¹ Ni akanilisi nkula wa machi ga kulama, wakung'ala ngati Krustalo, kipitile pa litihu kya kiyutwa kya Mulungu ni pa mwana lingosi pagati pa ndila yake mumu. ² Ni pa muhana umonga wa nkuka ni pa muhana wungi, nkongo wakulama wakupambika fipambiko fyake mwesi uyi woha: na mahamba ga nkongo wula gakayili kwa kuponesa mihuku. ³ Ni yakiye lepa kawili baho kyakulapalasika; ni kitihu kaya kiutwa kya Mulungu, ni kya mwana lingosi yakiye mumu: na wawanda mundu yawantumakile. ⁴ Na yawakiwone kyene kyake; ni lihina lyake yaliye pa fiwungi fyawe. ⁵ Ni kilo yakiye lepe kawili, ni walonda lepa kulangila kwa nyali, haka lwa lijuwa:pakuya Bambo Mulungu yamulike pa wombe; ni yawaye watwa kwa miaka ni miaka. ⁶ Ni akajowiti kwa nenga malowe agi gayii gakukeleka ni ga chakaka : nu Bambo Mulungu wa roho sya wakulweta akampeliki malaika wake awalase wawanda mundu ifi yafikitike nyata. ⁷ Na lola, nihicha nyata, wakusengwa wakuwkugagoha malowe gakulweta ga kitabu iki. ⁸ Nu nenga Yohana ni niyii wakufiyufwana ni wakufilola ifi: Na pala nikayufwini ni kulol, nikagwili pasi ni kugwalakimbo pa magulu ga ,alaika uyu akanilasiti ifi. ⁹ Nakajowiti kwa nenga, ulole kukita usikita wiwi; niyii mbanda njinu nu wenga nu ndongowo wakulweta, ni wala wagagoha malowe ga kiotabu iki ungwilekimbo Mulungu. ¹⁰ Ni akanijowili, usikomelela malowe ga kulweta ga kitabu iki, pakuya lukumbi luyii papipi. ¹¹ Uyu nakugoloka aye wangagoloka mpka hino, ni uyu wa wafu, akitike kiyilile wawafu: ni uyu wakugoloka, akite kiyilile wawafu ni uyu wakugoloka akite fya ugolofu mpaka hino: nu uyu ayii mbalafu akitike mbalafu. ¹² Lola, niyicha ngata: ni njombe yangu yiyii pa monga nu nenga, kunkawusila mundu ayiyoha kwa ndingo wa makitiko gake. ¹³ Nenga niyii Alpha ni Omega wa palongolo ni wa panyuma, wakutumbula ni wakumalaika. ¹⁴ Wakusengwa wala wakuchaopa mingila yawe, nausi walinganile wa nkongo wakulama, ni wayingile pa milyango ya likaya. ¹⁵ Kunja mabwa, ni wahawi, ni wa fiyaka ni wakuyananga, ni wakugwila kimbo fifwilifuwili, ni ayi yoha uyu agona ni akita magaya. ¹⁶ Nenga Yesu nikatumiti malaika wangu awalase mwenga ulangamakiso wa findu ifi kwa makabisa. Nenga niyii ndela ni kihogosi kya Daudi lutondo, lwakungala lwa lukela. ¹⁷ Ni Roho ni mhanunundu wa nduusi wajowa yicha. nuyombe wakuyufwana ajowaye, Yicha nu uyu ayii ni nywita, ayiche; uyu alonda, ayupe machi ga kulama ga waka. ¹⁸ Nenga nindasa ulungamakiso ayi yoha wakugayufwana malowe ga kulweta ga kitabu iki. wona mundu ayi yoha yalekele ndemuko pa ifi yalekele mulungu ndemuko pa yombe mitowo iyi yilembiki pa kitabu iki. ¹⁹ Ni wona mundu ayi yoha yawuse pa malowe ga kitabu kya kulweta uku, Mulungu yawuse lilundu lyake kuhuma pa nkongo wakulama ni pa likaya liwalafu, filembiki pa kitabu iki. ²⁰ Ajowa wakulasa ulungamakiso wa ifi, Ena: niyicha nyata. ²¹ Amen, Yichaye, Bambo Yesu. Neema ya Bambo Yesu yiye pamonga na wowalafu Amen.