¹ panyuma pa findu ifi nikaloliti, ni lola, ndyango udinduliki kunani, ni njowelo yakutumbula iyi nikayufwini, ngati ya mbata yakulongela nu nenga, kujowa, kwela kunini yanikulase findu ifi yafiye panyuma. ² Hino apa nikayili mwa Roho, ni lola, kitihu kya kiutwa kya kiutwa kiwikiki kunani, ni yumonga wakutama pasi pa kitihu kila. ³ Ni uyu wakutama pasi ahwanangini pa kuwoneka ni lianga lya yasper ni Sardio: nu luwingi lwakasyungutiti kitihu kila lwakuhwanangana pakuwonekani liganga Zumaridi. ⁴ Ni kisyungutile pa kitihu kila fitihu fya kiutwa makumi gawili ni ncheche: ni pa fitihu wakuluwawakulu makumi gawili ni ncheche wakutama pasi; wakufwatakiwa ni mingila miwalafu, ni pa mitu yawe fikupiku fya Zahabu. ⁵ Ni kipitite pa kitihu kila mbamba ni njwawila ni sy kuwulama. Ni nyali saba sya mwoto kiyakile palongolo pa kitihu kya kuitwa, sila siyii Roho saba sya Mulungu. ⁶ Ni palongolo pa kitihu kila ngati nyanja ya lilolela yakahwanangana ni Krustallo; ni pagati pa kitihu ni kusyungutisa kitihu, fyakulama ncheche kimemile miho kulongolo ni kunyuma. ⁷ Ni kya kulama kyakutumbula kikayili ngati lihimba ni kya kawili ngati mundu, ni kya ncheche kikayili ngati kapungu hukuwuluka. ⁸ Ni fyakulama ncheche, pakuya kimonga ni mapapatilo sita, ni kimemile ni miho kisyungutile ni kugati, ni fipumulila lepa musi ni kilp, kujowa mbalafu, mbalafu, mbalafu, Bambo Mulungu, mwene mbafu syoha, uyu akayili ni ayii ni ayii mu kuhicha. ⁹ Ni pala fyakula yafipeleke kwa uyu wakutama pasi pa kitihu kya kiutwa, kwa uyu wakulama kwa miaka ni miaka, kukwisika ni liginiko ni kusengusa. ¹⁰ Wakuluwakulu wala makumi gawili ni ncheche yawagwe pasinpalongolo pa uyu wakutama pa kitihu, ni yawangwile-kimbo uyu alama kwa miaka ni miaka, ni ya watumilele fikupiku fyawe palongolo pa kitihu, kila kujowa. ¹¹ Wakulnganila uyii, Bambo witu nu Mulungu witu kuyupa kukwisikani liginiko ni mbafu; pakukita ukafipangiti fyoha, ni kwa ndawa ya kilondo kyako fikayii baho, fikapangiki.