¹ Ni malaika wa mhano akakuwitimbata, ni nikaweni lutondo lugwili kipitile kunani kiyingilile nu ndima; ni ikapelekiki kwake funguo ya liwumba lya kina; ² Ni akalindwili liwumba lya kina; ni likakwelini lyosi kipitile pa liwumba, ngati lyos lya litende likulungu; ni lijuwa ni hewa likalekaliki lwisi kipitile pa lyosi lya pa lilumba. ³ Ni mapalasi gapititi pa lyosi kiyingalile pa ndima; ni yikapelakiki chengo kwa wombe, umu fipilil;i fya pa ndima fiyii ni chengo. ⁴ Ni kukajowiki kwa wombe kukita gasiyanangan linyasi lya pa ndima, ni haka kindu kiwisi kiyii kyoha, haka nkongo uyi woha, lema wandu wala nawombe wayilepe ni kyakukomeleka kyake Mulungu pa fiwungi fyawe. ⁵ Ni kukapelekiki kwa wombe gasiwakoma wombe, koma kukia wang'atalike miesi mhano: ni kun'arahika kwake kukayili ngati kung'alika kwa kipilili, pala kinduma mundu. ⁶ Ni pa magono gagalagala wandu yawakilonde -londe kifwa ni yawakikolele lepa; ni yawanyonjele kufwa, leka kufwa kuwakimbila. ⁷ Ni mahwanakiso ga mapalasi gakayili ngati mafarasi gawikakili ngani kubita ku ngondo: ni pa mitu yawe fikayili baho ngati fikupiku fyake hwanangana ni Zabilu, ni fyene fyawe ngati fyene fya wandu. ⁸ Ni wakayili ni liyunju ngati liyunju lya wadala, ni mino gawe ngati mino ga malimba. ⁹ Ni gayii ni mikila ngati ya fipilili ni milomo, ni pa mikila yawe gayii ni mbafu kuwinisa wandu kwa miesi mhano. ¹⁰ Ni gayii ni mikila ngati ya fipilili ni milomo; ni pa mikila yawe gayii ni mbafu kuwawinisa wandu kwa miesi mhano. ¹¹ Gayii ni mutwa panani pa gombe yuyu malaika wa kina kila lihina lyake pa Kihebrayo liyii Abaddon ni pa KiGriki lihina ayii nalyo Apolluon. ¹² Yoyo yakutumbula yilutiti; lola, sihicha kawili yoyo siwili panyuma pa iyi. ¹³ Ni Malaika wa sita akakuwiti, ni nikayufwini njowelo kuhumila pa manyelo ga mathbahu ga Zahabu aga gayii palongolo pa Mulungu. ¹⁴ Kunjowela Malaika wa sita, wakuya ni mbata, uwapole wakamalaika ncheche wala nawombe wakungiki pa nkuka ukulungu Euphrates. ¹⁵ Na wakawopoliki wakamalaika ncheche wala wakawikiki ngani kwa saa ni ligono ni mwesi ni mwaka, nausi wakome lilundu lya kadatu lya wandu. ¹⁶ Ni kawalangiko ka malibanja ga wandu wa pa Farasi kakayili elfu makumi gawili marra elfu kumi: ni nikayufwini kawalangiko kawe. ¹⁷ Ni wiwiwla nikaweni Mafarasi pa kiloto, ni wala wakutama bahala pa gombe, waakuya ni fikopa pa kifimba fya mwoto ni matitu ni kibiriti, ni mitu ya mafarasi yikayili ngati ya mahicha; ni kipitile pa ndomo pawe papita mwoto ni lyosi ni kibiriti. ¹⁸ Kipitile pa mitowo iyi yidatu lilunda lya kadatu lya wandu likakomiti, lili pa mwoto ni lyosi ni kibiriti, yila yikapititi pa ndomo pawe. ¹⁹ Pakuya makalala ga mafarasi gayii pa ndomo pawe ni pa mikila yawe; pakuya mikila yawe yihusananga na ni mayoka, gene mitu; ni pa aga waminisa. ²⁰ Ni wakusigala wa wandu awa wakakomiti lepa ni mitowo iyi, wakapeliti lepa ndawa ya mahengo ga mawoko gawe, kukita wasiya kugwilakimbo madaimon, ni fifwili fya zahabu, ni fya ndalama, ni fya ngenge, ni fya maganga ni fya mikongo; ifi nakuhotola kuwona, haka kuyufwana haka kugendagenda. ²¹ Ni wakapeliti lepa ndawa kukoma wandu kwa we fya uhasi fyawe, haka ndawa ya fihaka fyawe ni fyakuyiwa fyawe.