¹ Panyuma pa findu ifi nayufwini lilowe ngati njowelo ngulungu ya lipuga lingi kunani, kujowa Hallwluya uyokosi, nu kukwisika, nu mbafu, kuyii kwake mulungu witu pakukita ga chakaka ni ga kugoloka mpaulo gake. ² Pakuya akampawili wa kiyaka yula nkulungu, uyu nayombe akayaningi ndima pa fiyaka fyake, ni akalipisili mwasi wa wawanda wake pa kiwoko kyake. ³ Ni pakawili wajowa, Halleluya. Ni lyosi lyake kikwela kikwelile pa miaka ni miaka. ⁴ Ni wakuluwakulu makuni gawili nu ncheche, ni fyakulama ncheche fikagwili pasi ni kungwila kimbo lungu uyu atama pasi pa kitihu kya kiutwa, kujowa,Amen. ⁵ Ni njowelo kihumile pa kituli kila kujowa, Mundu umbaye Mulungu, mwenga wawacha wake mwawoha, mwenga wakunjogopa, wachoko ni wakulungu. ⁶ Ni nayufwini ngati njowelo ya lipuga lingi, ni ngati njowelo ya machi mingi, ni ngati njowelo ya mbamba ya kuwuhuma sya makakala, kujowa, Halleluya, pakuya Bambo Mulungu witu mwene mbafu syoha, ayii mutwa. ⁷ Ni tihekelele ni kuyangala, ni kumpelekela lilwisika; pakuya ndusi ya mwana lingosi yifiki, mu mhano mundu ayii tayari. ⁸ Ni kukapeliki kwa yombe kukita ayifwike nguo ya kutipila. yakung'ala ni yakuyulika: pakuya nguo yakutipitala yiyii makitiko magoilofu ga wawalafu. ⁹ Ni anjowela, ulembe wakusengwa wala wakemaliki kuyingila pa kyakulya kya kuyonela kya mwana lingosi. ni anijowela, aga malowe ga chakaka a Mulungu. ¹⁰ Ni nikagwili palongolo pa magulu gake kugwila kimbo. Ni anjowela lola, utoke mbanda njinu `nenga ni wa walongowo awa wayii ni ulungamakiso wa Yesu: ungwilekimbo Mulungu; pakuya ulungamakiso wa Yesu uyii roho ya kulweta. ¹¹ Ni nikaweni kunani kudinduliki, lola, farasi, mbalafu ni wakutama pa yombe wakukemaleka, wakukeleka ni wa chakaka, ni pa ugolofu apawula ni akita ngondo. ¹² Leka miho gak gayii lilamba lya mwoto, ni pa mulungu wake fikupiku fya utwa fingi, ni ayii ni lihina lilembiki, ili pa waka mundu alimanya ni akita ngondo. ¹³ Ni afwatakiwi ni kifwato kilapuliki nu mwasi, ni likemeleke lihina lyake lilowe lya Mulungu. ¹⁴ Ni mabanja ga ngondo ga kunani gakankisiti pa mafarasi mawalafu, wafwatakiwi nguo yakutipitala, yiwalafu ni yiyuyuliki. ¹⁵ Leka kipitile pa ndomo pake upita upanga wakutema, nausi na wula yatowela mihuku: nuyombe yawadime nu ndonga ya kyma; ni aliwatatila pakuminyila pa mvinyo pa makeko ga kudada kwake Mulungu mwene mbafu syoha. ¹⁶ Ni ayii ni lihina lilelimbiki pa mwingila ni pa safu yake, MUTWA WA MUTWA, NU BAMBO WA MABAMBO. ¹⁷ Ni nikambweni malaika nakayimiti mugati mwa lijuwa, ni akakuwiti ni njowelo ngulungu, kugajowela madege yoha gakuwuluka pagati pa nyingalila, muhichaye mukokanaseke kuyingila pa kyakulya kya kugonela kya Mulungu. ¹⁸ Nausi mulye nyama sya watwa, ni nyama sya makapitao, ni nyama sya wene makakala, ni nyama sya mafarasi ni sya wala wakutama pa gombe, ni nyama sya wandu woha sya wakambo ni wawanda, sya wachoko na wakulungu. ¹⁹ Leka nikakiweni kulugu kila, ni watwa wa ndima, na mbanja ga ngondo gawe, gakokana na siki pamonga ni libanja lyake lya ngondo. ²⁰ Ni kulugu kila kikamuliki, pamonga nuyombewakulweta wa mageya uyu akafikiti fiwalalilo pa kyene kyake, ni ifi akawasowiti awa wayupit kihwanakiso kya kilungu na wala wakugwilakimbo kifwilifwili kyake; woha wawili kilamile wakatagiki kiyingalile mu liliwa lya mwoto ili litinyika ni kiberiti. ²¹ Leka wakusigala wakakomili nu upanga wa uyu wakutama pa farasi, upanga wala wakupita kipitile pa ndomo pake;m na madege goha gatupili kililile nyama yawe.