¹ Mumu yatijowe kiki? Tihwelele ngani pa sambi, nausi neema yifuluke? Kisiya wiwi. ² Tenga tikafwili sambi, wuli yatilame panyuma pake mumu? ³ Pangi Mumanya lepa mwenga kukita tenga tawohatikabatasiki mwa Kristo Yesu tikabatasiki mwa kufwa kwake? ⁴ Mumu tikawikiki mu manyinja pamonga nayombe pa ubatiso mwa kufwa: kukita ngati umu Kristo akasyusiki pa wakufwa pa kukwisika kwake Dadi: wiwi tenga kawili ngatigenditi pa kulama kwa hino. ⁵ Pakuya wona tipatili kuwunganisika nako pa kihwanakiso kya kufwa kwake, yatiye kawili kya kusyuka kwake. ⁶ Kumanya iki, kukita umundu witu wa mwandi ukakungiki pa msalaba pamonga nuyombe, nausimbili wa sambi uwusike. tisitama kawili pa uwanda wa sambi . ⁷ Pakuya uyu amaliti kufwa agoholiki pa sambi. ⁸ Koma wona tikafwili pamonga nu Kristo, tiyita kila kukita yatilame kawili pamonga nu Kristo tiyitakila kukita yatilame kawili pamonga nuyombe. ⁹ Kumanya kukita Kristo akasyukiti pa wakufwa afwa lepa kawili, kifwa kihotola lepa kawili kuntamila bambo. ¹⁰ Pakuya kifwa akafwili nakyo, akafwili sambi kamonga waka; koma kulama alama nako, andamila mulungu. ¹¹ Wiwi mwiwalange mwenga mwawene kawili wakuyufwila sambi, koma wakundamila mulungu mwa Kristo Yesu. ¹² Mumu sambi yisitama mutwa pa mbili winu wakufwilika, kukita muyufwana manyonyelo gake. ¹³ Haka musipeleka fipingili finu kwa sambi kutama fya ngondo fyangali kugoloka; koma mwipeleke mwawene kwa mulungu, ngati wakulama kupitile pa wakufwa. ¹⁴ Pakuya sambi yayile lepa bambo winu, ndawa muyilepe pasi pa torah, leka pasi pa neema. ¹⁵ Kiki mumu? ngatikiti sambi ndawa tiyilepe pasi pa torah. ¹⁶ Koma pasi pa neema? kisiya wiwi. Mumanya lepa kuyufwa, wawanda wake muyii wa yula munjufwana, pangi wa sambi kwa kifwa, pangi wa kuyufwa kwa kugoloka? ¹⁷ Koma tinsengusa mulungu kukita, umu mukayili wawanda wa sambi, mukayufwini kipitile pa mwoyo kwa ntundu wa mayigaliso wula mukapelekiki nawo; ¹⁸ Ni wakueopoleka pa sambi; mukakitiki wawanda wa kugoloka. ¹⁹ Nilongela kwa ndingo wa wandu ndawa ya ulegelefu wa nyama yinu, pakuya umu mupelekiye fipingili finu wawanda wa wafu ni kwa uwifu mpaka pa uwifu, wiwi hino mufipeleke fipingili finu wawanda wa ugolofu mpaka pa kuwalasika. ²⁰ Pakuya pala mukayili wawanda wa sambi, mukayili wakamba pa ugolofu. ²¹ Kipambiko kiki mukayili nako lukumbi lululalila pa findu fila mwona lihamu hino nafyo? pakuya pa kumalakila pa findu fifilafila ni kifwa. ²² Koma hino mukakitiki wakamba pa sambi, ni mukakitiki wawanda kwa mulungu, muyii nakyo kipambiko mpaka pa kuwalasika, ni pa kumalakila pake kulama kwa miaka. ²³ Pakuya njombe ya sambi yiyii kifwa; koma kya waka kya mulungu kiyii kulama kwa miaka mugati mwa Kristo yesu Bambo witu.