¹ Panyuma pa ifi nikaweni malaika yungi aselela kupitile kunani, ayii ni chengo kikulungu, nu ndima ukamulikiki nu kukwisika kwake. ² Ni akakuwiti ni njowelo ngulungu kujowa, ukagwili ukagwili Babel ukulungu, ni upatiti kuya pandu pa madaimon ni pa roho iyii yoha ya wafu, ni pa kidege kiyi kyoha wafu ni kya kuwipilika. ³ Pakukita mihuku yoha yigwili kinywelile pa mvinyo wa makeko ga fiyaka fyake; ni watwa wa ndima wakiti fiyaka nuyombe, ni wa makau wa ndima wapateye kuyuma pa mbafu ya upulipuli wake. ⁴ Ni nikayufwini njowela yingii kipitite kunani, kujowa mupitaye pa yombe, nsafi wanfgu, nausi musihasagana ni sambi syake, musiyupa pa mitowo yake. ⁵ Pakuya sambi syake sikamamatilini mpaka kunani, nu Mulungu akumbukili upulipuli wake. ⁶ Munkilawusile umu akakilawusili, ni kumpindilla mapindo ga mahengo gake kawili, pa ntimbo uwuakatimbilikini, mutimbilikane Marra mbili. ⁷ Umu mwoha akikwesiti, ni akikekiti, mumu mumpele mang'ahiko ni malalilo,; pakuya pa mwoyo wake ajowa kukita, nitemi mutwa ndala, nakuya namfwili ni yaniwone lepe malilo haka pachokope. ⁸ Kwa ndawa mitowo yake yayihiche ligono limonga, kifwa, ni malilo, ni njala, ni yatinyisike nu mwoto nyamhope; pakuya Bambo Mulungu wakumpealila wa makakala ayii. ⁹ Ni watwa wa ndima, wala wakakiti fiyaka ni kwimeka nuyombe, yawahulise masoli ni kwipumunda pa mwoyo panani pa yombe, apa yawalolelyosi lya kunyanyika kwake nu mwoto. ¹⁰ Kuyima patali ndawa ya kuyogopa man'aliko gake, kujowa, yuyuu, yuyuu likaya likulungu, Babeli, likaya lya makakala! pakukita pa saa yimonga lipaulo lyako chiliti. ¹¹ Ni wa makau ga ndima waselesa masoli ni kuya mu malilo panani pake, pakuya pawaka mundu ahemela kawili mpako wawe. ¹² Mpaka wa Zahabu, ni wa ndala,a ni wa maganga ga uhemesi ni wa lulu, ni wa litonji lyakutipitale, ni wa pofulo, ni wa hariri, ni wa fikelE: nu nkongo uyi woha wa Thuino, ni kiwaga kiyii kyoha kya nkongo, wene uhemesi, ni kya ngenge, ni kya kyuma, ni kya maganga ga Marimari. ¹³ Kinamoni, ni amomo ni lubani, ni mafuta, ni uvumba ni mvinyo: ni muro ni usembe, ni ngano, ni ngombe ni mambelele: ni mpako wa mafarasi ni magareta ni wawanda: nimawumi ga wandu. ¹⁴ Fipambiko ifi wumi wako ukafinyonwili filutiti ni fya kunyongolela fyoha ni fya kunganyima fitagiki kihumile pa wenga, na wandu ya wafikolele lepa kawili. ¹⁵ Wa makau waifi, wala wapateye kuyuma kihumile pa wombe, yawayime patali ndawa ya kuyogoopa mangaliko gake kuselela masoli ni kuya mu malilo. ¹⁶ Kujowa yuyuu, yuyuu likaya likulungu, ili likafwatakiwa ni litonji lyakutipitala, ni pofulo ni likele pamonga ni zahabu ni maganga ga uhemesi lulu. ¹⁷ Pakuya pa saa yimonga kya kuyuma kya ntundu uwukikitiki kya waka. Ni ayi yoha wakukamula sigilo, ni ayi yoha wakubita ni tanga pandu payi poha, ni wa desk, ni woha wala wayichengela nyanja, wakayimi patali. ¹⁸ Ni wakakuwiti pakulola lyosi lila lyakukitika mwoto kwake kujowa, nani wakuhwanangana ni likaya ili likulungu? ¹⁹ Ni wakalekili lifumbi a mitu yawe ni wakakuwiti, kuselesa musoli ni kuya mu malilo, kujowa yuyuu, yuyuu, likaya likulungu: pa lila wakapatiti kuyuma woha wala wakuya ni nmagalawa pa nyanja. kipitile pa uhemesi wake ukulungu? pakuya pa saa yimonga likakitiki lya waka. ²⁰ Sangaluka pa yombe, wena kunani na wawalafu ni maapostolo, ni wakulweta: pakuya Mlungu apawili lipaulo linu po yoombe. ²¹ Ni makakala akatuwili liganga ngati lliganga lya lwala lukungu, ni akalile kili kiyingalile nu nyanja, kujowa, wiwiwla ni mhindo Babel, likaya likulungu, yaulekeleke pasi nakuhotola kukolaleka kawili. ²² Ni njowel sya wene lipango, ni sa wene kitulilo, ni sya wene mhawala, ni sya wene mbata nakuyufwanika kawili pa wenga; ni haka fundi wa lihengo wa ufundi uyi woha nakukolaleka kawili pa wenga; ni njowela ya nyalulilo na kuyufwanika kawili pa we nga. ²³ Nu lulangalila lwa nyali nakuwoneka kawili pa wenga: ni njowela ya nkohani chengo ni ya ndala wa nduusi nakuyufwanika kawili pa wenga pakuya wa makau wako wakayili wakulungu wa ndima: pakukita pa uahawi wako misafi yoha wakasowasiki. ²⁴ Ni pa yombe ukakolaliki mwasi wa wakulweta ni wa wawalafu, ni wa woha wakakmiti pa ndima.