¹ Mafunukuliko ga Yesu Kristo, aga Mulungu akampili na usi awalase wawanda wake, findu ifi yafipate kuya baho ntaya, ni pakatumisi kwa malaika `wake akandasiti mbanda wake Yohana pa fiwalalilo. ² Uyu akalasiti ulungamakiso wa malowe ga Mulungu, ni wa kufumbula kwake Yesu, fiyi fyoha ifi akafiweni. ³ wakusengwa uyu wakusoma ni wakuyufwana malowe ga kulweta uku, ni wakufigoha ifi filembiki mamu. pakuya lukumbi lwake luyii papipi. ⁴ Yohana kwa Makamisa mhano na gawili aga gayii pa Asia. ⁵ Neema kwinu ni kindamba, kuhuma pa yombe uyu ayii ni akayili ni ayii mu kuhicha, ni kuhuma pa roho saba isi siyii palongolo pa kitihu kyake. ⁶ Ni kuhuma pa Yesu Kristo, ndungumakiso wakukeleka, wa kiwele wa wala wakufwa, ni wakutumbulisa wa watwa wa ndima. kwa uyu atigana , ni akatiwopwili pa sambi situ nu mwasi wake. ⁷ Lola, ayicha ni mafundi; ni liho liyi lyoha yalimbone na wala muwombe wakamhomiti, ni mitangilo yoha ya pa ndima yayipumunde pa mioyo ndawa ya yombe Ena, Amen. ⁸ Nenga niyii Alpha nu Omega, ajowa Bambo Mulungu uyu ayii ni uyu akayili ni uyu ayii mu kuhicha, mwene mbafu Amen. ⁹ Nenga Yohana ndongo winu, ni wakuhansangana nu Mwenga pa mahumbuso ni utwa ni luyumalakilo mwa Yesu, ni nikayili pa kilumba kya kukemeleka patmos, kwa ndawa ya malowe ga Mulungu, ni ya ulungamakiso wa Yesu. ¹⁰ Ni kayili Mwa Roho pa ligonoo lya Bambo, ni nikayufwini panyuma pa nenga njwawila ngulungu ngati mbata. ¹¹ Kujowa iki ulola, ukilembe pa kitabu ni kuchipeleka pa makanisa saba! ku Efeso, ni ku smurna, ni ku pergamo, niku Thuatira, ni ku sardis, ni ku Filadelfia, ni ku Laodikea. ¹² Ni nikang'anamwiki kulola njowelo iy yiyii mu kulongela nu nenga. Ni pakunganamuka nikaweni pakuwikila nyali saba za Zahabu. ¹³ Ni pangati pakuwikila nyali wakuhwanangana ni mwana wa Adam, afwatakiki ni mwingila mpaka mu njayio ni waniengiki mu mawele nu lukoto lwa Zahabu. ¹⁴ Leka muntu wake ni mayunju gake gakayili mawalafu ngati lwangi lwa limbelelele liwalafu ngati theluji, ni miho gake gakayili ngati likambe lya mwoto. ¹⁵ Ni njayo syake sikahwanangini ni nenge yakuguyulika, ngati yakulilika pa litende lya mwoto; ni njowelo gake yikayili ngati njwawila ya machi mingi. ¹⁶ Ni akayili ni ndondo saba pa kiwoko kyake kya kigosi ni kipitite pa ndomo pake upanga wa mawunngi gawili gakutema ini kyene kyake kikayili ngati umu limonakel alijuwa pa mbafu yake. ¹⁷ Na pala nikambweni, nikagwili pa njayo syake ngati wakufwa. ni akawikiti kiwoko kyake kya kigosi pa nenga, kunijowela usioyogopa; nenga niyii wakutumbula ni wakumalakila. ¹⁸ Ni wakulama; ni nikayili wakufwa , ni lola, niyii wakulama kwa miaka ni miaka ni nasyo funguo sya kifwa ni sya pandu pa mahoka. ¹⁹ Mumu ulembe, ifi ukafiweni ni ifi fiyii baho, ni ifi fiyii cha panyuma, kya kuhyetu kya ndondo saba sila ukasiweni pa kiwoko kyangu kya kigosi ni pakuwikila nyali saba pa zahabu. ²⁰ Ndondo saba siyii wakamalaika wa makanisa saba ni pakuwikila nyali saba payii makanisa saba.