¹ Ni nikaweni kunani kwa hino nu ndima wa hino pakuya kunani kwa kutumbula kutumbula kulutiti ni yiyilepe kawili nyanja. ² Ni nikaweni likaya liwalafu Yerusalem wa hino, Lisesela kipitite kunani kuhumila pa Mulungu, lifwatakiwi ngati ndala wa nduusi wakwiwikulu ngani kwa ngwana mundu. ³ Ni nikayufwini njowelo ngulungu kipitile pa kitihu kya kiutwa, kujowa, lola hema ya Mulungu yiyii pamonga na wandu, na yahwele nawo, na yawaye misafi yake, nu Mulungu mwene yaaye pamonga nuwombe, Mlungu wawe; ⁴ Ni yasungulile ngani lisoli liyin lyoha pa miho gawe; ni kifwa yakiye lepa kawili haka muni malilo, haka njwawila ya kulia, haka kuwina payilepe kawili, findu fya kutumbula filutilingana. ⁵ Ni akajowiti uyu atama pa kitihu, lola nikita fyoha kuya fya hino. Ni akajowiti ulembe pakuya malowe aga gayii yakukeleka niga chakaka. ⁶ Ni akajowiti kwa nenga, Gapatiti kuya,, Nenga Alpha ni Omega, wakutumbula ni wakumalakisa, nenga yanipeleke kwa uyu wakuwona nywita kipitile pakulapukila machi ga kulama ga waka. ⁷ Uyu wakuhotola yayingile pa findu ifi lipwela ni yaniye M,ulungu wake, nuyombe yaaye mwanangu. ⁸ Leka kwa wakuyogopa, ni wangakela, ni wa usokosi ni wakuwakoma wandu, ni wa fiyaka, ni wahawi, ni wakugwilakimbo fifwilifwili, ni wamageya woha lilundu lyawe liyii pa liliwa lila lya kutinyisika nu mwoto ni kiberiti: kiki kifwa kya kawili. ⁹ Nakachiti yumonga wa wakamalaika saba wala wakayili ni fisayi saba fila fikamemitiu ni mitowo saba ya kumalakila: ni akalongili nu nenga, kujowa, yicha kuni, yanikulase ndala wa ndause, mhanunundu wa Mwana lingosi. ¹⁰ Ni akanitoliti mwa ku kidunda kikulungu ni kilacho, ni akanilisiti likaya liwalafu, Yersalem, siselela kipitile kunani kihumie pa Mlungu. ¹¹ Lyakuya ni kukwisika kwake Mulungu; lulangalila lwake lukayili mgati liganga lya uhemesi muni, ngati liganga lya yasper, lya kuwalala ngati Krustalo. ¹² Lyakuya ni luwumba lukulungu nu lwakugenda munani; lyakuya ni milyango kumi ni yiwili, ni pa milyango wakamailka kumi ni wawili, ni yiwili, ni mahina galembiki mumu, gaga mahina ga mitangilo kumi ni yiwili ya wana wa Israel: ku mpungu milyango yidatu. ¹³ Ni ku kulinga milyango yidatu, ni ku nkachi milyango yidatu; ni ku chombe milyango yidatu. ¹⁴ Nu luwumba lwa likaya lukayili ni fyakuwikila pasi kumi ni fiwili ni pa ifi mahina kumi na gawili ga maapostolo kumi na mawili wa Mwana ling'osi. ¹⁵ Ni wakulongela nu nenga akayili nu ndingo wa lidete lya Zahabu nausi alingile likaya ni milyango yake nu luwumba lwake. ¹⁶ Ni likaya liyii lya lugelo, Mihana ncheche, ni utali wake kimongamonga ni kitando kyake kawili, ni akalingiti likaya ni lidete lila stadia elfu kumi ni siwili, mkitali mwake ni mkitando mwake ni mukagenda munani mwake kimongamonga. ¹⁷ Na akalilingiti luwumba lwake, mikono mia ni makumi ncheche ni ncheche, kwa ndingo wa kimundu, uwu wa malaika. ¹⁸ Na kajengeko ka luwumba kakaili yasper; ni likaya likayili zahabu yakuguyulika, ngati lilolelo lyakuguyulika. ¹⁹ Fyakuwikika pasi kya luwumba lwa liyaka fipambwilio ni liganga lya uhemesi: liyi lyoha. kyakutumbula likayili yasper kyakawili sapfiro, kyakadatu, kalkedonia: kya ncheche Smaragdo. ²⁰ Kya kahano, Sardonuko; kya sita, Sardio, kya saba, krusolitho; kya nane, berulo; kya kenda, topazo, kya kikumi, krusopraso; kya kumi ni kamonga yakintho, kya kumi na kawili amethusto. ²¹ Leka milyango kumi na yiwili yikayili lulu kumi ni siwili; leka ndyango uyi yoha pa wakape ukayili wa lulu yimonga; ni ndila ya likaya yika yili zaabu yakugugulika, ngati lilolelo lyakuguyulika. ²² Ni nikaweni lepa hekalu mumu: pakuya Bambo Mulungu mwene mbafu syoha, ni mwana lingosi wayili hekalu mumu. ²³ Leka mihuku yayigendegende pa lulangalila lwake: ni watwa wa ndima watuwaula kukwisika kwake kiyingalile mumu. ²⁴ Na matanga gake yagadindike lepa musi (pakuya yakiye lepa kilo baho). ²⁵ Nile yawatuwula kukwisika ni liginiko lya mihuku kiyingalile mumu. ²⁶ Ni yawatuwule kukwisika ni liginiko lya mihuku kiyingalile mumu. ²⁷ Leka yakiyingile lepa mumu kindu kiyi kyoha kya waka, haka uyu wakukita upulipuli pangi magaye: lema wala wakape walembiki pa kitabu kya kulama kya mwana lingosi.