¹ Nikaweni kiwoko kya kigosi kya uyu wakutama pasi pa kitihu kya kiutwa kitabu kyakulembeka kugati ni kunyuma, kyakukomalika ni fiwalalilo saba. ² Ni niakwni malaika wa makakala ayii mu kuwandisa ni njowelo ngulungu, Nani wakulinganila kikudindula kitabu, ni kufiwa pala fila fikakomalilo/ ³ Ni pawoko mundu akahotwili haka kunani, haka muni mu ndima, kukidindula kitabu haka kukilolalela. ⁴ Nu nenga nikahulwisi masoli muni, pakukita pa waka mundu akakolaliki wakulinganila kukidindula kitabu, haka kukilolalela mumu. ⁵ Nu yumonga wa wakulu-wakulu anijowela usihulusa masoli, lola lihimba kipitile pa ntangilo wa Yuda, nenda wa Daudi akahotwili kukidindula kitabu mi fyakulama fyake saba. ⁶ Ni nikaweni pagati pa kitihu ni pa fyakulama ncheche, ni pagati pa wakulu-wakulu, mwana lingosi wakwiyimika, ngati wakukomeka wakuya na manyelo saba, ni miho saba, aga gayii Roho saba sya Mulungu, sipelakiki kiyingalile pa ndima woha. ⁷ Ni akachiti, ni akayupiti pa kiwoko kya kigosi kya uyu wakutama pasi pa kitabu kya kiutwa. ⁸ Ni pala akakiyuiti kitabu, fyakulama ncheche wakulu wakulu makumi gawili ni ncheche wakagwili palongolo pa mwana ling'osi, ayi yoha wakuya nu mhawaa, ni nikayi kya zahabu kyakumema ni Luban, sila siyii sala sya wawalafu. ⁹ Ni wayimba nyimbo ya hino, kujowa, uyi wakulinganila kukiyupa kitabu, ni kufidindula fyakukomalela fyake pakukita ukakomiki, ni ukamhemalili Mulungu nu mwasi wako kuchapula pa ntagilo uyi woha wa wandu, nu lumilo nu mhuku. ¹⁰ Ni uwakawakiti wombe kwa Mulungu witu utwa ni makasisi ni yawaye watwa bahalapala pa ndima. ¹¹ Ni nikaweni, ni nikayufwini njowelo ya wakamalaika wingi kisyungutile pa kitihu ni fyakulama ni wakulu; ni mawalangiko gawe gakayili maelfu kumi Marra maelfu kumi ni maelfu ga maelfu. ¹² Kujowa ni njowelo ngulungu, wakulinganila mwana ling'osi uyu akakomiki kwiyupa mbafu, ni fyuma, nuluhala, ni makakala, ni liginiko, ni kukwisika ni kihomo. ¹³ Ni nikapangko kayi koha aka kayii kunani, na pa ndima na pasi pa ndima, na ifi fiyii pa nyanja, ni fyoha fiyii mumu: nikayufwini ni fijowa, kwa uyu wakutama pasi pa kitihu kya kuitwa, ni kwa mwana ling'osi kihomo, ni liginiko, ni kukwisika ni chango kuye kwa miaka ni miaka. ¹⁴ Ni fyakulama ncheche fikajowiti, Amen, Ni wakuluwakulu makumi gawili ni ncheche wakagwili pasi ni kugwila kimbo.