¹ Ni akawajowile, cahakaka niwajowela wayile wangi wa awa na wombe wayima apa, ya waule lepa kifwa, mpaka pala yawawuwone utwa wa mlungu uhicha ni mbafu. ² Ni panyuma pa magono ntanda Yesu awotola pamoinga nu yombe Petro nu Yakobo, nu Yohana, na akwela nawo ku kidunda kilacho pa mweya wala wakape: na akang'anamwike uwunda wake palongolo pawe. ³ Nu fya kufwata fyake fikapatite kiya fya kun'ajima, fiwalafu mbee; ngati imu wa kughuyula mu nndima ahotola lepa kugawalasa wila. ⁴ Na wakawonakile awa Eliya pamonga na musa na wakayile mu kulongela nu Yesu. ⁵ Na ahiga Petro na annjowela Yesu, Rabbi, kiyii kinofu tenga kuya aopa: na tikakite fikonji fidatu: kimonga kwa wenga, ni kimonga kwa musa, ni kimonga kwa Eliya. ⁶ Pa kukita akamanyi lepa iki ngahigite: pa kukita akapatite kuya woga. ⁷ Ni likapatite kuya kifundi kuwalekela kifwinyi na likapatite kuya lilowe kuhumila ku lifundi uyu ayii mwanangu wa kuganika: munjufwanile yombe. ⁸ Ni kikenyemukile, ni pa akagelawine, wakambweni lepa kawili mundu, lema Yesu wakape pa monga nu wombe. ⁹ Na pa kuselela wombe pa kidunda, akawataukile mausi wasinnjowela mundu fifa wakafiweni, lema baha mwana wa Adam yasyuke pa wa kufwa. ¹⁰ Na wakamwile lilowe lila, kukotana yungi nnu nnjin kiki kusyuka kula kipitile pa wa kufwa. ¹² Na wakayile mu kunkota yombe, kujowa, wa kulembela wajowa kukita Eliya ngalongwile kuhicha. ¹¹ Leka akatawileb kwa wombe, Eliya na kukotoka kuhicha palongolo ni yayimiki kawili fyoha: na yalembike wuli ya mwana wa Adam, kukita yayufwane mahumbuso mingi ni kuhepeka? ¹³ Leka niwajowela kukita Eliya achite, na wakankitile fiyii fyoha fila wakalondite, ngati umu yalembikile ya yombe. ¹⁴ Na pala wakawachitile wanafunsi wakaweni lipuga likulungu kusfyungutila wombe, na wa kulembela wayile kulondalonda nawo. ¹⁵ Na hino apa lipuga lyoha, pa wakambweni, wakaganaganite nyamhope, nu kunkimbalila, wayile mu kundamukila. ¹⁶ Na akawakotite wombe, mulondalonda nawo kiki? ¹⁷ Na akamhigite yumonga wa lipuga, wakuwula, nikachite kwako nu mwanangu, uyu ayii nayo roho ya ngajowa. ¹⁸ Na payiinpoha wana yinkamula, yinngwesa pasi, na akita lifulufulu, ni kugogodola minu, ni afulufusika: na nikakite kwa wanafunsi wako nausi wayitage kunja; na wakayenile lepa. ¹⁹ Leka awahiga na ajowa, mwenga kihogosi wa ngali kiyitakiso, mpaka lili yanije kwinu? mpaka lili yaniwayolowele kwinu? ukantole yombe kwangu. ²⁰ Na wakantolile kwa yombe na pa kumbona roho hino apa ikankachwilile ngani: na pakagwile pasi na akayile kugawalawuka ni kukita lifulufulu. ²¹ Na akankotite dadi mundu lukumbi wuli luyii kitumbulile iki kikalpatite kuya kwa yombe wila? Leka akakite kitumbulile ukeke wake. ²² Na pingi pingi yintaga haka pa moto, haka mu machi, nausi yinjanange: leka bgati uhotla kindu, utoleke lipyana pa tenga ukatita ngatile. ²³ Leka Yesu akakite kwa yombe, nagti uhotola? fyoha fihotoleka kwa yula ywaakela. ²⁴ Hino apa akakugite dadi wakamwana yula, akajowite, nikela, utangatite pangali kukela kwangu. ²⁵ Nu Yesu pala akaweni kukita lipuga likimbila pa monga, akalakalile roho ya wafu yila, kunnjowela, wenga roho ya ngakulongela ni ya kisiwasi, nenga nikutaukile upite pa uyu, na usiyingila kawili kwa yombe. ²⁶ Na pala ikakugite na kukachula kwingi; yikambukite: nu mwana akapatite kuya ngati wa kufwa, mpaka wingi kujowa Afwile. ²⁷ Leka Yesu akanjamwile kiwoko, akambusite; na akayimi. ²⁸ Na pala akayingile mu nyumba, wanafunsi wakayile mu kunkota kumweya kukita, tenga tikahotwile lepa kuyitaga kunja iyi. ²⁹ Na ajkawatawile kukita nntundu ughu uhotoleka lepa kuwusika ni kindu kiyile kyoha, lema pa kusali. ³¹ Na wakabite kukulakula, wayile mu kugenda mwanja pagati pa Galilii, na akalondite lepa kukita mundu apate kumanya. ³⁰ Pa kukita ayile mu kuwawula wanafunsi wake, na akawajowile, mwana wa Adam afumbulika mu mawoko ga wandu, na yawankome: na wona akomiwe, panyuma pa magono gadatu yasyuke. ³² Leka wakayile kulimanya lilowe lila, na wakayile mu kuyogopa kunkota. ³³ Na wakachite pa kapernaum; na pala wakapatite kuya mu nyumba akayile mu kuwakota, kukita mujowaneye kiki pa ndila? ³⁴ Leka wakayile kutama kinunu pa kukita yungi nu nnjine wajowaneye pa ndila, nnkulungu nani? ³⁵ Na pa akatemi, akakemile kumi na wawili wala; na awajowela: ngati mundu alonda kuya wa kutumbula, yaaye wa panyuma wa woham na wa kuwatumakila woha. ³⁶ Na pa akatolite kana, akakawikite pagati pawe; na akakapagite, akakite wombe. ³⁷ Ayii ywoha yakakemelesa kamonga ka twana ngati aka pa lihina lyangu, anikemelesa, nenga na ayii ywoha akanikemelesa nenga. na kuya nenga lepa, koma yula akanitumite nenga. ³⁸ Yohana akatawile kwa yombe, wa kuwula, tikaweni nunuyu pa lihina lyako ataga kunja madaimon; na tikayile mu kunkanisa, pa kukita akayile lepa kukikisa tenga. ³⁹ Leka Yesu akakite mukotoke kunkanisa; pa kukita payii lepa mundu yuyu ywakita fya mbafu pa luhina lyangu, na yahotole manyata kunijowa nenga fiwifu. ⁴⁰ Pa kukita uyu na kuya wa kutipindika ayii wa kutiyimila. ⁴¹ Pa kukita ayii ywoha yawanywese mwenga nntimbo wa machi, pa kukita muyii wake Kristo,chakaka niwajowela, uyu yatage lepa njombe yake. ⁴² Na ayii ywoha yakuwase yumo wa awa wachoko wa kukela pa nenga, mbanga kwa yombe lwala lusyungusike pa singo yake, na atagike pa nyanja. ⁴³ Na wona kiwoko kyako kikukuwasa ukakindumule: kiyii kinofu kwako kuyingila mu wumi wa kilema, na kuya mwene mawoko gawili kubita kiyingalile mu gehena, kuyingila pa moto wa ngasinika. ⁴⁴ Pai lisomo lyawe lya ngafwilika, nu moto wa ngasimika. ⁴⁵ Na wona lwayo lukukuwasa, ukaludumule; kiyii kinofu kwako kuyingila ni hino limonga mu utwa wa mlungu na kuya mwene miho gawili kutagika kiyingalile gehena: Pali lisomo lyawe lyya ngafwilika, nu moto wa ngasimika. ⁴⁶ Pali lisomo lyawe lya ngafwilika, nu moto wa ngasimika. ⁴⁷ Na wona liho lyako likukuwasa, ukalikolombole; kiyii kinofub kwako kuyingila ni liho limonga mu utwa wa mlungu, na kuya mwene miho gawili kutagika kiyingalile mu gehena. ⁴⁸ Pali lisomo lyawe lya ngafwilika, nu moto wa ngasimika. ⁴⁹ Pa kukita nu moto ayii ywoha waulekelewe mwiyo, ni nyambiko iyi yoha yayilekelelewe mwiyo, ni nyambiko iyi yoha yaiyilekelewe mwinyo. ⁵⁰ Mwinyo unofu: leka ngati mwiyo ukapata kuya mwinyo wa waka, nu kiki yaunogele? muyii nagho mwinyo mugati mwinu, ni muyii ni kindamba yungi nu yungi.