¹ Ni panyuma pa ifi nikaweni wakamalaika ncheche wayima pa songo ncheche sya ndima, wakukangamasa mbepo ncheche sya ndima, nausi mbepo isipupuma bahalapala pa ndima, haka pa nyanja, haka pankongo uyi woha. ² Ni nikawni Malaika yungi ni ankwela kihumile pa kupita lijuwa, wakuya ni kyakukomelela kya Mulungu wakulama; ni akakuwiti ni njowelo ngulungu kwa wakamalaika ncheche, wala wakapelakiki kwake kuyananga ndima ni njanja. ³ Kujowa, usiyananga ndima, haka nyanja, haka mikongo, mpaka yatiwakomalele wawandu wa Mulungu pa fiwungi fyowe. ⁴ Ni nikayufwini kawalangiko ka wala wakukomeleliki, elfu mia na makumi ncheche ni ncheche, wa kukomeleleka kipitile pa ntangilo uyi yoha wa wana wa Israel. ⁵ Wa ntangilo wa yuda wakakomeleliki elfu kumi ni siwili: wa ntangilo wa Reuben elfu kumi ni siwili wa ntangilo wa God elfu kumi ni siwili. ⁶ Wa ntangilo wa Asher elfu kumi ni siwili wa ntangilo wa Naftali elfu kumi ni siwili wa ntangilo wa Manasseh elfu kumi ni siwili. ⁷ Wa ntangilo wa Simeon elfu kumi ni siwili, wa ntangilo wa Levi elfu kumi ni siwili; wa ntangilo wa Issakar elfu kumi ni siwili. ⁸ Wa ntangilo wa Zebulon elfu kumi ni siwili; wa ntangilo wa Yosefu welfu kumi ni siwili; Wa ntangilo wa Benjamin elfu kumi ni siwili. ⁹ Panyuma pa findu ifii nikaweni, ni lola lipuga likulungu ili mundu ahotola lepa kuliwalanga, kipitile pa mhuku uyi woha, ni mitangilo ni miwalafu, ni ndafi sya mawali pa mawoko gawe. ¹⁰ Ni wakuwa ni njowelo yikulungu, kujowa, uyokosi kwa Mulungu witu uyu atama pasi pa kitihu kya kiutwa, ni kwa mwana ling'osi. ¹¹ Na wakamalaika woha wakayili mu kuyima kisyungutile kihitu kila, ni wakulu-wakulu ni fyakulama ncheche; ni wakagwili palongolo pa kitihu pa fyene fyawe, ni wakangwilikimbo Mulungu. ¹² Kujowa, Amen, kihomo, ni kukwisika, nu luhala, nu kusengusa, ni liginiko, ni mbafu, ni makakala, kwa Mulungu witu pa miaka ni miaka. Amen. ¹³ Ni yumonga wa wakuluwakulu akahigiti, kunijowela, awa wifwatakika mingila, wayii wa nani, ni wakuhuma kuu? ¹⁴ Ni ninjowela Bambo wangu, umanya ni akanijowili, Awa wawa wahicha kipitile pa mahumbuso makulungu, ni wakuguywili mingila yawe, ni wakayikiti miwalafu pa mwasi wa mwana ling'osi. ¹⁵ Kwa ndawa iyi wayii palongolo pa kihitu kya kiutwa kya Mulungu; ni wantumakila musi ni kilo pa hekalu lyake; ni uyu wakutama pa kitihu kila yawagubakile ni hema yake. ¹⁶ Yawawone lepa njala kawili, haka nywita, ni hekalijuwa nakupyupa pa wombe, ni haka pakuwawulika payi poha: ¹⁷ Ndawa mwana lingo'si uyu ayii pagati pa kihitu yawadime, ni yawagendese bahalapala pakulapuka machi ga kulama, nu Mulungu yasungule lisoli liyii lyoha kuwuka pa miho gawe.