¹ Ni likapelakiki kwa nenga lidete lya kuhwanananagana ni nkongocho, nu yumonga akajowiti, wuka, ukayilinge hekalu ya Mungu, ni mathbahu, na wala wakugwili kimbo mumu.Ni ² lihegele ili liyii kunja kwa ekalu ulileke kunj ni usililinga, pakuya likapelakiki kwa wa mihiku, ni likaya lya pakape yawaliwatile pasi pa njayo miesi makumi ncheche ni yiwili. ³ Ni yanipeleke kwa walungamakiso wangu, wawili, ni yawalwete magon elfu ni mia siwili ni setini, wakufwatakiwa ni milisi. ⁴ Awa wayii mikongo ya Zeituni yiwili ni pakuwikila nyali pawili, pakuyima palongolo pa Bambo wa ndima.Ni ⁵ wona mundu alonda kuwawimisa, mwoto upita kipitile pa ndomo pawe, nikuwalila ngani wa mitumba wawe; ni wona Mundu alonda kuwawimisa yakomeke wiwila. ⁶ Awa wayii ni nchengo kya kudinda kunani, nausi yisitonya fula magono ga kulwata kwawe, ni wayii ni cheno panani pa machi kugang'anamusa gaye mwasi, ni kuutowa ndima ni utowa uyi woha, ni payi poha apa yawalonde. ⁷ Ni apa yawamalise ulungamakiso wawe, kilungukila kikwela kipitile liwumba lya kina yakikite ngondo nawo, ni yakiwahotole, ni yakiwakome. ⁸ Nu ntufi wawe yawuye bahalapala pa ndila ya likaya likulungu lila likemelile pa roho sodom, ni Egupto, apa kawili Bambo wawe akawambiki pa ⁹ msalaba.Ni wakilolalela wa pa misafi ni mitangilo na njowela ni mihuku ntufi wawe magobo gadatu ni nusu, ni wayitakile lepa mitufi yawe kuwikika mu mayinja. ¹⁰ Ni wakutamila pa ndima wahekelela pa wombe ni, wasangaluka; ni yawapelekelane mayetulo; pakukita awa wawili wakulweta wakawang'aiti wakutamila pa ndima. ¹¹ Ni panyuma pa magono gadatu ni nusu roho ya kulama kipitile pa Mulungu yikayingili pa wombe, ni wakayimi pa njayo syawe, ni woga ukulungu ukagwili pa wala wakuwalalela. ¹² Ni wakuyufwini njowela ngulungu kipitile kunani kuwajowela, muhiche kuni kunani, Ni wakakweliti kuyingalilenkunani pa lifindi, ni wa mitumba wawe wakawalolalili. ¹³ Ni pa saa yiyila kikayili kinyukunyuku kikulungu, ni lilundu lyab kakumi lya likaya lila likagwili pasi, ni wakakomiti pa kinyukunyiku wandu wene elfu saba; ni wakusigala wakayogwipi, ni wakapeliki kukwisika kwa Mulungu wa kunani. ¹⁴ Yoyo ya kawili yitutiti, lola, yoyo ua kadatu ya kadatu yihicha nyata. ¹⁵ Ni malaika ya saba akakuwiti, ni yikakisiti njowelo ngulungu kanani, kujowa wa ndima upatiti kuya utwa wa Bambo witu, ni wa Kristo wake ni yaaye mutwa kwa miaka ni miaka. ¹⁶ Ni wakulu wakulu makumi gawili ni nceche wala wa tama pasi palongolo pa Mulungu pa fitihufyawe fya kiutwa, wakagwili kupama, ni wakangwili kimbo. ¹⁷ Mulungu kujowa, tisenguse wenga Bambo Mulungu mwene mbafu syoha, uyu ayii ni uyu akayili; pakukita uyupiti mbafu yake, ngulungu, ni uya mutwa. ¹⁸ Ni mihuku yikadadisiki, ni kudada kwako kukachiti, ni lukumbi lwa wakufwa lwa kupaulika ni lwa kuwapela wawanda wako wakulweta njombe, ni wawalafu, ni wala wayogopa lihina lyake, wachoko ni wakulungu ni kuwayananga wala wauyananga ndima. ¹⁹ Ni ikadinduliki hekalu ya Mulungu iyi yiyili kunani; ni likawoniki mu hekalu yake kasha lya malagano gake, ni sikakisiti mbamba sya kumulika, ni sya kuwulama, ni njowelo, ni kinyukunyuku, ni fula ya maganga ngulungu.