¹ Mumu tenga wakugoloseka pa kiyitakiso, titame pa kindambo nu Mulungu pa Bambo witu Yesu Kristo. ² Pa uyu kawili tikayili nu kuhegelela kwitu pa kiyitakiso mpaka pa neema iyi pa yila tiyima; ni tihekelele pa kihuwalilo kya kukwisika kwake Mulungu. ³ Leka nukuyu iki kyakape, koma kawili tihekelele pa mahumbuso, pa kumanya kukita lihumbuso lihengela liyumalakiso. ⁴ Ni liyumalakiso ligeseko, ni ligeseko kihuwalilo. ⁵ Ni kihuwalilo nukulekela lihamu; ndawa kiganano kyake Mulungu kyakitiki pa mioyo yitu pa Roho Mbalafu uyu tapeliwi. ⁶ Pakuya pala tikayili wakulegeleka, pa lukumbi lwake Kristo akafwilili wawifu. ⁷ Pakuya kwali ndawa ya mundu ngolofu yamonga ngafwili, pangi ndawa ya mundu nnofu nunuyu ngaasindamili kufwa. ⁸ Koma Mulungu amanyisa kugana kwake mwene kwa tenga pa iki kukita tenga, kitamile wenesambi akatifwili. ⁹ Kwa kulutila mumu tenga wakugoloseka hino pa mwasi wake, yatiyokoleke pa kudada kwake Mulungu pa yombe. ¹⁰ Pakuya wona, pala tikayili wa mitumba, trika tepulanisiki kwa Mulungu pa kufwa kwa mwana mundu, kulutila iki, timaliti kutepulanasika tayiyokoleke pa wumi wake. ¹¹ Ni nukuyu iki kyakape, koma kawili tihekelela pa mulungu mwa Bambo witu Yesu Kristo pa uyu hino tiyupiti kutepulana kula. ¹² Mumu, wona pa mundu yumonga sambi yikangili mu ndima ni kifwa pa sambi ni wiwi kifwa kikalutiti mpaka pa woha, ndawa woha wakakiti sambi. ¹³ Pakuya mpaka pa torah sambi yikayili mu ndima; koma sambi yiwalangika lepa pala pangali torah. ¹⁴ Haka wiwi kifwa kikayili mutwa kitumbulile Adam mpaka pa musa, haka pa wala wangali kukita sambi kwa ndingo wa kuhoko kwake Adam buyombe kihwanakiso kya kula akayili mu kuyicha. ¹⁵ Koma nukuya ngati kwa yumonga yula akakiti sambi, wiwi kya waka, pakuya lipaulo kipitile yumonga kwa kupisika mbifu, koma kya wake kipitile mahoko ga mahele kwa kugoloseka. ¹⁶ Na nukuyu ngati kwa yumonga yula akakiti sambi, wiwi kya waka, pakuya lipaulo kipirile yumonga kwa kupisika mbifu, koma kya wake kipitile mahoko ga mahele kwa kugoloseka. ¹⁷ Pakuya wona pa lihoko lya yumonga kifwa kikayili mutwa pa yumonga kufuluka wa kufiyupa fya neema ni kya waka kya kugoloka yawaye watwa pa yumonga, yuyu Yesu Kristo. ¹⁸ Mumu upu pa lihoko limonga kukawafikili wandu woha kupisika uwifu, wiwi pa likitiko limonga lya kugoloka kukawafikili wandu woha kugoloseka kwa kulama. ¹⁹ pakuya umu pa kwangali kuyufwa kwa mundu yumonga wa mahele wapisiki wene sambi, wiwi kawili pa kuyafwa kwa mundu yumonga wa mahele yawapisike wakugoloka. ²⁰ Leka torah yikayingili pa ndemuko kukita lihoko lifuluke, koma pala sambi yikafulwiki, neema yikafulwiki nganila. ²¹ Kukita, umu sambi yikayili mutwa pa kifwa wiwi kawili neema yiye mutwa pa kugoloka mpaka pa kulama kwa miaka mwa Yesu Kristo Bambo witu.