¹ Ni akahichiti yumonga wa wakamalaika saba wala wakayili ni fisayi saba, ni akalongili nu nenga, kujowa , yicha kuni yanikulase lipaulo lya wa fiyaka yula nkulungu, uyu atama pa machi mingi. ² Uyu watwa wa ndima wakakiti fiyaka pamonga nako, na wala wakuhwela pa ndima wakagalasiki kinywelile mvinyi wa fiyaka fyake. ³ Ni akachiti pa roho mapaka pa lipululu; ni nikambweni ndala wakutama pa kilugu kikele, wakumeme mahina ga blasfemia wakuya ni mitu saba ni manyele kumi. ⁴ Nu ndala akayili wakufwatakiwa ni pofulo ni kilele pamonga ni Zahabu ni maganga ga uhemesi ni lulu, wakuya ni ntimbio wa Zahabu pa kiwoko kyake kimemasile fya watu ni kya usokosi fya fiyakka fyake. ⁵ Ni pa kiwunfi lihina lilembiki, kya kuhyetu BABEL UKULUNGU NYONGO WA WAFIKAYA NI WA FYA USOKOSI FYA NDIMA. Ni nikambweni ndala wakugala ni mwasi wa wawalafu, ni mwasi wa walungamakiso wa Yesu. ⁶ Ni apa nikambweni, nikakangichi ni kukangacha kukulungu. Ni Malaika akajowiti kwa nenga kwa kiki ukalangichi? nenga yanikutawile kya kuhyetu kya ndala uyu, ni kya kilungu kila kintwike yombe kyakuya ni mitu saba ni manyelo kumi. ⁷ Ni Malaika akajowiti kwa nenga kwa kiki ukakangichi? nenga yanikutawile kya kuhyetu kya ndala uyu, ni kya kilugu kila kintwika yombe kyakuya ni mitu saba ni manyelo kumi. ⁸ Kilungu kila ukakiweni kikayili, ni kiyilepe; ni kiyii papipi kukwela kipitile pa china, ni kubita kiyingalile pa kutagika. Na wala wakuhwela pa ndima yawakaganche, wala lihina lyawe nakulemebeka pa kitabu kya kulama kitumbulile pakuwikika ndima, pala wakiwaona kilungu, kukita kikayili baho, ni kiyilepe. ni yakiye panyuma. ⁹ Apa yayii maholo gakuya nu luhala; mitu yila saba yayii fidunda saba, pala ndala yula atama. ¹⁰ Na watwa saba wayii, mhano wala wagwili, yumonga ayii baho, yungi akona nakuhicha: ni apa yaiche nakuleka kuhwela yombe pachokope. ¹¹ Ni kilugu kila kikayili ni kiyilepe, kyene kyake kawili kiyii kya nane, ni kiyii kya saba wala: ni kibita kiyingalile pa kutagika. ¹² Ni manyelo gala kumi, aga ukagaweni gayii watwa kumi, wala nawombe wakona nakuyupa utwa; koma wayupa chengo kya watwa kwa saa yimonga, pamonga ni kilugu kila. ¹³ Awa wayii ni maholo gamonga ni wapeleka kwa kilungu mbafu syawe ni chengo kyawe. ¹⁴ Awa yawakite ngondo ni mwana lingosi ni, Mwana Lingosi yawahotole, pakuya Bambo wa mabambo, ni mutwa wa watwa, nuwombe kawili wayili pamonga. nuyombe wakukemeleka ni wakuhagulika ni wakukeleka. ¹⁵ Ni anijowela, machi aga ukagaweni, pala wa fiyaka atama, gayii misafi ni mapuga ni mihuku ni njowelo. ¹⁶ Ni manyelo kumi gala ukagweni ni kulugu yawambipile wafiyaka yula, ni yawankite wangali wandu ni ukengele, ni yawalye nyama yake, ni yawanyinyise nu mwoto. ¹⁷ Pakuya Mlungu akapeliki mu mioyo yawe kukita maholo gake, ni kufika mpaka pa maholo gamonga, ni kupeleka utwa wawe kwa kilugu, mpaka malowe ga Mulungu yagamalakasika. ¹⁸ Nu ndala uyu umbweni ayii likaya likulungu, ili liyii ni utwa panani pa watwa wa ndima.