¹ Kiki mumu yatijowe kukita Ibrahim, dadi witu wa palongolo kwa ndingo wa nyama akolili? ² Pakuya wona Ibrahim akagolosiki kipitile pa makitiko, ayii nakyo kyakulumba: koma nu kuya kwa Mulungu. ³ Pakuya kiki lijowa lilembo? ni Ibrahim akankeliti Mulungu, ni kuwalangiki kwake kugoloka. ⁴ Leka kwa yula wakukita, njombe yiwalangiki lepa kwa ndingo wa neema, koma kwa ndingo wa nsingilo. ⁵ Koma kwa yula alema kuhenga, leka akela pa yula wakugolosa mbifu, kiyitakiso kyake kiwalangiki kugoloka. ⁶ Ngati umu Dadi kawili akampili kihomo mundu, kwa yula Mulungu ambalangila ygolofu pangali makitiko, ⁷ wanya kihomo wala mahoko gawe gatutuwusiki ni sambi syawe sifunakaliki. ⁸ Anya kihomo mundu yula Bambo yambalange wangali sambi. ⁹ Kihomo iki muimu kiyii pa kusilimuka, pangi pangali kusilimuka kawili?. pakuya tijowa, kwa Ibrahim kiyitakiso kyake kiwalangiki kwa ugolofu. ¹⁰ Kikawangiki mumu wuli? pala akayili pa kusilimuka, pangi pangali kusilimuka? nukuya pa kusilimuka, koma pangali kusilimuka. ¹¹ Ni akakiyupiti kiwalalilo kya kusilimuka kya kukomalela kya ugolofu wa kiyitakiso kila akayili nakyo pangali kusilimuka nausi aye dadi wa woha awa wakela, haka wayii pangali kusilimuka, kukita kugoloka kuwawalangile. ¹² Nu dadi wa kusilimuka kwa wombe wala nukuya wa kusilimuka wakape, koma wa wala kawili wagenda pa njayo syakiyitakiso kya dadi witu Ibrahim, kila akayili nakyo pangali kusilimuka. ¹³ Pakuya nukuya kipitile pa torh kikayili kilago wa Ibrahim ni mbeyu yeke kukita aye wakuyingila lipwela lya ndima woha, koma kipitile pa ugolofu wake kiyitakiso. ¹⁴ Pakuya wona wala wa torah wayingila lipwela, kiyitakiso kikitiki kya wako, ni kilango kiwusiki. ¹⁵ Pakuya torah yihengele kudada, koma pala pa pa waka torah kwipatukila pa waka kawili. ¹⁶ Kwa ndawa iyi kiyii kipitile pa kiyitakiso, nausi kiye kwa ndingo wa neema; kukita kilago kikangamaasike kwa mbeyu yoha; nukuya kwa yila yakape ya torah, koma kwa yila kawili ya kiyitakiso kya Ibrahim, uyu ayii dadi wa tenga tawoha. ¹⁷ Umu yilembekile, Dadi wa wa Mihuku mingi nikuwikiti) palongolo pa yula uyu ankeliti yuyu Mulungu, wakulamisa wakufwa, akemela fila fyakona fyangaya ngati fila fiyii. ¹⁸ Yula akakelii pa kihuwalilo kupindika kihuwalilo, nausi aye dadi wa wa mihuku mingi, kwa ndingo wa lila likajowiki, wiwi mbeyu gako yayiye. ¹⁹ Ni wanali kulegeleka pa kiyitakiso akauholalili mbili wake umaliti kifwa (pakuya mwene ngati miakanmia) ni kufwa kwake luleme lwa sara. ²⁰ Ena, kilolalile kilago kya Mulungu, akaganoganiti lepa pangali kiyitakiso, koma akapeliwi; mbafu pa kiyitakiso, kumpela Mulungu kukwisika. ²¹ Kumanya ngani kukita kila akalapili ahotola kawili kukita. ²² Kwa ndawa iyi kawili yikambalangili kwa kugoloka. ²³ Koma kukalembiki lepa kwa ndawa ya yombe wakape, kukita kukambalangili. ²⁴ Koma ndawa ya tenga kawili, kwa tenga yakuwalangike, wakukela pa yombe uyu akanyusiti Yesu Bambo witu pa wakufwa. ²⁵ Nu yombe akafumbukasiki ndawa ya mahoko gitu, ni akasyusiki kawili kwa kutigolosa.