¹ Kwa Malaika wa pa kanisa lya pa Efeso uembe; aga ajowa uyu asikamula ndondo saba pa kiwoko kyake kya kigosi uyu agendagenda pagati pakuwikila nyali saba sya zahabu. ² Nigamanya makitiko gako, ni kutondesa kwako nu luyu malakiso lwako, nu kukita uhotiola lepa kuwatuwulila wawalifu, ni kukita ukawagesiti wala wakuwijowa kukita wayii maapostolo, leka wayilelepe, ni ukawakolili wa mageya. ³ Ni uyii ni luyumlakiso ni ukawatuwulili ndawa ya lihina lyangu, ni ukatonditi lepa. ⁴ Koma niyii ni kindu iki kukupindika, kukita ukalekiti kigagnano kyako kyakutumbula. ⁵ Mumu ukumbukile uku ukagwili kuku, ni upele ni ugakite makitiko gakutumbula; pembee yanikuchile ni yanipawuse pakuwilila nyali pako pandu pake, wona ulema kupela. ⁶ Koma iki uyii nakyo, kukita ugawipiala, makitiko ga wana wa nikolau, aga kawili manenga nigawipila. ⁷ Uyu ayii ni likutu, ayufwe iki Roho agajowela makanisa uyu alotola yanimpele kulya baho fya nkongo wa kulama, uwu uyii pa paradiso lya Mulungu. ⁸ Ni kwa Malaika `wa kanissa lya pa Smurna ulembe, Aga ajowa wakutumbula ni wakumalakila, uyu akayili wakufwa, ni akalamiti kawli. ⁹ Nimanya mahumbuso gako ni ugaju wako (Koma uyiii nkafi) ni blasfemia kipitite pa wala wakujowa kukita wayii wa Yehudoi, na wayilepe, koma sunagoge wa shetani wayii. ¹⁰ Usifiyogopa fila uyii papipi kuyufwana mahumbuso nafyo; lola, diabolo alonda kulekela wangi wa mwenga, pa kukungika, nausi mugeseke, ni yumuye ni mahumbusa magono kumi. uye wakekeleka mpaka kufwa, ni yanikupelekukipiku kya kulama. ¹¹ Uyu ayii ni likutu, ayufwe iki Roho agajowela makanisa. uyu ahotola nakuwinisika nu kufwa kula kwa kawili. ¹² Ni kwa Malaika wa kanisa lya pa pergamo ulmbe Aga ajowa uyu ayii nu upanga wene wawugi gakatema gawili. ¹³ Ni manya uku, uku kya utwa wa shatani kiyii, ni ukangamakisa lihina lyangu, ni hukakaniti lepa kiyitakiso kyangu, haka pa magono ga Antipas ndungumakiso wangu, wakukeleka wangu, uyu akakomiki kwinu, uku shetani ahwela. ¹⁴ Koma niyii ni findu fyakuwalangika kukupindika, pakuya uyii nawo, bahapa wangi awa wakamula nayingaliso ga Balaam, uyu akambuliti Balak akelele kya kukuwalisa palongolo pa wana wa Israel. wlye findu ifi fyakudumulika nyambiko kwa fifwilifwili ni kukita fiyaka. ¹⁵ Wiwila nu mwenga kawili uyii nawo wangi nyata, ni yanikite ngondo nuwombe nu upanga wa pa ndomo pangu. ¹⁶ Mumu upele, pembesa yanikuchile nyata, ni yanikitike ngondo nuwombe nu upanga wa pa ndomo pangu. ¹⁷ Uyu ayii likutu, ayufwe iki Roho agajowela makanisa. uyu wakuhotola yanimpele manna yakufihika, ni yanimpele liganga liwalafu, ni panani pa liganga lihina lya hino lilembiki, ili haka mundu alimanya lepa lema uyu wakuliyupa. ¹⁸ Ni kwa malaika wa kanisa lya pa Thuatira ulembe; Aga ajowa mwana wa Mulungu, uyu ayiii ni miho gake ngati lilambe lya mwoto, ni njayo syake syakuhwana ngana ni ngenge yakuguyulika. ¹⁹ Nigamanya makitiko gako, ni kiganano, ni kiyitakiso ni kutumakila ni luyumakilo, ni kukita makitiko gako gakumakila gayii mingi kulutila gakutumbula. ²⁰ Koma niyii ni kindu iki kyakupindika kukita unjitakila ndaa yula Yezebel uyu ayijowela kukita ayii wakulweta: ni awawuula ni awasowesa wawanda wangu kukita fiyaka ni kulyafindu filekaliki nyambiko kwa fifwilifwili. ²¹ Ni nikampili lukumbi nausi apele: leka alonda kupela apa kiyaka. ²² Lola nindekela yombe pakugonela, wala wakukita ukeme pamonga nuyombe pa malumbuso makullungu wona waleme kupela pa makitiko gake gala. ²³ Ni yanikome wana mundu ni kifwa; ni makanisa goha yagapate kumanya kukita nenga niyii uyu wakufiweya figo ni mioyo: ni yanimpele ayi yoha wa mwenga kwa ndingo wa makitiko ginu. ²⁴ Leka nijowela mwenga awa wakusigala wa pa Thuatira wala mwombe wayilepe ni liyigaliso ili awa wa manya lepa fya kunyoleka fya shateani. ²⁵ umu wajowela niwalekela pa mwenga nsigo uwu wakape. Leka iki muyii nakyo mukangamale nakyo mpaka pala yanihiche. ²⁶ Ni uyu wakuhotola, ni uyu wakugoha mahengo yangu mpaka pa kumalakila, yanimpele chengo panani pa mihuku. ²⁷ Ni yawadime ni ndongo ya kuyuma, umu fiwiga fya wakufiwumba fikayukila kayukila, umu nu nenga kawili niyiyupalili kwa Dadi wangu. ²⁸ Ni yanimpele lutondo lwa lukela. ²⁹ Uyu ayii ni likutu, ayufwe iki Roho agajowela makanisa.