¹ Mumu kiki kyakuluila kya Myehudi? pangi kiki kyakulinganila kyake kusilimuka?. ² Kya maheke kwa ndingo uyi: woha pa kutumbula ndawa wakakamulasiki ni malowe ga kulyetu ga Mulungu. ³ Pauya kiki wona wangi wakayili wangali kiyitakiso? kwangali kiyitakiso kwawe yakuwusebkiyitakiso kya Mulungu ati? ⁴ Kisiya wila; ena, Mulungu aye wa chakaka, eka mundu ayi yoha wa magaya: umu yilembekiki nausi ayi yoha wa magaye; umu yilembekiki nausi upisike wakugoloka pa malowe gako, ni uhotole pa kupaulika kwako." ⁵ Koma wona uwifu witu uyimasika ugolofu wake Mulungu, yatijowe kiki? wila Mulungu ayii wangali kugoloka uyu alolalela ni kudada? (Nilongela kwa ndino wa wandu). ⁶ Kisiya wila; pakuya wona wiwi Mulungu yaupaule ndima wuli? ⁷ Leka wona fya chakaka fyake Mulungu kwa kudeta kwangu fikafulusiki kwa kukwisika kwake, kwa kiki nipaulika ngati mwene sambi mpaka hino? ⁸ Ni ndawa kiki tijowa lepa (umu watikupikisile) na umu wangi wakangamasa kukita tijowa) tikite fiwifu, nausi finofu , fihiche? wala wapisika mhalo pa kugoloka. ⁹ Kiki Mumu? tilekiki munyama? lepa, napachokope pakuya tikawapili mhalo palongplo wa yehudi na kawili waGriki, kukita woha awa wayii pasi pa sambi, ¹⁰ Umu yilembekili pangali wakugoloka, haka yumonga. ¹¹ Pangali munmdu uyu awalalila pamgali uyu andondandonda Mulungu. ¹² Woha wapatwiki, woha pamonga wangali kulinganila; pangali uyu akita kinofi, haka yumonga. ¹³ Nkolomelo wawe uyii manyinja gadinduliki ni nimi syawe wakongisi,Sumu ya mamoma yiyii pasi pa milomo yawe. ¹⁴ Ndomo wawe umemiti ni kulapakisa ni kuwawa. ¹⁵ Magulu gawe gayumbatika kwa kuyuitikisa mwasi. ¹⁶ Kuyanangika ni kuhumbusika kuyii pa ndila syawe. ¹⁷ Ni ndila ya kindamba wayimanyiti lepa. ¹⁸ Pa waka woga wa Malungu palongolo pa miho gawe." ¹⁹ Leka timane kukita fiyi fyoha yifi fyoha yifijowa torah, yilongela na wala wayii pasi pa torah; kukita pa ndomo payi poha padindike, nu ndima woa upelewe mhalo nu Mulungu. ²⁰ Pakuya kipitile pa makitiko ga torah nyama iyi yoha yayiye yaangagoloseka pa miho gake; ndawa pa torah kuyii kuyimanyila ngani sambi. ²¹ Koma hino pangali torah kugoloka kwake Mulungu kulasiki, kulungamakika ni torah ni wakulweta. ²² Kuku kugoloka kwake Mulungu kipitile pakiyitakiso pa Yesu Kristo kwa woha wakukela; pakuya pawoko kyakulekana. ²³ Ndawa woha wakiti sambi ni walemwiki pa kukwisika kwake Mulungu. ²⁴ Kugoloseka waka ni neema yake kipitile pa kukombola kula kuyii pa Kristo Yesu. ²⁵ Yula Mulungu akambikiti chakupepesa kipitile pa kiyitakiso, pa mwasi wake, kulasa ugolofu wake ndawa ya kulekelekesa sambi sikakitiki mwandi, pa kwisinga kwake Mulungu. ²⁶ Kwa kulasa ugolofu wake pa lukumbi lwa hino: nausi aye wakugoloka mwene; ni wakugolosa yula ayii ni kiyitikiso pa Yesu. ²⁷ Mumu kuyii kuliku kwilumba? kudindikisiki, kwa torah kuyii? ya makitiko? lepa koma kwa torah ya kiyitikiso. ²⁸ Mumu tiwalanga kukita mundu agoloseka ni kiyitakiso, pangali makitiko ga torah. ²⁹ Pangi Mulungu ayii Mulungu wa wa yehudi wa kape? si Mulungu wa mihuku kawili? Ena, wa mihuku kawili. ³⁰ Wona Mulungu ayii yumonga, nui yawagolose wakusilimuka kipitile pa kiyitakiso, ni kwa ngali kusilimuka pa kiyitakiso. ³¹ Mumu wila tiyiwusa ngapi torah ni kiyitakiso ati? kisiya wila: koma tiyiimisa torah.