¹ Walongo, kuganila kwa mwoyo wangu ni liluwo lyangu kwa mulungu liyii kwa wombe, kukita wayokoleke. ² Pakuya niwalasila ulungamakiso kukita wayii nawo ukiki kwa mulungu, leka nukuya kwa ndingo wa Malango. ³ Pakuya wangali kumanya ugolofu wake mulungu, ni wakulondalonda kuyimisa wawe, wayikiti lepa wene pasi pa ugolofu wake Mulungu. ⁴ Pakuya Kristo ayii kumalakisa kwake torah mpaka pa ugolofu wa mundu ayi yoha yuakela. ⁵ Pakuya Musa alemba kukita mundu uyu akitaugolofu wula uyii wa torah, yalame mumu. ⁶ Koma ugolofu wula kipitile pa kiyitakiso ujowa naha, usijowa naha, usijowa pa mwoyo wako, Nani yakwele kiyinganile kunani (kuku, kuntola Kristo kusi). ⁷ Pangi nani yaseleke pa kina? (kuku, kuntola Kristo kunani kipitile pa wakufwa). ⁸ Koma ujowa kiki? lilowe liyii papipi nu wenga, pa ndomo pako, ni pa mwoyo wako, lili lilowe lya kiyitakiso, lila tiwandisa. ⁹ Ndawa wona ufumbula Yesu pa ndomo pako, kukita ayii Bambo, ni ukela ngani pa mwoyo wako kukita Mulungu, akansyusiti yombe pa wakufwa, yauyokoleke. ¹⁰ Pakuya nu mwoyo mundu akela mpaka pa ugolofu; ni pa ndomo kufumbula kukitika mpaka pa uyokosi. ¹¹ Pakuya lilembo lijowa, Ayii yoh yuakela yombe yaakoseke lepa lihamu. ¹² Pakuya pawaka kuwapatulisa Myehudi ni MGiiki. Ndawa yuyu ayii Bambo wa woha, ni nkafi wa woha, ni nkafi wa woha awa wankemelela. ¹³ Pakuya, Ayii yoha yualikemelela lihina lya Bambo yayokoleke. ¹⁴ Mumu yawankemelele wuli uyu wakankeliti lepa? na wuli yawankele uyu wakuyufwini lepa ndumi syake? ni wuli yawayufwane pangali wakuwandisa? ¹⁵ Ni wuli yawawandise, wona walemiti kutumika umu yilembekili, owe, syakuniamba njayo sya wala wakutumula evangel ya finofu!" ¹⁶ Koma wakayufwini lepa woha evangel pakuya Isaya ajowa, Bambo, nani akakeliti mbili yitu? ¹⁷ Mumu yikitakiso kifika kipitile kuyufwa, ni kuyufwa pa lilowe lya Kristo. ¹⁸ Koma nijowa wakayufwini lepa? Ena,chakaka, Njawila yawe yikalutiti mpaka pa ndima woha, ni malowe gawe mpaka pa songo sya ndima." ¹⁹ Koma nijowa, Israel akamanyiti lepa ati? pakutumbula musa kujowa, yaniwalekele mwernga wifu nu uwu nukuya mhuku, Nu mhuku wangali na malanga yaniwadadise mwenga." ²⁰ Ni Isaya asindimala muni, ni ajowa nikawanangini na wala wangali kunilondalanda; Nikalasiki kwa wala wangali kukota ndumi syangu. ²¹ Koma Israel ajowa, Musi woho nikatambaswili mawoko gangu kwa nsafi wangali kuyufwa ni wakupindika."