, haka pachokope, wenga uyii nani kumhigila kumpindika mulungu? Ati, kila kyakuwumbika yakinjowele wakukiwumba, kwa ndawa kiki ukanipangili wila? ²¹ Pangi ati wakuwumba fiwiga ayilepe ni chengo pa liupi pa liwuli lililalila kukita lilundu limonga kiwiga kya liginika, ni lingi kyangali liginiko? ²² Wuli wona Mulungu, pakulonda kulasa kudada kwake, ni kumanyisa mbafu syake, akayisingiti ni fiwiga fya kudada fyakulinganila kuyanangika;. ²³ Ni amanyise ukafi wa kukwisika kwake pa fiwiga fya lukolo, fila akawikilingani palongolo kwa kukwisika. ²⁴ Wawa tenga, akatikemili kawili, nukuya kipile pa wa yehudi wakape, koma kawili pa wa mihuku. ²⁵ Umu ajowela pa Hosea, Yanikemele awa nsafi wangu, wawa wakayili lepa nsafi wangu; Ni wakuganika wake, yula akayilin lepe wakuganika. ²⁶ Ni Isaya akuwa panani pa Israel, Haka kawalangika nka wona wa Israel kayii ngati muhanga wa mu nyanja, ka kusigala yakayokoleke. ²⁷ Nu Isaya akuwa panani pa Israel, Haka kawalangika ka wana wa Israel kayii ngati muhanga wa mu nyanja, ka kusigala yakayokolele. ²⁸ Pakuya Bambo yalikite lilowe Lyake pa ndima, kulimalakisa ni kulindumulila ngani. ²⁹ Na umu Isaya akajowili palongolo, Akalemiti Bambo wa sabaoth kulekeleka mbyu ngatilemi ngati Sodom, ngatikitiki kuhwanangano ni Gomora. ³⁰ Mumu yatijowe kiki? kukita wa mihuku wala wakisikiti lepa ugolofu, wakafikili ugolofu, wuwu ugolofu kipitile pa kiyitakiso. ³¹ Koma Israel, wakukita torah yila. ³² Kwa kiki? Ndawa nukuya kipitile pa kiyitakiso, leka ngati kipitile pa makitiko. Wakakuwili pa liganga lya kukuwalila, umu yilembekili, Lola niwika pa sion liganga lya kukuwalila ni liganga lya kukuwasila; ³³ Nu uyu akela pa yombe yaaye nukukoseka lihamu lepa.