¹ Ni nikaweni Malaika aselela kipitile kunani, ayii ni funguo ya chini kila, nyololo ukulungu pa kiwoko kyake. ² Ni akakamwili liyoka likulungu lila lwa mwandi; liyii Diabolo ni shetani, ni akankungiti kwa miaka elfu. ³ Ni akandekili kiyingalile mu china, ni akadinditi,, ni akakikomalili panani pa yombe, nausi asikonga kawili mihuku, mpaka miaka elfu yayimalakile ngani; mihuku, mapaka miaka elfu yayimalakile ngani panyuma pa iyi yaawopoleke kwa lukumbi luchoko. ⁴ Ni nikakaweni fitihu fya kiutwa, kiutwa na wala wakutama pa ifi, ni lipaulo likapelekiki kwake; ni nikaweni mawumi ga wala wakaduliki mitu kwa ndawa ya ulungamakiso wa Yesu, ni kwa ndawa ya lilowe lya Mulungu, na wala wakagwili-kimbo kilungu lepa, haka kifwilifwili kayeke, ni wakayupiti lepa kihwanakiso pa kiwungi kyawe haka pa kiwako kyawe; ni wakalamiti ni wakayili ni utwa pamonga nu Kristo miaka elfu. ⁵ Wakusigala wa wakufwa wakalamiti lepa mpaka miaka elfu yayimalakile ngani uku kusyuka kwa kutumbula. . ⁶ Wakasigala ni wangali wafu uyu ayii ni lilundu pa kusyuka kwa kutumbula: pa wa kufwa kwa kawili nakuya ni chengo: koma yawaye maksisi wa Mulungu ni wa Kristo, ni yawaye watwa nuyombe miaka elfu. ⁷ Ni pala miaka elfu yayimalakile ngani, shetani yawopoleke kipitile kukungika kwake. ⁸ Ni yapite kuwasowesa mihuku iyi yiyii pa songo ncheche sya ndima, Gog ni magog, kuwawunganisa pamonga kwa ndongo; wala kawalangiko kawe kayii ngati muchanga wa pa nyanja. ⁹ Ni wakakweiliti panani pa kitando kya ndima ni wakasyungutisi masakasa ga wawalafu, ni likaya lila lyakugaanika; nu mwoto ukaselili kunani ni ukawalilili ngani. ¹⁰ Ni diabolo wakuwasoweso akalekeliki mu liliwa lya mwoto ni lya kiberiti, bahalapala kilugu kila ni wakulweta wa mageya yula kawili ni yawangahike musi ni kilo kwa miaka ni miaka. ¹¹ Ni nikaweni kitihu kikulungu kya kiutwa, ni uyu wakutama pa kila uyu pa kyene kyake ndima ni kunani kukakimbili, ni pandu pa fila pakakoliki lepa. ¹² Ni nikaweni wakufwa, wakulungu ni wachoko, wayomiti pa kyene pa kitihu kya kiutwa ni fuitabu fikadinduliki, ni kitabu kingi kikadinduliki iki kiyii kya kulama; ni wakufwa wakupauliki kipitite pa ifi filembiki pa fitabu, kwa ndingo wa makitiko gawe. ¹³ Ni nyanja yikawapeliki wakufwa wala wakayili mugati mwake; ni kifwa ni pandu pa mahoko pakapelike wakufwa wala wakayili mugati mwawe ni ¹⁴ wakapauliki ayi yoha kwa ndin go wa makitiko mwawe. Ni kifwa ni pandu pa mahoko pakalekaliki mu liliwa lya mwoto, iki kiyii kifwa kya kawili, liliwa lya mwoto. ¹⁵ Ni mundu wona akaloliki lepa wakulembeka pa kitabu kya kulama akalekaliki mu liliwa lya mwoto.