¹ Pangi, walongo, mumanya lepa (pakuya niwalongela na wala wayimanya torah) kukita torah yiyii Bambo kwa mundu lukumbi lwoha ayii mukulama? ² Pakuya ndala uyu ayii ni ngwanamundu akungiki ni torah kwa gwanamundu pa kulama kwake koma wona ngwanamundu afwili, awusiki pa torah ya ngwanamundu. ³ Mumu wona awunganiki nu ngosi yungi, pala ngwanamundu ayii kilamile, yakemeleke ndalawa ukeme; leka wona ngwanamundu afwili, ayii nkamba pa torah, nukuya wiwi ndala wa ukeme, haka uhunganiki nu ngosi yungi. ⁴ Mumu walongo wangu, mwenga kawili mukakitiki wakufwa kwa torah pa mbili wa Kristo; nausi muwunganike kwa yungi, kwa yula asyukiki pa wakufwa, kukita tipambakile mulungu fipambiko. ⁵ Pakuya pala tikayili pa nyuma, munyonyelo ga sambi; gala gayii pa torah, gahengili pa fipingili fitu kupambakila kifwa fipambiko. ⁶ Koma hino tiwusiki pa torah, ndawa tikafwilili kila tikayili mu kukamulika nakyo, kwa iki titumakila pa roho ya hino, nukuya palilembo lya mwandi. Yatijowe kiki mumu? Torah yiyii sambi, kisiya wiwi. ⁷ Koma hino tiwusiki pa torah, ndawa tikafwilili kila tikayili mu kukamulika nakyo, kwa iki titumakila pa roho ya hino, nukuya palilembo lya mwandi. Yatijowe kiki mumu? Torah yiyii sambi, kisiya wiwi koma ngatipatiti lepa kumanya sambi, lema pa torah, pakuya nganimanyi lepa linyonyelo, lema torah yikajowiti usinyonyela. ⁸ Koma sambi, yiyupiti lukumbi, yakihengili pa nenga linyonyelo lya misafi-misafi; pakuya pangali torah sabi yifwili. ⁹ Nu nenga nikalamiti pangali torah mwandi koma pala luwimbi lukahichili, sambi yikalamiti kawili ni nafwili. ¹⁰ Nu lukumbi, lula lukayili kwa kulama, nilukolili kwa kufwa. ¹¹ Pakuya sambi, pala yakiyupiti lukumbi, pa luwimbi yikanikongiti, ni pa lula yikanikomiti. ¹² Mumu torah yiwalafu nu luwimbi; luwalafu, ni lwakugoloka ni lunofu. ¹³ Wila kila kikayili kinofu kikapatiti kuniyila kifwa? kisiya wiwi; koma sambi; nausiyiwoniki kuya sambi, pa kunihengela kifwa pa kila kinofu; nausi pa luwimbi sambi yikitike sambi kulutila. ¹⁴ Pakuya timanya kukita torah yiyii ya kiroho; koma nenga ya nyama, nihemaliki pasi sambi. ¹⁵ Pakuya kila nikikita nikamanya lepa, nikitiye lepa kila nilonda, koma kila nikiwipila, iki nikikita. ¹⁶ Koma wona kila nikilonda lepa, iki nikikita, niyitikisana ni torah kukita yiyii yinofu. ¹⁷ Na hino nukuya nenga nikitilingani, koma sambi yila yihwela mugati mwa nenga. ¹⁸ Pakuya nimanya kukita mwa nenga, kuku mwanyama yangu, kihwela lepa haka kimonga kinofu ndawa kulonda kuyii pa nenga, koma kukita iki kiyii kinofu kuyilepe. ¹⁹ Pakuya kinofu kinilonda, nikita lepa , leka kiwifu nikilonda lepa nikitiye. ²⁰ Leeka wona kila nikilonda lepa. iki nikikita nukuya kawili nenga nikitiye, koma sambiyila yihwela mugati mwa nenga. ²¹ Nikolela mumu torah, kukita kwa nenga wakulonda kukita kinofu, kiwifu nenga. ²² Koma nilola torah yingi pa fipingili fyangu, yila yikomana ni torah ya mwoyo wangu, ni kunitola mateka pasi pa torah. ya sambi yila yiyii pa fipingili fyangu. ²³ Mundu wa kuhumbusika nenga! nani yanifuwule kupita pa mbili wa kifwa iki? Ninsengusa mulungu pa yesu Kristo Bambo witu. mumu nenga nani nu mwoyo nihengela torah ya mulungu, koma ni nyama torah ya sambi. ²⁴ Mundu wa kuhumbusika nenga! nani yanifuwule kupita pa mbili wa kifwa iki? ²⁵ Ninsengusa mulungu nenga nani nu mwoyo nihengela torah ya sambi.