¹ Ni nikaweni Malaika yungi wa makakala ni asalela kuhumila kunani, afwatakiwa ni lifundi, ni upindi wa fula ukayili pa mutu wakle ni kyene kyake kikayili ngati lijuwa, ni njayo syake ngati mapanda ga mwoto. ² Ni akayili ni kitabu kichoko kidinduliki pa kiwoko kyake; ni akawikiti lwayo lwake lwa kigosi bahalapala pa nyanja, nu lwayo lwake ku mangingi bahalapala pa ndima. ³ Ni akakuwiti ni njowela ngulungu, umu lihimba liwuluma; ni pala akakuwiti, mbamba saba sikalongili njwawila yawe wene. ⁴ Ni pala mbamba syakuwuluma saba sikalongili, nikayili mu kulonda kulemba; ni nikayufwinji lilowe kipitile kunani kujowa, ugakomalele aga mbamba sya kuwuluma saba sikalongili, ni usigalembe. ⁵ Ni Malaika uyu nikambweni nakayimi bahapa pa nynaja ni pa ndima akanyanyamwili kiwoko kyake kya kigosi. ⁶ Ni akalapili kwa uyu wakulama kwa miaka ni miaka, uyu akapangiti kunani ni findu ifi fiyii mumu, nu ndima ni findu ifi fiyii mumu, ni nyanja ni findu ifi fiyii mumu, kukita yaluye lepa kawili lukumbi. ⁷ koma pa magono ga njowela ya Malaika wa saba oala alonda kukuwa, bahalapala kya kuhyeta kya Mulungu kimalasika kwa wawanda wake wakulweta. ⁸ Ni njowela yila nikayufwini kipitile kunani, nikayufwini kawili kunijowela nenga, ni kujowa, Bita, uyupe kitabu kila kidinduliki pa kiwoko kya Malaika wakuyima pa nyanja ni pa ndima. ⁹ Ni nikambitile Malaika, kunjowela kukita anipele kitabu iki kichoko. ni anijowela, yupa, ukalilengani ni yakiwawise lileme lyake, koma pa ndomo pako yapaye kulyolyopela ngati uchi. ¹⁰ Ni nikachiyupiti kitabu kichoko pa kiwoko kya Malaika, ni nikalili ngani, ni pakayili kulyolyopela pa ndomo pangi ngati uchi, ni pala nikalili ngani, lilemem lyangu likawawiti. ¹¹ Ni wanijowela, usikotoka kuwalwetela misafi ni mihuku ni njowelo ni watwa wangi.